بيت النجار الجزء الثاني

علي السطوح في البيت الكبير .. .. سعاد كانت طالعه تسقي الزرع او بتعمل نفسها بتسقي الزرع... سامح: صباح الخير يا سعاد.. سعاد: صباح النور يا استاذ سامح ... بس احنا خلاص داخلين علي الضهر.. سامح بدهشة: استاذ ايه بس.. ده احنا مخطوبين وهنتجوز.. بتكبريني ليه.. سعاد بحب: بس انا شايفاك كبير فعلا.. وبعدين مش انت هتكون استاذي في الجامعه...لازم اقول قدام كل الناس انك استاذي وابئي فخورة بيك اوي.. سامح قعد يبص لها ومعرفش يرد.. سعاد بدهشة: ايه.. بتبص ليا كدا ليه.. سامح: في حاجات كدا الواحد مش بيبئي واخد باله منها او مش عاوز يخد باله منها عشان مركز في حاجات تانيه وهمية.. سعاد: اممم.. والحاجات دي زي ايه.. سامح: زي طيبتك ورقتك وانك جميله.. اول مرة اخد بالي انك جميله اوي.. سعاد ب**وف: تعرف نفسي في ايه.. سامح: انتي تؤمري.. نفسك في ايه.. سعاد: نفسي نتمشي سوا ايدي في ايدك وكل اما حد يقابلنا اقوله انك خطيبي واستاذي واحسن واحد في الدنيا كلها... سامح بحنية: يا سلام.. بس كدا.. من عنيا.. ننزل ونتمشي وندخل سينما سوا كمان.. ايه رأيك نخرج سوا بكرة ان شاء الله... بس علي شرط.. سعاد: ايه هو.. سامح: تلبسي الفستان اللي كنتي لابساه في الخطوبه.. كان يجنن عليكي.. سعاد ب**وف: ماشي.. انا هنزل بئي.. باي.. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . في مصلحة الضرايب.... خالد: خلاص يا عماد.. ابئي بلغ اللي اسمها عبير دي ان انا مش هتكلم ولا هبلغ عنها.. بس خليها تديني وصولات الامانه وهديها الورق اللي معايا.. عماد: ايوه كدا يا اخي.. استني اما اكلمها.. عماد في التليفون: ايوه يا مدام.. كلو تمام.. مفيش اي مشاكل.. الورق موجود.. ااه.. ماشي.. تحبي نجيلك امتي... لا هقوله.. متقلقيش.. خالد: انا ولا هروح ولا هجي.. خد الورق اهو وهاتلي وصولات الأمانه منها.. عماد: هو انا عارف شكل وصولات الامانه ولا عددهم يا راجل.. افرض عطيتها الورق وحجزت وصل ولا اتنين عندها.. تدخلك السجن بيهم... تعالي عشان تضمن حقك.. وبعدين الست نيتها كويسة وقالتلي انها عاوزة تمسكك مدير المحلات دي كلها وهتد*ك فلوس تكمل علاج بنتك.. خالد: انت عندك حق في موضوع الوصولات ده بس انا مش هخد منها فلوس تاني خالص.. عماد: وهتكمل علاج بنتك منين.. خالد: متلعبش في دماغي يا عماد... خلصنا بئي.. هجي معاك.. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . في الورشة... سلامة: السلام عليكم ورحمة الله وبركاته.. ازيك يا خليل.. خليل: الحمد لله يا حاج.. سلامة: مب**ك لابنك سامح.. ولو اني واخد علي خاطري عشان ولا عبرتني كدا ولا عزمتني علي الخطوبة.. ده زي ابني بردو وسعاد زي بنتي.. خليل: متزعلش نفسك يا حاج.. ده هي كانت قراية فاتحة كدا وتلبيس دبل علي الديق.. ان شاء الله كل الحبايب معزومين في الشبكة الكبيرة.. سلامة: ماشي يا خليل.. علي العموم انا بردو احسن منك وجيت بنفسي عشان اد*ك دعوة فرح جلال الخميس الجاي ان شاء الله في فندق خمس نجوم.. ابئي تعالي انت والحاجة والعرسان كدا تشوفو الدنيا.. خليل: ان شاء الله يا حاج... ألف الف مب**ك وربنا يرزقه بالذرية الصالحة... سلامة: اللهم آمين.. همشي انا بئي... خليل: في رعاية الله يا حاج... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . في المحل.. عبير بابتسامة: اهلا اهلا يا خالد.. منور المحل بتاعك.. اتفضل يا عماد.. عماد: يزيد فضلك يا مدام... خالد: احنا جايين نخد الوصولات ونسلمك الورق وخلاص علي كدا.. كل واحد من طريق.. عبير: اقعد بس.. انا ميرضنيش زعلك.. لو عاوز ادفع فلوس الضرايب اللي سمسرتها من الحكومة ادفعها.. اللي انت هتقول عليه دلوقتي هعمله.. وادي وصولات الامانه هقطعها قدامك.. يعني لو عاوز تبلغ عني دلوقتي حالا بلغ.. عماد: ايه اللي بتقوليه ده يا مدام.. عبير: بس يا عماد.. انا بجد ندمانه اني اورط بني ادم نضيف زي ده ... بس انا كمان اول مرة اعمل كدا وآخر مرة ان شاء الله يارب.. خالد بدهشة: بتتكلمي جد يا مدام... عبير: انت شكلك مش مصدقني... وعشان اكفر عن ذنبي قدامك اهو... ادي شيك بميت ألف جنيه هديهولك تطلعه لله في أي حاجة انت تحبها... خالد: طب ما انتي طلعيه بمعرفتك.. عبير: لا انا واثقه فيك انت وعارفه انك هتطلعها في مكانها المظبوط... بس عندي شرط واحد.. خالد: اتفضلي.. عبير: انا عاوزاك معايا في شغلي... مقدرش اشتغل من غيرك.. ولو خايف يعني اني استغل وظيفتك ممكن تقدم استقاله من شغل الحكومة أو خد اجازة وانا هعوضك بمرتب كبير... عماد: ايه يا عم الحلاوة دي.. بيضالك في القفس.. ده انت امك دعيالك... عبير: ممكن يا عماد تستنانا برا شوية بعد اذنك... عماد بحرج: اه طبعا.. خالد بدهشه: في ايه انا مش فاهم اي حاجة.. عبير: مش فاهم ايه يا اخي.. انا بحبك وعاوزة اتجوزك.... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . اما في اوضة سيد.. خليل: خير يا سيد يا ابني.. انت شكلك مش مظبوط خالص.. اتكلم قلقتني عليك.. سيد: انا مسميش سيد يا عم خليل.. انا صالح ابراهيم أبو جبل . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . خليل بدهشة: ايه اللي انت بتقوله ده يا ابني... سيد بحزن: انا هحكيلك كل حاجة يا عم خليل.. خليني انزل من علي كتافي الهم اللي شايله لوحدي بقالي سنين... خليل: خير يا ابني.. قلقتني عليك.. سيد: فاكر يا عم خليل اما جيت ليكو وانا عيل صغير يا دوب معايا الابتدائية ومعييش ولا هدوم ولا اكل وحافي وجعان... انا مش مكانش عندي اهل زي ما قولتلكو... انا عندي اهل وعزوة كبيرة في الصعيد.. بس الزمن فرق بيني وبينهم... خليل: لا حول ولا قوة إلا بالله العلي العظيم... عشان كدا كان لهجتك غريبة عن هنا.. سيد: ايوه.. بس **مت اني لازم اغيرها عشان متكشفش... خليل: مين هيكشفك يبني.. انا مش فاهم أي حاجة.. سيد: انا كنت جاي هربان يا عم خليل... ابويا اتقتل وانا صغير في حكاية طار... خليل: لا حول ولا قوة إلا بالله... هو الطار لسه عندكو... الحكاية دي مش هتخلص بئي.. سيد: لا مش هتخلص لحد ما تقضي علينا كلنا... ابويا لما اتقتل.. امي قعدت تسخن فيا وتقولي لازم لما تكبر تخد طار ابوك من اللي قتله.. وفهمتني اني كدا هبئي راجل والبلد كلها تحلف بحياتي... لحد ما فكرة الطار مبقتش تروح عن بالي خالص ... خليل: غلط كبير وظلم للنفس... هو الطار ده أي حد كدا يخده... ما انت هتقتل واحد وهم يقتلو منكو واحد.. العيلتين هيخلصو.. سيد بحزن: عندك حق يا عم خليل... انا كنت فاكر ان ده شرع ربنا وامي قالتلي لازم نخد الطار عشان نعيش مرفوعين الراس ولا الغريب هييجي ياخدهولنا... انا كنت لسه صغير وطايش.. صدقت كلامها وقولت ان ده الصح... والرلجل اللي قتل ابويا ماشي في البلد ولا هامه.. لأن انا لسه صغير مش خايف مني في حاجة.... في مرة لاقيت ابن الراجل ده بيلعب قريب من الترعة فزقيته في الترعة واتأكدت انه غرق وجريت علي امي ابشرها... خليل بسخرية: فرحت طبعا انك بقيت راجل وخدت الطار.. سيد بحزن: فرحت ااه.. بس لمت الشنطة دي وعطتني حق القطر وقالتلي اركب روح مصر ومترجعش هنا تاني.. مش عايزاك انت كمان تموت زي أبوك... خليل: لا حول ولا قوة إلا بالله... حد يعمل في ضناه كدا.. سيد: ده الصندوق يا عم خليل.. كل اللي بقالي من ريحة اهلي.. فكرت كتير ارجعلهم او اسأل علي امي واخواتي البنات معرفتش... يا تري حالهم اي دلوقتي... خليل: مسير الحي يتلاقي يا ابني والغمه دي تنزاح.. دي شهادة ميلادك وورق المدرسه وكل حاجة... سيد: ايوه امي قالت لي خدهم معاك لعلهم ينفعوني.. بس قالت لي متوريهومش لحد واحفظ سرك لنفسك لحد ما تموت.. بس انا معدتش قادر خلاص.. انا كنت شاطر في المدرسة اوي يا عم خليل والله.. كان نفسي اطلع دكتور ولا مهندس واتجوز واخلف عيال واقعد في وسط اهلي بس منه لله الطار... خليل: وايه اللي خلاك تحكي بعد السنين دي كلها يبني.. سيد: نفسي اكمل تعليمي ومحتاج حد يساعدني.. عاوز احس ان ليا ضهر وانت احن واحد عليا في الحي كلو وعارف انك مش هتكشف سري يا عم خليل... خليل: ربنا يكرمك يا ابني ويرزقك كل اللي بتتمناه.. في واحد بس اللي هقوله عشان يساعدك... هو سامح اللي هيعرف يساعدك ان شاء الله... سيد: بس الكلام ده ميطلعش لحد يا حاج ربنا يخليك.. اكد عليه... . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .