بيت النجار الجزء الثاني

الفصل السادس

سامح : بصراحة انا كنت عاوز اتجوز ...

خليل : ياه بالسرعة دي .. ده انت خاطب سعاد مكملتش شهرين ..

سامح : خير البر عاجله بئي يا حاج .. انت مش عاوز تفرح بيا ولا ايه ..

خليل : عاوز يا ابني بس ..

سامح مقاطعا : بس ايه .. متشيلش هم المعيشة .. انا هخد مرتب كويس ان شاء الله من الكليه .. مش هطلب منك فلوس تاني ان شاء الله ....

خليل : المسأله مش مسأله فلوس يبني . . الفلوس دي اخر حاجة الواحد يفكر فيها .. الشاب لما بينوي العفاف ربنا بييسر له اموره وبيرزقه من حيث لا يحتسب ..

سامح : اومال ايه المشكله يا بابا ..

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

خليل : المسأله يا ابني .. انت عاوز تتجوز سعاد فعلا .. ولا انت خطبتها عشان تنسي بسرعه .. ولا بتغيظ سلمي مثلا ..

انا لما لاقيتك عاوز تخطب سعاد متكلمتش .. قولت انك عاقل وفاهم بتعمل ايه .. وقولت يمكن هيجرب يحبها يا واد يا خليل .. وممكن لما يقرب منها يحبها فعلا ويحصل اللي نفسك فيه ... بس انت النهاردة بتفاجئني بعد شهر ونص خطوبة انك خدت القرار .. لا انت كدا متسرع .. انا عارف ان سعاد بتحبك .. بس هل انت بتحبها بجد ولا اي .. يعني ده جواز مش خطوبة وخلاص .. فانا مش عاوزك تظلمها .. فكر في الكلام كدا تاني واعقله ورد عليا ..

سامح : بس يا بابا ..

خليل مقاطعا : فكرر ورد عليا .. يلا نتعشي ..

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

الصبح بدري ..

في السجن ...

نعمات : عامل ايه يا منعم .. وحشتني من الزيارة اللي فاتت ..

منعم : الحمد لله يا نعمات .. انا كويس والله .. انتي كمان وحشتيني اوي ... عامله ايه في الحمل .. والعيال جوا عاملين ايه . . ههههههه . .

نعمات بضحك : كويسين الحمد لله بيسألو عليك ..

منعم : هانت ان شاء الله يا نعمات .. السنه هتعدي علي طول ان شاء الله . .. المهم انتي بتكلي كويس .. ومرتاحة ... الحاج بيبعت ليكي طلباتك ولا ايه ...

نعمات : انا الحمد لله بكل وبشرب وواخده بالي من صحتي ومن الحمل .. مش ناقصني غير وجودك جنبي ..

منعم : معلش يا حبيبتي .. نستحمل شوية ونرتاح بعد كدا ان شاء الله ...

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

نعمات : انت عامل ايه هنا ..

منعم : الحمد لله الايام زي بعضها مفيش جديد ..

منعرفيش الحاج بدأ في المعرض ولا لسه ..

نعمات : ااه بدأ .. بس ..

منعم بفزع : بس ايه... ...

نعمات : جلال ابنه قتل مراته ..

منعم : ايه .. قتل الست فريال ..

نعمات : لا لا .. كان عامل فرح كبير واتجوز واحدة جديدة متهيألي عشان موضوع الحمل والعيال .. هو عزمني بصراحة بس انا مروحتش عشان انت مش موجود .. المهم يعني متعرفش اي اللي حصل .. الصبح الحي اتردم مباحث وقالو انه قتلها اول ما دخلو بيتهم .. يلا ربنا يلطف بيه وبينا ...

منعم : لا حول ولا قوة إلا بالله العلي العظيم. ..

وبعدين في حالنا ده .. يعني ممكن الحج ميكملش المعرض ..

نعمات : متقلقش .. هو هيتصرف ويطلع جلال زي ما طلع سالم من اللي فاتت .. ان شاء الله اطمنك الزيارة الجاية ان شاء الله ... بص بئي انا عملت لك الاكل اللي بتحبه .. انت بس تقولي نفسك في ايه وانا عنيا ليك .. يلا يا حبيبي بالهنا والشفا ..

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

علي شاطئ البحر ..

عبير بحب : الله يا خالد .. دي احلي ايام بعيشها في حياتي .. ده الواحد ولا كإنه اتجوز قبل كدا .. ..

خالد : بس انتي كنتي متجوزة فعلا ..

عبير : ايوه كنت متجوزة صغيرة عيله ١٦ سنة .. مش فاهمه اي حاجة في الدنيا .. اهلها رموها لواحد قد عمرها تلات أربع مرات عشان كانو غلابه .. بتفكرني ليه يا خالد ..

خالد : انا مفكرتكيش .. انتي اللي مش عارفه تنسي ..

عبير بحزن : مش عارفه انسي بصراحة .. عارف يعني ايه اعيش مع بني آدم قد جدي ههههههه .. بجد اد جدي .. الله يرحمه بئي ..

خالد : لبستي فستان فرح ؟

عبير : فستان فرح مين يا عم .. ده جه خدني من بيت ابويا وهو لابس شبشب وخدت كيس هدومي وروحت معاه ..

خالد : هو مكانش متجوز ؟

عبير : كان متجوز ومراته ماتت وعياله سابوه ومشو .. كانو بييجو يخدو منه فلوس بس ويمشو .. مع انه كان راجل مقتدر بس كان بخيل .. زغلل عين ابويا بالفلوس الأول واشتراني .. وسكت عياله بردو بالفلوس عشان متجوز واحدة اصغر منهم ..

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

خالد : وبعدين حصل ايه ..

عبير : محصلش حاجة .. عيشت معاه عشرين سنه .. ههههههه .. الراجل ربنا مد في عمره .. كل يوم كنت بصبر نفسي واقول بكرة هيموت .. بس مكانش بيموت .. بس صبرت ولما كبر وتعب بئي بيصعب عليا ..

خالد : وعياله راحو فين ..

عبير : مكانوش بييجو خالص بعد ما طردهم مرة كانو عاوزين يخدو كل فلوسه عشان نايم في السرير مش قادر يتحرك ..

خالد : وانتي جيبتي كل الفلوس اللي عندك دي منين والمحلات والمولات ..

عبير : ما هو في تعبه الأخير .. كان في ساعة صفا كدا جاب محامي وكتب لي كل حاجة .. وبعدها بفترة مات ..

خالد : وعياله سابولك كل ده عادي كدا ..

عبير بضحك : لا طبعا .. رفعو قضايا تزوير و اشتكوني كتير جدا .. بس مطلعوش بحاجة في الاخر .. قومت اكبر محاميين في البلد .. حقي وخدته .. حق السنين اللي عدت معاه دي كلها .. حق شبابي اللي راح يا خالد .. انا تعبت أوي من الظلم .. انا لحد دلوقتي ملبستش فستان الفرح ولا مرة ..

خالد بحنان : ولا تزعلي نفسك .. النهاردة هننزل نشتري احلي فستان فرح في البلد ونعمل حفله خاصة انا وانتي يا قمر ..

عبير بفرحة : بجد يا خالد .. انا مش مهم عندي الفستان ولا الدنيا كلها .. المهم بس اني معاك ..

خالد : انتي ليه اتغيرتي معايا فجأة كدا ..

عبير : أول مرة اتغيرت معاملتي ليك لما عرفت انك شغال في الضرايب وممكن تسهلي الدنيا شوية في الضرايب خصوصا وان المحلات بيطلع عليها ضرايب كتير جدا ...

بس اتغيرت فعلا من قلبي لما حبيتك .. حسيت انك راجل نضيف .. مش زي اي حد قابلته قبل كدا ..

خالد : يا سيدي يا سيدي .. تعالي يا واد يا عماد شوف الكلام الحلو اللي بيتقالي ..

عبير بضحك : ما بلاش سيرة عماد بئي .. احنا جايين نفرفش ..

خالد : خلاص متزعليش نفسك .. .. .. يلا قومي عشان ننزل نشتري الفستان .. عشر دقايق والاقيكي جاهزة ..

عبير : هجهز في ثواااني ...

يتبع ،،،،

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .