العهد المكتوب

من أبرز ما قيل عن الاب يزأر الأسد و لكنه لا يلتهم صغاره. ولا يغفو قلب الأب، إلا بعد أن تغفو جميع القلوب. لقيت الظابط اتعدل وعينه برقت وقالي اية انت بتقول ايه ومين اللي قتلته ده وبعدين انت مين اصلا ، رديت وقلت بقولك انا المجرم اللي قتل ابنه ، اتخض الضابط وكان مش مصدق ان فيه اب يقتل ابنه ، ليه هو ايه اللي جري في الدنيا ، ده القطة بتعدي بيهم سبع بحور ، وقالي وهو مندهش ، ممكن تعقد كدا وتهدي وتقولي اسمك اية و بتشتغل ايه ؟ واية حكايتك واية قصة القتل ده ، وازي قتلت ابنك زي ما بتقول ، بدات احكي قصتي ، انا مروان مدير شركة تسويق الكتروني ، يعني شغلي كله يعتمد علي النت ، اتجوزت بنت الجيران ، حلم العمر كله ، اللي كانت وشها وش السعد والهنا عليا،اسمها جميلة و كانت فعلا جميلة بحجابها و اخلاقها وروحها الطاهرة النقية ، كل شباب الحتة يتمنوها وهي بعيدة . ، كل البعد عن أمانيهم ، لان كان مهرها غالي ، من الثانوية العامة وانا بحوش فيه ، اصل كان مهرها حفظ كتاب الله ، ولأني كنت بحبها و بعشق التراب اللي بتمشي عليه ، حفظت المصحف كله ، ااه ماهو من طلب العلا سهر الليالي ، ورحت اتقدم لها ، اول مادخلت البيت حسيت براحة ، اصل الهدوء النفسي ده شيء مش سهل تلاقيه ، قعدت علي الكنبة قصد باباها ، اللي اول ماشافني ابتسم وقالي خير يامروان يابني ، قولتله خير ياعم ماهر ، انا كنت جاي لحضرتك النهاردة عشان اطلب ايد جميلة ، وكنت اتعشم في حضرتك خير انك توافق ، ابتسم بوشه البشوش ده وقالي ، انت ابن ناس وابوك طول عمره راجل صالح ، بس انت يابني ، ولقيته سكت وقتها قلبي وقع في رجلي وقلت له انا اية بس ، انا خلصت كليتي بتقدير جيد جدا ودلوقتي شغال في التسويق ،وده مجال مربح ، يعني ميسور الحال ، عندي شقة في المعادي وفرشها احسن فرش ،ولسه جايب عربية وبدفع قسطها كل شهر ، ولا بشرب حتى السيجارة ، يعني شاب مكافح ، مقعدتش علي القهوة استني وظيفة ، لا فحت في الصخر لحد ما عملت اسم والحمد لله ، لقيته ابتسم اوي وقالي ماشاء الله ربنا يزيدك يابني ، بس يعني انت اتكلمت علي كل حاجة ونسيت اهم حاجة ، انتبهت كده وقولتله ايه هي ياعمي ، رد وقالي مسمعتش بتقول اني مواظب على الصلاة في وقتها ، رد بيت بذكاء وقولتله لأنها علاقة خفية بيني وبين ربي ، ادعيلي اكون من المتاقين ياعمي ، لقيته فرح اوي من ردي ده ، قال أحسنت يا بني ، طب عن اذنك اشوف راي جميلة ، وسابني وخرج ، ووقتها انا كنت قلقان عامل زي طالب الثانوية العامة اللي نتيجته هتظهر كمان نص ساعة لخد لما لقيته داخل عليا ، بوشة المنور ده ، وقالي جميلة جاية حالا ، قولتله روح ياشيخ ربنا يبشرك بزيارة الكعبة ، ويجعل في وشك القبول ، ودخلت جميلة ، اللي اول ما شالت ، النقاب الاوضة نورت من جملها عمي قالي تقدر تسألها عن أي حاجة ده رؤية شرعية ، وهي كمان لو حابة تسألك عن اي حاجة ، لقيتها سألتني بحياء، كم جزء من القرآن تحفظ ، رديت بفخر ، وقولتله احفظه بالكامل ، ابتسمت وسالتني ، اية هي شروط الزواج الناجح ، سرحت كده وقولتله المودة والرحمة ، ابتسمت تاني وقالتلي ، ولو في يوم كرهت عشرتي ، هتعمل اية ، قولتلها مش هيحصل اصلا ،بس عموما عمري ما هظلمك ، سالتني ليه اختارتني انا بالخصوص ، قولتلها شوفتك زوجة صالحة ، فاتمنيك ام لاودي ، ابتسمت وقالتلي الرد علي طلبك مع بابا عن اذنك وحطت النقاب وخرجت ، باباها ابتسم وقالي مب**ك يابني وقرأنا الفاتحة ، كنت فرحان جدا ، عشان انا اللي فوزت بجوهرة الحتة ، واتجوزتها في اقل من 3 شهور ، وفعلا الزوجة الصالحة رزق ونعمة في البيت ، تعينك علي طاعة الله والتقرب منه ومرت الايام وفات علي جوازنا 15 سنة وربنا رزقني منها بأربع أولاد ، بنتين وولدين ، وحالتي المادية اتحسنت اوي الشقة بقت فيلا ،والعربية بقت اتنين ، والفلوس بقت بزيادة ، ولكل عيل دفتر حساب لمستقبله والأولاد في مدارس انترناشونال ، بس ربنا اراد ان يختبرني ، فاجأة ، ولان ايماني ضعيف ، مكنتش قد الاختبار وسقط فيه ، يمكن لاني مسمعتش كلام جميلة ، لما كانت بتقولي اما بنعمة ربك فحدث ، اوعي تنسي الصدقة يا مروان ، الحسنة بعشرة أمثالها ، وافضل انواع التجارة اللي بتكون مع ربنا ، تجارة لا تبور ابدا ، كنت بهز راسي وخلاص ،لحد ما في كنت في يوم قاعد على اللاب بتاعي بشتغل كالعادة ولقتها دخلة تكلمني وتقولي ، ازيك يامروان ، استغربت وقلت مين ده ، سالتها مين حضرتك ،قالتلي ، انا هانيا ، معقول نسيتني يامروان ، سرحت شوية وافتكرتها ده كانت صحبتي ايام الشقاوة في الجامعة ، وللأسف سلمت نفسي للشيطان و اتبعت خطواته ، واشتقت لايام زمان ، وغاوتني الشيطانة وانا سلمت ورحبت ، كل يوم تكلمني وتبعالي صورها اللي مش تمام ، وكلامها اللي لا فيه خشي ولا حياء والمكالمات بقت فيديو ومقابلات سرية ، ونسيت نفسي واهملت شغلي وبيتي ، وبدأت اصرف عليها في سهرتنا القذرة ، وعلمتني شرب المنكر وشرب السجائر والم**رات كمان ، انقلبت حياتي رأسا على عقب ، جميلة شكت في امري ، حاولت كتير ترجعني عن طريق الهلاك ، بس انا كان شيطاني اقوى مني ، كانت بتقف قدامي تمنعني من الخروج ، وانا كنت في حالة جنونية لدرجة اني كنت اض*بها بقسوة ، رانا كتت ببقي نغيب من الم**رات ، كنت اسمعها تقول للأولاد ادخلوا اوضكم واقفلوا على نفسكم لان بابا تعبان وبيتألم ، ومحتاج يرتاح ، وتحبس نفسها معايا في نفس الاوضه ، تقولي مش هتخرج ولازم تتعالج انت زوج وأب ، وميصحش ولادك يشفوك بشكل ده ، استحمل شوية و هتخف بعدين ، ده شيطان صدقني اتغلب عليه وانا معاك اتوضي وصلي ، وادعي وقول يارب وكنت بقابل ده بض*بها ، كانت تقولي لو ض*بك ليا هيريحك ، اض*ب وانا هستحمل وان شاء الله نجتاز الفترة ده ، بس ساعدني وساعد نفسك ، رقاهد انا مسمعتش غير لشيطانة هانيا ، وفي يوم كنت خارج ،جميلة وقفت قصادي ، ومنعتني اخرج ، فضلت اض*ب فيها لحد ما لقتها طلب مني الطلاق ،وفي لحظة ضعف وعدم ارادة قولتلها غوري انتي طالق ، فضلت تعيط وقالتي يا خسارة يا مروان ، واخدت اولادها في حضنها ،وهما مفزوعين من منظر امهم وهي بتنض*ب وتتهان ، وانا بكل قسوة ولا اتهز فيا شعرة وسيبتهم وخرجت ، وقضيت ليلتي مع المجرمة ده ، ورجعت لقيت البيت فاضي لا لقيت جميلة ولا لقيت ولادي ، فضلت على كده شهر كامل كنت بدخل البيت كأنه خرابة مافيش الهدوء النفسي ولا الضحكة الحلوة اللي كانت بتقبلني بها جميلة ولا جري اولادي عليا وفرحتهم بيا اول ماادخل ، ركبني العند وقلت لازم ا**رها واجبرها ترجع ، اتجوزت المجرمة ده وقلت لازم اخد من جميلة ولادي ، يمكن ترجع لعقلها و ترجعلي من تاني ، بس زي ما بيقولوا العند يورث الكفر ، اخدت منها ولادها بالعافية ، وهي كانت بتموت ، وقالتلي هو ده الوعد اللي وعدته ليا ، انك مش هتظلمتي ، ،و انك تتقي الله فيا ، روح حسبي الله ونعم الوكيل فيك يامروان ، اخذت الاولاد البيت ونسيت اني المجرمة ده لا تستأمن على حشرة مش امان علي اولادي معاها ، مكنتش بطيق البيت طول ما جميلة مكنتش موجودة ، وكنت بهرب من دموع ولادي ونظرت الحزن اللي في عيونهم ، ومحاولتش مرة اسألهم عن سبب دموعهم المستمرة ، وعدت الايام والشهور ، ومكنتش بلاحظ ولادي في البيت كتير وكل مااسال هانيا الولاد فين تقولي تعشوا وناموا ، وفي مرة لقيت بنتي شعرها مقصوص رغم انه كان طويل جدا ، سألتها مين قصلك شعرك ، لسه هترد عليا ، ردت الحرباية ده وقالتلي كده اجمل ، هي مش بتعتني بنظافته فقصته لها ، ومرة لقيت درع ابني الصغير م**ور ولما سالته ، قالي انها هي اللي وقعته علي درعه لكن هي سبقت وفضلت تعيط وتتمسكن وتقولي انه غلط فيها وهي بتحاول تربيه انا مكان امهم ، و وقع على يده ان**رت غصب عنها ، وفضلت تقولي مش كفاية بربي أولاد غيري ، بدل ما تقولي تشكري جاي تحسبني ، روح يا خويا وديهم للسنيوريتا بتاعتك ، قولتلها اخر مرة اشوفك تمدي ايدك علي حد من ولادي لو كررتيها هقطعهلك انتي فاهمة ، اتاري المجرمة كانت بتحبس الاولاد بدون اكل ولا شرب و تكدب عليا وتقولي اكلوا وناموا ، حتى الحمام كانت بترفض تدخلهم ، لما ولادي تعبوا منها فكروا يهربوا ، وفعلا لموا هدمهم ونزلوا،ولما شافتهم هي وطلعت وراهم وتخوفهم بالعقاب لما الاولاد خافوا منهم وفضلوا يجروا في الشارع وجت عربية وخبطت ابني ومات بعد ماقال لاخوته قول لبابا اني هروح عند ربنا واشكيله منه ، انه مشي ماما الحلوة الطيبة ، وجبلنا الست الوحشة ده ، ، وانا مش مسامحه ، رجعت شفت ابني غرقان في دمه ، جت احضنه قالي مش عايز احضنك انا مش بحبك يابابا ، انا عايز ماما ، ومات ابني وهو رافض حضني ، وكله بسبب عندي مع مراتي ، وقلة ايماني بربنا ، عشان سمعت للشيطانة ده وسمحتلها تدخل حياتي وتهدمها ، لقيت الظابط قالي وهو متأثر اوى ، ياريت كان في عقوبة عندي احسبك بها ، انما للاسف الولد مات نتيجة حادثة ، انت كفاية عليك ضميرك يفضل يوجعك وصورة ابنك وهو رفضك حتى في آخر نفس له ده لوحدها عذاب ، انت اللي زيك مينفعش يكون اب ، وخرجت بعد ما طلقتها ، .ومن يومها وانا قاعد في الشارع ، مش قادر اطلع شقتي ولا اشوف بقيت اولادي بعد ما جميلة رجعت في وسط ولادها من تاني ، الصّحبة الصّالحة هي اللي تجعلك تعـيش مرتين ، مرة بالدنيا ، والأخرى في الجنّة. و تبأ لكلّ من عذَّب وخان، واستهان بمشاعر إنسان، وكأنّه لا يعلم أنّ قانون هذا الكون هو كما تدين تُدان. فعليك معرفة ان سوف تحصد نتيجة افعالك في يوم من الايام ،