Chapter 50
Isang linggo nang nasa Varianus forest si Evan. Tuwing gabi ay palihim siyang umaalis ng bahay upang pumunta sa ilog upang magsanay ng kaniyang mahika. Sinasamahan siya madalas ni Figus upang ito ang maging mga mata niya sa paligid.
Hindi siya maaaring makita ng kahit na sino na nakatira sa Varianus dahil tiyak na magkakaproblema dahil isa siyang Doumentry. Ang halos lahat ng mga duwende ay galit sa kaharian ng Doumentry dahil sa pamumuno ni Osvar.
“Nabalitaan ko sa bayan na sa susunod na tatlong araw na magaganap ang paglalaban ng iyong mga kapatid sa trono. Si Osvar, Philiph, Plavo, jeremiah at pati na si Leopold. Sila-sila ang opisyal na maglalaban,” sabi ni Figus.
Mahigpit niyang hinawakan ang espada na gawa sa kahoy. Iwinasiwas niya iyon sa ere. Pangalawang beses na niy
