أسوار من نار

أسوار من نار البارت الثاني

سبت ماما و بابا و دخلت علشان انام لكن صوره نبيل وصورته و كلامه كانوا محاوطني في كل حته . على قد ما كان موضوع بابا و ماما مضايقني على قد ما كنت فرحانه اني شفت نبيل مره تانيه.و عرفت اسمه و كلمته وكلمني أنا أول مره اتعرف على حد أول مره اكلم حد. واول مره افكر في حد مش بس كده . انا حاسه بحاجه غريبه. حاجه عمري ما حسيت بيها خالص،قلبي. بيدق. و خايف.و لاول مره بيدق خوف مش خوف قلق لا ده خوف من نوع تاني. يمكن حتى ما يكونش خوف احساس غريب عمري ما حسبته قبل كده هيفاء بشكل طبيعي خائفه وقلقانه وحاسه بحاجه غريبه اول مره احس بها في حياتي

وكأني كنت ماشيه في صحرا صحرا كبيره مالهاش اول من آخرماشيه و انا هموت واشرب. وفجأه لقيت بحيره مايه من بعيد وعلي قد ما فرحت اني لقيت المايه اللي هموت عليها على قد ما انا خايفه انها تطلع سراب بس لازم امشي واروحلها لاني من غير الامل ده هموت بس في نفس الوقت لو مشيت الطريق الطويل ده وطلعت سراب.هموت برده .

خايفه لكن سعيده قلقانه لكن عندي امل، مشاعر متلخبطه مش عارفه اعمل ايه

حطيت راسي على المخده وانا مش بفكر في حاجه الا نبيل يا ترى هشوفه تانييا ترى هيجي بكره في نفس الميعاد علشان يشوفني يا ترى هو كمان بيفكر فيا و غمضت عيني علشان اشوفه واددق في ملامحه و انا مغمضه عندي شعور كبير اني لازم اشوفك في احساس ملحقوا في عايزني اشوفه واقعد معه واكلمه ما اعرفش ليه ارتبطت به بالشكل الغريب ده .

لكن حصل حاجه غريبه حسيت ان في حد واقف قدامي وانا نايمه حد واقف جنب حرف السرير فتحت عيني وتفاجأت نبيل قمت و انا مخضوضه

_ انت ازاي واقف هنا

= مش مهم ازاي المهم انك قدامي

_ بس أناعاوزه افهم انت عرفت بيتي ازاي.... ودخلت لحد هنا ازاي.

ابتسم نبيل ابتسامته الساحره ومد اديه ولمس خدي .و قالي

_ انتي عارفه انا بقالي قد ايه نفسي أقف قدامك كده لو حدناوالمسك و انتي صاحيه و ابص في عينك كده

= بس احنا اول مره نشوف بعض من يومين بس

_ ده بالنسبه لك انت بس

= يعني ايه مش فاهمه

_ انا كنت ديما حواليكي و بشوفك ويستنى اليوم اللي هيجي و اكلمك و اعرفك على نفسي

= مش معقول

_ صدقيني أنا تقريبا عشت عمري كله استناكي انتي مش عارفه انا بحبك قد ايه

= بتحبني، انت تقصد بتحبني انا.

_ ايوه يا سمر بحبك انت و عمري ما حبيت و لا هحب حد غيرك

ومد اديه علشان يمسك ادي بكل حنيه وهدوء دقات قلبي زادت وكانها في سباق مع ثواني الزمن وحصلت حاجه غريبه اول لما مسك ايدي قيت رجلي بتترفع من الأرض وكأني هطير انا و هو و فعلا مشينا على الهوا واحنا ما سكين أدين بعض أول مره امسك ايد شاب مشينا و طلعنا من شباك اوضتي و انا مش مصدقه اللي بيحصل معقول ده حقيقه أنا اكيد بحلم بس مش مشكله انه حلم المهم اني ماسكه في اديه و معاه وحاسه اني مش بس انا اللي طايره لا و كمان قلبي طاير و بيرفرفر حواليا

عمري ما حسيت اني فرحانه و لا مبسوطه زي النهارده

نبيل ما كنتش بيتكلم خالص لكن كان بيبص في عنيا ظره كلها حب و شوق كلها سعاده وفرحه اني معاه

واحنا مع بعض بين السما و الأرض لف نبيل ومسك ادي التانيه و بقينا في وش بعض و ادينا الاتنين ماسكين بعض بقوه كاننا خايفين نخرب من بعض

بس كان احساس في غايه الروعه و الجمال ، عمري ما حسيت بيه قبل كده .

على قد ما كنت م**وفه على قد ما كنت عاوزه اعيش الفرحه و الشعور ده أول مره اكون بحلم وانا جوه الحلم عارفه انه حلم وبفكر بس حاسه بكل حاجه وكأني صاحيه لادي حقيقه مش مهم. انه حلم ولا حقيقه المهم اننا مع بعض

فضل نبيل يبص في عنيا و فجأه ضمني لحضنه وانا نمت على كتفه .نمت و كأني عمري ما نمت قبل كده ، نوم عميق و مريح لدرجه كبيره

و انا نايمه على كتفه ومغمضه . كنت سامعه نبضات قلبه ونمت نمت و لما فتحت عنيا لقتني على سريري و الصبح طلع كان حلم جميل عمري ما شفت حلم جميل دي ده حلم كأنه حقيقه حاسه اني فعلا كنت طايره فعلا كنت لمسه اديه وفعلا اني نمت في حضنه

قمت من السرير و الغريب اني لقيت شباك اوضتي مفتوح. معقول انا نمت طول الليل و الشباك مفتوح يا رب بس ما يكونش اي حشره او فأر دخلي من الشباك انا بخاف من الحاجات دي جدا قفلت الشباك و دخلت الحمام و لبست هدومي و رحت المدرسه و انا مروحه مشيت في نفس الطريق و كنت حاسه اني هشوف نبيل مشيت و انا كلي امل اني هشوفه لكن امي راح نبيل مجاش و لما و صلت البيت مردتش اكل و لا اشرب حاجه، كنت حاسه اني مخنوقه . نبيل امبارح و عدني انه هيجي يشوفني بعد المدرسه ليه مجاش القلق كان بياكل فيابس قلت اكيد هيحل ل يجي بكره وهشوفه ممكن يكون مشغول او عنده اي حاجه عطلته أنا حقيقي معرفش عنه أي حاجه و لا عن ظروفه و زي ما بيقولوا الغايب حجته معاه

و في عز ما انا قاعده لو حدي في الاوضه و بفكر ابتسمت ابتسامه فرحه و أمل يمكن اشوف . نبيل تاني في الحلم و ده هيصبرني شويه لحد ما اشوفه في الحقيقه . بالع** انا الحلم عندي احسن من الحقيقه ََََ في الحلم بلمسه و بكلمه . في الحلم اقدر اقوله اني بحبه و اسمعها منه في الحلم بس اقدر انام في حضنه .

عاشان كده كنت بعد الدقايق لحد ما ادخل انام علشان اشوف نبيل تاني و فعلا دخلت انام و غمضت عيني و حاولت ارسم ملامح نبيل قدامي.لكن ما نمتش كل شويه افتح عيني و اتقلب من الجمب ده للجمب ده مش عارفه انام وكان النوم حالف انه مايزورنيش النهارده قمت من السرير و فتحت الشباك و فضلت ابص فيه و ارفع عيني في السما و ابص في النجوم و اسأل نفسي أنا ايه اللي لخبط كياني كده ازاي فجأه ما بقتش افكر. في اي حد غير نبيل أنا لسه صغيره . معقول اكون حبيته بالسرعه دي طيب ازاي احبه و انا معرفش حاجه عنه و لا هو كمان يعرف حاجه عني ده انا بابا و ماما و شغلهم ده يطفش اي حد ممكن يفكر بس انه يقرب مني

انا لازم ابطل احلام و افوق نفسي أنا اللي زي ما لوش انه يحب قدري اني ا فضل وحيده و بعيده عن كل الناس أصدقاء او صحاب او احباب أنا ما ينفعش أقرب من اي حد قفلت الشباك و دخلت نمت على السرير بس المره ده تمنيت اني ما احلمش خالص.... أنا مش عاوزه اشوف نبيل أنا مش عاوزه اتعلق بيه تاني انا مش كمل وجع و لا **ره القلب انا لازم اخد موقف ايكابي و ما اسوفهوش تاني, لان اللي بيخصل ده مش طبيعي ابدا في حاجات كتير لازم احسمها

نمت... و فعلا ما احلمتش باي حاجه نمت وكأني وقعت في بحر اسود مضلم نمت و لما صحيت ماكنتش مرتاحه ابدااااا.حسيت اني تعبانه . وكأني ما نمتش و قررت اني مش هروح المدرسه النهارده.

وفعلا ما رحتش المدرسه . و يا رتني رحت لقيت بابا و ماما بيخضروا اوضه الشغل و بيولعوا البحور. الظاهر ان في ناس جاين النهارده جلسه جديده . أنا من زمان وانا بهرب من اني اكون في البيت وفي شغل عند بابا و ماما.

اول لما بدأوا تحضير . أنا دخلت اوضتي و قفلت الباب حاولت اشغل اي موسيقى و امسك اي كتاب اقرأ فيه انا مش عاوزه اسمع اي أصوات هتطلع من اوضه الشغل و بعد ما الجلسه خلصت بابا ناداني علشان اتغدى معاهم طلعت من الاوضه ولأول مره لقيته بيسالني مالك يا سمر.عنيكي كلها حزن ليه

= انت اول مره تسألني وتهتم تعرف انا مالي

_ انتي بتكلميني كده يا سمر أنا بحبك يا بنتي أنا مليش غيرك. انتي اللي انا طلعت بيها من الدنيا دي

= انت طول عمرك انت وماما بتعامل ني وحش ساعات كنت بحس اني مش بنتكم.و كنت ديما بسأل نفسي هما ليه ب يعاملوني كده مكنتش بلاقي اي جواب

_ ليه يا سمر بتقولي كده أنا يمكن كنت بحاول ابعدك عن الحياه والعك اللي احنا عايشين فيه ده . أنا انجبرت على الحياه دي. ومكنتش عاوز انك تتجبري عليها زي

= مين اللي جبرك يا بابا ماما ؟؟

_ انتي لسه صغيره يا سمر ومش هتقدرى تفهمي

= يا بابا انا بقي عندي ١٦ سنه ما بقتش صغيره و فاهمه كل حاجه بس في حاجه كنت عاوزه افهمها منك يا بابا و ياريت تتكلم معايا بصراحه

_حاجه ايه يا سمر يا حبيبتي

= ازاي بتقول انك عشت طول السنين اللي فاتت دي عاوز تبعدني عن حياتكم و شغلكم انت وماما و ازاي كنت لسه اول امبارح جاي انت وهي علشان اقنعوني اني ادخل معاكم الاوضه وا تعلم شغلكم .في ايه اللي حصل و ايه الحديد في الموضوع

_ بصي يا سمر الكلام اللي انتي قلتيه لمامتك ده لو صحيح يبقي انتي فعلا عندك موهبه او عندك حاجه انا مش عارفه هلت البلوزه تنور وتنده باسمك ده مش بيحصل لاي حد

= يا بابا انت مصدق في الكلام ده

_ بصي يا سمر السحر موجود وحقيقي صحيح في ناس دجالين لكن السحر موجود فعلا محدش يقدر ينكروا ابدا دي حقيقه ممكن تغير حاجات كتير.

= يعني انت عاوز تفهمني ان انت وماما فعلا بتفهموا في السحر و بتعالج الناس ولو ده صحيح فعلا امال ما غيرتوش حياتكم ليه انا ايفه بعني ،ليه ما بقتوش اغني ناس في العالم مثلا .

ليه ما بفتوش اغنيا وبطلتوا الشغلانه دي ليه يا بابا فهمني لو صحيح السحر موجود وانت بتفهم فيه ليه حالك ماتصلحش ليه ؟

_ الموضوع مش بالبساطه دي المواضيع مش بتمشي كده

= امال ازاي فهمني أنا حاسه اني ملخبطه و عاوزه افم كل حاجه حوليا بشمل اوضح بجد انا محتاره وحاسه اني غ*يه .

_ كل حاجه في الدنيا دي لازم تدفعي تمن قدامها محدش ممكن يا خذ من الدنيا حاجه الا لو كانت مكتوبه ليه حتى لو كان مع الإنسان علم او قوه خفيه لو سحر.فهماني يا سمر

= طب ليه تسجنوا نفسكم في الحياه دي

_ ده قدرنا ومش هينفع نغيره مهما حصل ده اتكتب علينا خلاص واحنا بقيت دي حياتنا وما نقدرش نغيرها تحت اي ظرف من الظروف لكن انت حياتك لسه في يد*ك وتقدري تغيريها علشان كده يا سمر انا طول عمري واقف قدام امك علشان عايز حاجه تكتب مختلفه عن حياتنا نفسي فعلا تعيشي حياه طبيعيه وسعيده ما فيهاش اي مشاكل ولا غلطها انت بنت الوحيده واتمنى لك كل الخير والسعاده اللي في الدنيا عملتها علشان مصلحتك وبس .

= نقدر نغيره قدرنا نقدر نغيره يا بابا لو فعلا كنا عاوزين

_ الموضوع مش بالبساطه دي يا سمر.

= امال ايه يا بابا .ايه اللي ممكن يمنعك من ان انك تبدأ حياه جديده نظيفه . نعيش فيها زي كل الناس الطبعيين.

_ انت لسه صغيره وفي حاجات كتير صعب انك تفهميها

= يا بابا ارجوك خليك صريح معايا و فهمتي انت لازم تعرف اني مش سعيده مش سعيده ابدااا في حياتنا دي.

_ يا ريت ملن في ايدي يا سمر .

واحنا بنتكلم دخلت ماما علينا فبطانا كلام انا و بابا و قعدنا ناكل و احنا التلاته ساكتين بس ماما كانت بتبصلي طول الوقت وكانها عاوزه تقولي حاجه

لكن انا كنت بهرب من نظرات عنيها. وخلصت اكل بسرعه و قمت علشان ازاكر. ما عنديش اي وقت اضيعه خالص لازم اذاكر دلوقت حالا

دخلت الاوضه ومسكت الكتاب وبدأت ازاكر.و جبت ورقه وقلم علشان الخض الكتاب وانا بذاكر.لكن لقيت نفسي بكتب اول كلمه في الورقه البيضه.نبيل وبدأت اشخبط في الورقه وسرحت افتكرت الحلم. اللي عشت فيه اجمل ليله من عمري كنت سامعه صوت دقات قلبه و انا في حضنه اتنفست نفسه اللي طالع منه كأني انا وهو روحين في جسد واحد و كأني مكنتش بحلم . الحب ده أجمل شعور في الدنيا بس ازاي أنا حبيته بالسرعه دي وحتى لو كنت فعلا بحبه فانا لازم انساه زي ما قرأت لان الحب ده مصيره للفش لو الأهم من ده كله انا لسه معرفش ايه حقيقه شعور ناحيتي . مين اللي يضمن لي انه بيحبني او انه بيفكر فيا زي ما انا بفكر فيه و لو حتى كان بيفكر فيا ايه يضمن لي انه ما يهربش مني لما يعرف الحقيقه حسيت نفسي مش عارفه افكر أنا بين فكرتين و الاتنين أصعب من بعض.اسيب نفسي واحب نبيل ولا ابعد نفسي عنه واقفل الموضوع من قبل ما يبدأ مش عارفه اعمل ايه ومش قادره اخد القرار الصح

قفلت الكتاب ومعرفتش ابطل تفكير في نبيل الظاهر اني مش هعرف ازاكر. خلاص بالشكل ده انا عارفه نفسي استحاله اركز وانا في الحاله دي ابدا

طلعت بره الاوضه . و مالقتش بابا وماما في البيت معرفش خارجوا فين. هما عموما متعودين على كده . عمرهم ما قالولي هما رايحين فين. فضلت اتمشي في الصاله و الف و انا زهقانه . مش عارفه اعمل ايه .لقيت نفسي دخلت اوضه الشغل و بصيت على الترابيزه اللي كان عليها البلوره .لكن ما لقتهاش.. الظاهر ان بابا و ماما اخدوها من هنا

عطيت ظهري لل ترابيزه و كنت هطلع من الاوضه بس لقيت حاجه لفتت انتباهي تلفون قديم بقرص مدور،شكله قديم جداا و انا بحب الحاجات الانتيكه دي رحت عليه . ورفعت سماعه التلفون واللي سمعته غيه حاجه صدمتني صدمه عمري .