أسوار من نار البارت الثالث

2081 Words

لقيت صوت بيقولي... _ سمر.... ازيك = مين معايا.... _ انا نبيل يا سمر .... امال ازاي انت اللي مكلماني ومش عارفه انه انا = نبيل.... ازاي .... ؟؟!!!! انا مش فاهمه حاجه خالص _ مش فاهمه ايه .... = انا مطلبتش اي رقم .... أنا يا دوب رفعت السماعه .... لقيتك بتقول ... الو.... _ مش ممكن يكون القدر اللي خلانا نسمع صوت بعض = بس... ازاي.... ازاي ممكن يكون ده حقيقي _ مش مهم ازاي.... أنا مسالتش ازاي ومش هسال .... المهم اني بسمع صوتك دلوقتي... و الحقيقه اني كنت بحلم اني اسمع صوتك أو اشوفك = طب ما انت ما جتش امبارح ... علشان تشوفني ... استنيت و انت ما جتش _ غصب عني ياسمر.. مقدرتش اجي... لو تعرفي الحقيقه هتعزربني .... = طيب هشوفك بكره .... هتقدر تيجي _ للاسف مش هقدر انا ممنوع من الخروج لمده اسبوع .... = ممنوع من مين وليه اصلا ممنوع انت عملت حاجه غلط ولا ايه _ الموضوع يطول شرحه .... = طيب ما تقول يا نبيل .... أنا معاك ومستعده اسمعك للصبح _ يا سمر... صعب حتى كلامي دلوقتي معاكي مش مسموح لي... لولا انك انسانه نقيه مكنش ده حصل = انا مش فاهمه اي حاجه ارجوك بطل الغاز... ما تتكلم بالالغاز زي بابا و ماما انا بكره الأسلوب ده _ يمكن قريب تعرفي كل حاجه وتقدري تفهمي وتقدري الموقف = طيب هنتكلم ازاي في التلفون برده .... _ مش عارف الموضوع ده ممكن ينفع تاني ولا ايه... = يعني ممكن معرفش اكلمك تاني حتى في التلفون _ بصي يا سمر انا هحاول اجي و اشوفك حتى لو ههرب من هنا = تهرب من ايه هو انت مسجون يا نبيل _ حاجه زي كده = هترجع للالغاز تاني؟؟!! _ انا هجيلك يا سمر بس مش قدام المدرسه _ امال فين = هجيلك في بيتك عند شباك اوضتك..... افتحي الشباك واستنيني فيه بس بعد الساعه ١٢ بليل ... _ هستناك بكره في المعاد اللي قلت عليه ... قفلت التلفون مع نبيل .... وبعد ما قفلت السماعه... لقيت حاجه غريبه ...... التلفون ما لهوش سلك .... يعني مافهوش حراره اصلا .... ايه ده امال ازاي كنت بكلم نبيل فيه دلوقتي حالا .... أنا مش فاهمه اي حاجه خالص و بقيت خايفه من كل اللي حواليا حتى نبيل ... في حاجه غلط بتحصل..... وانا في الاوضه لسه سمعت صوت بابا وماما على باب الشقه ... طلعت بسرعه من الاوضه علشان ما يعرفوش اني كنت فيها بس للاسف شافوني وانا يا دوب خارجه من باب الاوضه _ الله ... الله ... يعني انت اهو اللي بتدخلي اوضه الشغل ... = انا كنت بدور عليكم يا ماما ... لاني فجأه ملقتكوش _ بس يا ساميه... في ايه ... سيبي البنت براحتها = بابا انا عوزاك في موضوع ... _ تعالي يا حبيبتي نقعد في اوضتك _ يا سلام يعني انا المعزول اللي ما بنكم... ما شي يا ختي خلي ابوكي ينفعك. دخلت انا وبابا الاوضه ... وانا قلبي بيدق من كتر التوتر مش عارفه ابدا الموضوع مع بابا ازاي... هل افتح معاه موضوع نبيل... ولا لا... بس هو اصلا ما فيش موضوع انا معرفش حاجه عنه... بس أنا لازم اعرف حاجات كتير و افهم ايه اللي بيحصل.. _ تعالي يا سمر .... = بابا... أنا كنت عاوزه أسألك على حاجه يا بابا ... _ قولي يا حبيبتي.... أنا تحت امرك = و انا في الاوضه شفت تلفون.... شكله قديم كده .... بس مالهوش لي اسلاك... بس الغريبه اني لما رفعت السماعه سمعت صوت حد اعرفه _ حد مين يا سمر.... = واحده صحبتي يا بابا ... _ بصي يا سمر ممكن ما تصدقيش الموضوع ده ... بس التلفون ده سحري.. تقدري تكلمي فيه اي حد انتي عوزاه... بس تموتي فعلا عاوزه تكلميه... هيرد عليكي... ممكن الطرف التاني يبقي نايم أو يكلمك من غير ما يحس... بس الاكيد انه هيرد عليكي ويقولك كل اللي انتي عوزاه .. = ازاي بس... أنا مش قادره استوعب.... _ مش قلتلك انك مش هتصدقي .... = اناما بقتش فاهمه حاجه خالص ... وحاسه اني متلخبطه _ انا قلتلك قبل كده يا سمر ان العالم اللي احنا فيه ده في حاجات صعب حد يصدقها و في حاجات خير و في حاجات تانيه .... أقرب للشر = شر يا بابا.... وليه نبقي بنشتغل في حاجه فيها شر .. _ انا حاولت كل السنين اللي فاتت ابعدك وابعد نفسي عن اي حاجه شر... صدقيني عمري ما ازيت حد... أنا ديما كنت بستخدم السحر في مساعده الناس مش ازيتهم ... صدقيني يا سمر .... أنا نفسي ابقي الاب اللي تفتخري بيه ... = انا فعلا فخوره بيك يا بابا .... فخوره بيك زي ما انت يا بابا و مش عوزاكي تتغير .... كفايه قلبك الطيب .... ونيتك الصافيه _ و الله ما حدش قلبه طيب زيك يا حبيبه قلب بابا ... تعالي في حضني يا بت الايه .. تعالي ... ولا كبرتي خلاص .....؟؟!!! اترميت في حضن بابا و لا ل مره احس بحنيه الاب الحقيقه ... طول عمري كنز بحس ان بابا وماما مش بيحبوني ... بس الحقيقه ان بابا على الاقل كان بيهرب من مواجهتي .. كان خايف من رد فعلي وفي نفس الوقت خايف عليا من العالم بتاعهم .... بابا طلع و سابني لوحدي و الحيره بتتملكني... كلام بابا خلاني افهم شويه جزء من الحقيقه.. بس بقيت مش فاهمه ... طيب معنى كلام بابا كده ان نبيل لما كان بيكلمني ... في التلفون كام نايم ... يعني مش هيجي بكره في الميعاد زي ما اتفقنا ..... هو هيفتكر انه كان بيحلم .... و انا اللي كان عندي امل اني اشوفه بكره زي ما اتفقنا .... فضلت افكر لحد ما النوم غلبني .... قمت الصبح ورحت المدرسه ..... وبعد المدرسه ... وانا مروحه لقيت حد ماشي ورايا خطوه بخطوه .. لحد ما لفيت فجأه كنت متوقعه انه واحد من الشباب اللي كانوا بيعا**وني من يومين .... لكن لما لقيت لقيته .... نبيل .... ابتسمت وكنت فعلا طايره من الفرحه و مش مصدقه نفسي ..... . _ نبيل... أنا افتكرتك مش هتعرف تيجي. = انا فعلا ... كان عندي ظروف ... _ اه ما انا عارفه..... = عارفه ازاي......؟؟،!! _ اقصد متوقعه يعني..... = تعرفي اني حلمت بيكي امبارح .... _ عارفه ... برده. = يبقي انتي كمان حلمتي بيا ... صح _ صح "... = طيب ايه .... ؟؟؟ _ ايه يا نبيل؟؟ = هشوفك بليل زي ما اتفقنا في الحلم _ اكيد... أنا هستناك = هجيلك في نفس المعاد.... ما تنسيش تفتحي الشباك _ هستناك ..... روحت البيت و كنت بعد الدقايق و الثواني علشان الساعه تيجي ١٢ و اقدر اشوف نبيل و نتكلم مع بعض .... بعد ما اتغديت ودخلت اوضتي زي كل يوم .... قلت ازاكر علشان اضيع وقت و إلهي نفسي في المذاكره ... و انا لسه هفتح الكتاب... دخلت ماما عليا .. و قلت في سري ربنا يستر... يا ترى يا ماما انتي جايه ليه و عاوزه متى ايه ... _ سمر... أنا عارفه اننا و عدناكي اننا مش هتفتح معاكي اي كلام الا بعد امتحاناتك... بس أنا ملاحظه انك مهتمه وكل شويه تدخلي الاوضه ... انت سمعتي حاجه بتنادي عليكي تاني ؟؟ = بتنادي عليا... ايه يا ماما... خالص ... ما انا قلتلك يا ماما اني كنت بدور عليكي انتي وبابا.... _ بقولك ايه انا مش ابوكي... هتقدرى تضحكي عليه بكلمتين..... صدقيني ما فيش حد هيعلمك ولا يفهمك أصل الحكايه دي غيري انا ... = ماما انا ولا عاوزه اعرف ولا أفهم حاجه .... _ يا بنتي افهمي الموضوع مش بمزاجك... ده قدر ... انت من المختارين يا سمر ... ومحدش بيهرب من قدره = مختارين ازاي يعني.. يا ماما ما تخوفنيش بقي .... _ انا مش بخوفك ... بالع** انتي لو عرفتى الحقيقه و رضيتي بقدرك هتبقي اقوى واحده... انتي مش فاهمه يعني ايه تبقي من المختارين = يعني ايه يا ماما _ بصي يا سمر عالم السحر ده عالم كبير في طرق و مسالك مختلفه... في ناس بتتعامل مع الجن بوسيط وفي بيتعامل معاهم من غير وسيط في ناس بيدخلوا العالم ده برضاهم و في ناس العالم ده هو اللي بيجري وراهم ... لان بيبقي فيهم حاجه معينه... تقدري تقولي شفافيه... او قدره خاصه مولودين بيها ... ودول بقي اللي بنقول عليهم المختارين... ولو انت صحيح منهم .. يبقي انفتحت لك طاقه القدر ... صدقيني... كل اللي انا فيه انا و ابوكي و العلم اللي عندنا مش هيبقى حاجه جمب علمك وقوتك .... = ماما كلامك ده حقيقي بيخوفني... أنا مش عاوزه ادخل العالم ده... خالص مش عاوزه يا ماما _ عموما.. أنا هسيبك تفكري ... ويوم ما تحبي تعرفي الحقيقه ... تعاليلي... و انا متاكده انك هتجيلي قريب اوووي = مش هيحصل ... يا ماما .. ابداا مش هيحصل _ اما نشوف يا سمر .... خرجت ماما وسا بتني لوحدي.... وانا مش عارفه الدوامه اللي انا فيها دي هتخلص امتى ..... فضلت سرحانه في كلام ماما... و بتمنى يكون كلامها غلط... أنا و لا عاوزه ابقي من المختارين و لا يهمني اكون عندي قوه زي اللي هيا بتقول عليها دي ..... أنا كل اللي بحلم بيه اني اعيش حياه هاديه مستقره زي باقي الناس ... ما كنتش بحلم باكتر من اسره طبيعيه... بصيت في الساعه و لقتها قربت على ١٢ ... بس كلام ماما خلاني احس اني مش سعيده حتى فرحتي اني هشوف نبيل ما بقتش موجوده .. فتحت الشباك .... و فضلت واقفه استني نبيل.... باصه علب باب الجنينه كويس علشان اشوفه وهو داخل ... بس افتكرت حاجه... ازاي نبيل هيجي البيت وهو مسابنيش على العنوان ... أنا حاسه ان في حاجه غريبه في الموضوع ده ... نبيل انسان غامض ... و انا فعلا متلخبطه ... لما ببقي مع نبيل بنسي المنطق و بنسي معاه كل حاجه لكن لما بيبعد عني بحس اني خايفه .... ولما بفكر بعقلي... بتاكد ان في حاجه غلط.... و انا بفكر في كل ده خفت ماما او بابا يدخلوا عايا الاوضه ... احسن هما اليومين دول رجليهم اخدت على اوضتي... رحت قفلت بابا اوضتي كويس من جوه علشان محدش يدخل عليا... وانا بلف علشان ارجع أقف في الشباك ... لقيت نبيل واقف فيه من بره و بيبتسم... وشه كان منور زي القمر ... ابتسامته كلمت فاتنه و عينه بتلمع .... نظراته ليه كانت بتخسيني اني طايره ... كان بيبص لي نظره كلها حب وهيام ... نظره فيها معاني كتير... َكان حد مبهور بحاجه بيحبها. .... قربت من الشباك وانا عيني في عين نبيل مش عاوزه انزل عيني من عليه .... اول مره حد يحسسني بقمتي من غير ما ينطق بكلمه واحده ... ما بال لو اتكلم ...... _ انا جيت في الميعاد .... = جيت ازاي وانت مش عارف عنواني ... _ انا اعرف عنك كل حاجه يا سمر.... = كل حاجه ازاي... احنا ايه عارفين بعض من كام يوم _ ده بالنسبه لك ... لكن انا اعرفك من زمان ... = من زمان امتي... بلاش تتكلم بالالغاز .... _ ما فيش الغاز و لا حاجه .... أنا كنت ديما بشرفك وانتي خارجه من المدرسه ... وفتي نظري ... لأنك علطول لوحدك ..... عمري ما شوفتك زي باقي البات بتجري وبتهزري ... أنا حتى عمري ما شفت ليكي اي صاحبه علطول لوحدك ... وفي مره مشيت وراكي من بعيد و ع فت بيتك .... _ معقول ... كل ده وا انا مش حاسه خالص = عمري ما هنسي اليوم اللي ساعتي فيه القطه _ قطه ايه؟؟ _ اناي نسيتي .. أنا بقي عمري ما هنسي ... في يوم كنت واقف من بعيد ببص عليكي .. لقيتم فجأه وقفتي ... وكان في قطه صغيره واقعه في حفره و مش عارفه تطلع ... واناي عملتي المستحيل علشان تطلعيها ... ومش بس كده لما لقيتها متعوره رحتي بيها عند دكتور بيطري و عالجتيها و بقتي كل يوم وأنت خارجه من المدرسه تاكليها ... _ ياه... معقول انت كنت مراقبين من ايام الموضوع ده... ده من زمان جدااا... تصور القطه فجأه اختفت ... وفضل ادور عليها كتير... بس ملقتهاش .... = مش يمكن رجعت لحياتها و عيلتها _يمكن... بس لو مكنش حصل موقف الشباب اللي ع**وني دول... كنت هتفضل تراقبني من بعيد كده .... = مش عارف بس اكيد كان هيبقى في طريقه اننا نكلم مع بعض ... _ نبيل انت قولت انك عارف... كل حاجه... عني... معنى كده انك عارف ... بابا و ماما بيشتغلوا ايه ؟؟ = اه عارف ... و من قبل ما تسالي السؤال اللي بعد كده هجاوبك ... أنا ما يهمنيش ابدااا شغلتهم و لا ده هيفرق معايا ... _ بجد يا نبيل .... = مش بس كده يا سمر... أنا خايف انتي لما تعرفي انا مين و أهلي مين... تبعدي عني.... _ ليه بتقول كده .... مهما كانت الحقيقه.... مش هتفرق معايا ... صدقني .. افتحلي قلبك يا نبيل... وقلي كل حاجه عنك... أنا نفسي اعرفك اكتر.... = اكيد ده هيحصل بس مش دلوقتي ... _ امال امتي بس؟؟ = كل حاجه هتعرفي ها في وقتها يا سمر ... دلوقتي انا لازم امشي ... _ طيب هشوفك تاني امتي .... = انا هبقي اجيلك اول لما اقدر ... سلام يا سمر _ سلام يا نبيل...

Free reading for new users

Scan code to download app

App Store Google Play

Facebookexpand_more