أسوار من نار

أسوار من نار البارت الخامس

_ شفتي يا ست سها... . أنا قلتلك بلاش ندخل انتي اللي **تي

= خلاص بقي يا سمر... ما الموضوع عدي على خير اهو . .. ومحدش حصله حاجه... ومحدش خد باله . . .

_ اتصوري انا مش مصدقه نفسي ... يعني ما فيش فايده فيكي كنت عاوزه يحصل لك ايه ... اكتر من كده . . . . يا ست هانم . . . .

= خلاص بقي يا سموره . . . أنا كل اللي قهرني اني ملحقتش اشرف اي حاجه ..

_ اتصوري انتي معنديش دم .. .. كنتي عاوزه تشوفي ايه .... انتي مش قادره تفهمي ان الحاجات اللي في الاوضه دي مش لعبه . . .

= ما قلنا خلاص بقي.. ... ده انتي اوفر . . . . .

_ انا برده اللي اوفر . . اتخمدي بقي . . علشان ما اجيش اقعد عليكي ابططك. .. ..

= ما انا محموده اهو .. .. ..

_ انا هطلع ابص كده على بابا و ماما و اشوف لحظوا حاجه و لا ايه النظام

= انا مش فاهمه انتي مرعوبه منهم كده ليه مع انهم لطاف جداا و حتي لو عرفوا اننا دخلنا الاوضه . . .. هيعملولك ايه . .. ؟!

دول نفسهم تدخلي و تطلعي براحتك .... انتي بس اللي هبله ..

_ سها . . . . بقول لك ايه ... . نامي احسن لك . . .

سبت سها .... . و طلعت. ... ما لقتش حد خالص في البيت . . . . فتحت الباب الرئيسي و خرجت بره ابص في الجنينه . .. برده ما لقتش اي حاجه . . .

قعدت على المرجبحه اللي في الجنينه و غمضت عيني و افتكرت نبيل . . . افتكرت ابتسامته و نظره عيونه .... لمسه اديه . . . حسيت كأنه معايا و حواليا ..... نبيل و حشني اوي.. . نفسي اشوفه و لو للحظه و احده ..... فتحت عيني و انا ببتسم . . . . . و كنت عارفه انه ورايا..... حسيت بيه و بصوت نفسه .... ازاي عرفت . . . معرفش . . . أنا و هو في شىء غريب بيربطنا ببعض. ... ...

_ نبيل .. .

= وحشتيني . ... ...

_ كنت بنده عليك. .. ..

= و انا سمعت و جيت . .. ..

_ ندهت عليك بقلبي ... .

= و انا سمعتك .. .. . بقلبي . . . ...

_ انت عارف و انت جمبي . . . . بحس بايه . . . كأني طايره ..... قلبي كأنه كان عطشان و قر بك هو اللي بيرويه.. ... ... بنسي اول لما افكر فيك كل حاجه . . . حتى وعدنا اننا ما نشوف بعض تاني . . . بنسي كل حاجه يا نبيل...

= ده طلبك انتي. ... مش و عدنا....

_ ارجوك افهمني .... ما فيش منطق. .. يقبل و جودنا مع بعض. ... و لاحد ممكن يوافق على علاقتنا دي..

= لو تعرفي يا سمر انتي بالنسبالي ايه. . . .

_ و انت كل حاجه ليا .. عارف يا نبيل حبك ليا هو اللي خلاني اتغير.. .. كنت تايهه و مش عارفه انا مين... ما كنش ليا أصحاب حتى علاقتي بأهلي كانت مدمره . . . .

= بحبك . . . .

بعد ما سمعت الكلمه دي منه حسيت برعشه في جسمي كله . .. حسيت اني طايره و قلبي بيرقص من الفرحه . .. صوت نبيل الهادي و نبرته اللي كلها حنيه خلتني ادوب بمعنى الكلمه ... .

أنا مش هقدر ابعد عن نبيل. .. مش هقدر اعيش من غيره.. ... الاحساس اللي بحسه و انا معاه بيخليني حاسه اني عايشه . . . كل حاجه في حياتي ملهاش طعم . . . أنا بخبه و مش هقدر ابعد عنه . . . دي الحقيقه اللي لازم اعترف بيها . . .

_ انا كمان بحبك يا نبيل . . .

= ما تتصوريش الكلمه دي بالنسبالي ايه . ..

_ نبيل. ... أنا نفسي اعرف عنك كل حاجه . .. أنت لما بتختفي ببقي هتجنن لاني معرفش حاجه ابدا عنك.... حتى اسمك . . . معرفش اسمك نبيل ايه. ... و لاحتي عارفه ساكن فين .. و لا ازاي ممكن اتصل بيك . . . .

= انا ساكن جوه قلبك و عنيكي يا سمر . . . . و حكايه تتصلي بيا ازاي دي .... انتي عارفه ازاي . . . اندهيني بقلبك.... و انا هسمعك....

_ بره م**م تتكلم بالالغاز . . . أنا بترعب من الطريقه دي

= اوعي تخافي و انا معاكي ... أنا عايش بس . . . علشان اطمن قلبك .... فاهمه يا سمر...

_ انا مش عاوزه افهم انا فعلا عاوزه اطمن... .. و عمري ما هطمن و انا معرفش عنك حاجه .. و لا عارفه هشوفك امتي و ازاي ...

وفجأه.. لقيت سها فتحت شباك اوضتي و بتنده عليا ..

_ انتي يا هانم واقفه عندك بتعملي ايه . . . ؟

= انا جايه اهو يا سها ....

ودعت نبيل بسرعه و قلتله اني لازم ادخل... و اني هستناه بكره . ...

دخلت و انا مضايقه من سها..... ليه تنده عليا و ت**فتي كده قدام نبيل ....

_ انا مش فاهمه الصراحه انت مخك بيقولك ايه يا سها .... لتزم يعني تندهي عليا....

= امال عوزاني اسيبك تكلمي نفسك زي الهبل كده في الجنينه ... انتي كنتي بتعملي ايه صحيح ...

_ بكلم نفسي ايه يا بنتي .... نبيل كلن معايا. .. انتي ما شفتهوش...

= نبيل مين يا بنتي .... انتي كنتي لوحدك و عماله تكلمي نفسك انا راقبتك قبل ما انادي عليكي ..

_ سها بطلي حركاتك دي..... ما تستهبليش... . نبيل كان معايا و بيكلمني ...

= و الله يا سمر ما كان في حد معاكي.... سمر. .. .. اناي متاكده ان نبيل ده شخصيه، حقيقيه . .. .. ..

_ تقصدي ايه يعني .... أنا مجنونه يعني و بتخيل حاجات .. ... .

= مقصدتش كده طبعااا ... بس منكم يكون خيالك صور لك شخصيه نبيل دي كنوع من الهروب من الواقع اللي انتي رفضاه ..

_ خيالي ايه و صو ولي ايه . .. ... لا طبعا . .. .. نبيل كان معايا و مش اول مره اشوفه . . انتي بس اللي مختيش بابك منه .. .. ..

= سمر فوقي بقي و ركزي شويه و انت هتعرفي انه شخصيه خياليه انتي بس اللي شفته و خيالك هو اللي صور هولك . .. . تقدري تقو لي لي هو فين ... ساكن فين..ابن مين. . . . انت ما تعرفيش اي حاجه عنه غير انه بيظهر فجأه و بيهتفي فجآه ..

_ بصي انا مش هرد على الكلام الفارغ اللي انتي بتقو ليه ده . . . . بس هو هيجي بكره و هنده عليكي علشان تتعرفي عليه

= تندهي عليا ليا انا هقعد في الجنينه معاكي استناه يا سمر... مع اني عارفه انه مش هيجي ... لانه ببساطه مش موجود . . . . في الوجود. . . . .

_ هيجي يا سها و هاشوفي . . . ...

= و الله اتمنى يا سمر ... بس لو مجاش ابقي انا كلامي صح .... و تنسى موضوع نبيل ده خالص .. . و نبص بقي على مذاكرتنا و الامتحانات دي.. . . اللي على الأبواب .. . .

اليوم ده تقريبا ما نمتش من كتر التفكير و القلق... َ كلام سها اثر فيا مع اني متأكده انه غلط . . . . نبيل موجود .. . نبيل هو الحقيقه الوحيده اللي في حياتي ... . . نفسي الوقت يعدي. . . . و سها تشوفه و تكلمه . . . . علشان تتأكد، و تشيل الهبل. . اللي بتقول عليه ده من راسها . . .

اليوم عدي. . . . و رجعنا من المدرسه . . . . و اتا تقريبا ما تكلمت خالص مع سها . . . . ساكته و مسهمه طوال الوقت .. . . .

جه و قت المذاكره . . . . بس أنا مش قادره و لا افتح كتاب و لا حتى اتكلم . . . مخي هيقف من كتر التفكير . . .

_ و بعدين معاكي يا سمر . . . هتفضلي كده كتير . . . .. . ..

= سبيني في حالي الله يرضى عليكي يا رب . . . .

_ طيب هتفضلي كده لحد امتى . . . . . المذاكره مالها بقي . . .

= انا ليه مش حاسه بيا . . .. اناي مش عارفه كلامك ده عمل فيا ايه . . ..

_ سمر حبيبتي . . . أنا مش عاوزاكي تعملي كده في نفسك . . . لازم تبقى اقوى من كده . . . . احلف لك بايه اني نفسي نبيل ده يبقى. . موجود.. . .. بس أنا عوزاكي تحطي في بالك احتما ليه انه ممكن يكون وهم في خيالك انت بس

= متقوليش وهم يا سها لو سمحتي . . . .

_ ما هو طول ما انت في الحاله دي و انا هبقي قلقانه عليكي . .. . يا بنتي الامتحانات على الأبواب ما ينفعش كده .

= طيب يالا زاكي بقي .. . . وما لكيش دعوه بيا . . .

_ لا طبعا مش هسيبك . .. لنعيش سوا لا نوت سؤال ... هههه قصدي لزاكر مع بعض. .. الا مش هزاكز خالص . ... و بعدين انتي اللي بتفهميني و بتشرحي ليا الدروس . . .

قعدنا نزاكر . . . و لقتني بنام على نفسي و انا بذاكر . . . . غفلت حرفيا على الكتاب انا ما نمتش . . . . امبارح خالص . . .

و انا نايمه شفت حلم . .. . في غايه الغرابه . . . ..