KULUNGAN
Mga nakakabinging kalampag sa rehas na bakal ang nagpagising sa kanya noong sandaling iyon. Mula sa pagkakaupo sa gilid ng madilim at mabahong kuwartong kinalalagyan ay iniangat niya ang paningin, nang bumukas ang malamlam na ilaw sa labas ay doon niya naaninag si Ibrahim may dalang isang tray sa kaliwang kamay. Mariin niya itong pinagmasdan nang buksan nito ang rehas na pintuan. Hindi niya akalain na balang araw ay mararanasan niyang makulong sa lugar na iyon na dati ay kuro-kuro lamang ng kanilang mga kaanak. Heto nga at totoo pala na meron talagang sariling nilalagakan ng mga kaaway ang lalaki bago pahirapan at patayin. "Oh! Pagkain mo!" Inilapag nito sa sahig ang dala-dalang tray na may isang platong puno ng pagkain at tubig na nasa bote na plastic. Agad nitong isinarado ang pi
- Writer
