رواية، صغِيرة ولكن...

الفصل السابع، صغيرة ولكن

الفصل السابع

صغيرة ولكن

_________

جالسون حول مائده الطعام، لتناول وجبه الإفطار ، حدجته بغضب ، ثم وضعت شوكتها بعصبيه وأردفت ؛

- أنت هتفضل كده لحد إمتي .

تفهم ما ترمي اليه وأردف بتوتر :

- شغل يا ثريا ، هيكون ايه يعني .

ثريا بعصبيه : شغل ايه اللي ياخدك مننا طول الوقت ، احنا مبقناش نقعد زي الأول .

منصور مهدئا اياها :

- صفقه مهمه يا حبيبتي ، وان شاء الله تخلص علي خير ، أدعيلي انتي بس .

زفرت بقوه ولم تعلق عليه ، أتي أبنها الصغير قائلا بابتسامه فرحه :

- بابا حبيبي قاعد معانا علي الفطار ، انا مش مصدق .

ثريا بسخط : شايف الولد مش مصدق أنك قاعد معانا .

منصور بنفاذ صبر : خلاص بقي يا ثريا .

مالك برجاء :

- بابا حبيبي بما أنك موجود كنت عايز حاجه كده .

منصور بإنصات : قول عاوز ايه .

مالك بتردد : كنت عاوز عربيه تبقي بتاعتي .

منصور بتعقل : انت لسه صغير يا مالك ، تابع حديثه بمغزي :

- بس لو شديت حيلك السنه دي ، هيكون عندك أحلي عربيه .

مالك بفرحه : بجد يا بابا متشكر قوي .

منصور بعتاب : بتشكر أبوك يا غ*ي ، أنت أبني يلا .

مالك بخجل : حاضر يا بابا أسف .

منصور وهو ينهض :

- انا هقوم بقي يا ثريا عندي شغل .

ثريا مضيقه عينيها بعدم إقتناع : وماله يا حبيبي مع السلامه .

ثم أردفت في نفسها :

- يا تري يا منصور بتعمل ايه من ورايا .

دلف للخارج وهو يتنفس الصعداء ، أخذ يتنفس بارتياح كانه خارج من تحقيق ما ، دلف داخل سيارته ، وجد هاتفه يعلن عن اتصال ما ، أخرجه علي الفور ، نظر اليه وبدا علي ملامحه الضيق ، وأردف بتأفف :

- أيوه يا هايدي ، خير .

هايدي بدلع : ايه يا منصوري موحشت** .

منصور بنفاذ صبر : ما انا كنت عندك من يومين.

هايدي مدعيه الزعل : أخص عليك ، أعمل ايه ما انت بتوحشني .

منصور في نفسه : وحش أما يلهفك .ثم تابعةحديثه معها قائلا :

- خلاص يا هايدي ، سيبك من الكلام ده ، مراتي بدأت تشك فيا ، لازم نبعد شويه .

هايدي بعصبيه :

- خايف علي شعورها قوي ، ما انا كمان مراتك .

منصور بنفاذ صبر :

- يووه مش هنخلص من السيره دي ، سلام

اغلق هاتفه وألقاه بعنف ، ثم أدار سيارته وهو يسب تلك الحمقاء.

اخذت تزفر بعصبيه قائله : كده يا منصور خايف علي احساسها ، مبقاش انا هايدي اما وريتك .

_______

أستيقظت مبكرا علي غير عادتها ، فأحس بها ، نهض هو الأخر ، نظر اليها وأردف باستغراب :

- صاحيه بدري كده ليه .

أجابته بتوتر : ما فيش ، مش بدري ولا حاجه .

نظر لها بعدم اقتناع قائلا وهو يتجه للمرحاض : طيب .

جلست واضعه يديها علي وجنتيها ، وأردفت بحيره : وده أقوله ازاي .

بعد قليل دلف الي الخارج ليرتدي ملابسه ، لاحظ وجودها علي غير العاده

، فهي دائما ما تسبقه في النزول ، لم يعلق فدلف لغرفه الملابس ليرتدي ملابسه ، تابعته بتوتر قائله بنفاذ صبر :

- أنا هقوله أما يخرج وأمري لله .

بعد قليل دلف الي الخارج ، وجدها كما هي ، نظر لها بمغزي فتفهم انها تريد شيئا ما ، تقدم منها وأردف بثبات :

- قولي علي طول عاوزه ايه .

احست بسخونه علي وجهها ، توترت وأردفت بتلعثم :

- ك ...ف.فيه .رحله للمدرسه .، وكنت عاوزه .. اطلع مع أصحابي.

أنصت اليها وأردف ببرود : لأ .

نور بشهقه : ايه

زين بجديه : قولت لأ .

اعتلي الحزن علي ملامحها قائله :

- ليه كل أصحاب رايحين ، دا أسبوع واحد بس .

زين بعصبيه : قولت لأ ، يعني لأ .

تركها ودلف للخارج ، فأسرعت بالنزول خلفه ، جلس علي الطاوله وهو يتأفف ، فجلست هي الأخري ويبدو عليها الحزن .

رآها عمها فأردف باستغراب :

- مالك يا نور .

أجابته بحزن بالغ : ما فيش .

تابع موجها حديثه لإبنه : مالها نور يا زين ، أنت زعلتها .

زين بعصبيه :

- الهانم عايزه تطلع رحله ، وكمان أسبوع لوحدها بعيد عننا.

نور بإعتراض : لأ يا أنكل ، كل أصحاب رايحين ، وهنبقي سوا .

فاضل بتفهم :

- وفيها ايه اما تخرج وتتفسح مع اصحابها ، بدل ما انت مش فاضي تخرجها .

زين بضيق : قولت لأ ، يبقي مافيش مرواح في مكان .

سلمي متدخله : الموضوع عادي يا زين ، سيبها تخرج وتشوف الناس .

زين بنفاذ صبر : يوووه ، فكونا من الموضوع ده ، يلا علشان أوصلك .

نهضت علي الفور ، وأوشكت عينيها علي البكاء ، دلف داخل السياره ، دلفت هي الأخري وأشاحت بوجهها للخارح ، نظر لها بضيق وقام بإداره السياره وهو يزفر بعصبيه ، عندما وجدها لا تنظر اليه .

بعد قليل وصل الي مدرستها ، ترجلت علي الفور من السياره دون ان تتحدث معه ، أغلقت الباب بعنف وذهبت من أمامه بسرعه، ظل ينظر اليها حتي ولجت الي الداخل ، زفر بقوه ثم ادار سيارته وانطلق .

_____________

ممسكه ببعض الاوراق ، تنظر اليها بتمعن ، غير مدركه بالذي دلف دون أستئذان وينظر اليها برغبه ، رفعت رأسها عفويا ، فوجدته أمامها ، شهقت وأردفت بضيق :

- فيه حاجه يا أستاذ أحمد .

أحمد بابتسامه سخيفه :

- أنا بس جيت أصبح عليكي .

أردفت بإبتسامه مصطنعه :

- صباح الخير .

أحمد بتساؤل : أنا عطلتك ولا حاجه .

أجابته بضيق : الحقيقه عندي شغل كتير .

أردف بنفس الابتسامه :

- طيب اسيبك تشوفي شغلك .

سلمي بجمود : ميرسي .

تتبعته بعينيها حتي دلف للخارج ، فأردفت بتأفف :

- أووف عليك وعلي تناحتك ، بني آدم سئيل .

____________________

وصلت كعادتها اليوميه الي الشركه بصحبه والدها ، دلفا الي الداخل متهيأين لركوب المصعد ، صادف وجوده هو الأخر ينتظره ، ما ان رآهم حتي هتف مرحبا :

- صباح الخير يا فاضل بيه .

فاضل وهو يصافحه : صباح الخير يا حسام .

وجه بصره تجاهها قائلا : صباح الخير يا أنسه مريم .

مريم ببرود : صباح الخير .

فاضل بجديه : يلا الأصانصير وصل .

دلفوا ثلاثتهم داخله ، اخذ يختلس النظرات عفويا تجاهها ، أحست به ولم تبالي ، تعمدت تجاهله لوقاحته في السخريه منها ، وصلا الي الطابق المنشود ودلفوا للخارج ، فهمت بالحديث قائله :

- انا هروح مكتبي يابابا .

أومأ براسه وقال: اوكيه يا حبيبتي ، يلا علي شغلك .

ذهبت الي مكتبها وسط نظراته لها ، التي قاطعا فاضل قائلا :

- كنت عايز أقولك يا حسام ، حاول تقنع زين بالرحله بتاعه مدرسه نور ، أصله راكب دماغه ورافض .

حسام بإنتباه : ويرفض ليه ، ساره قلتلي عليها وانا بنفسي سألت وفيه ناس مسئوله عنهم ، ومدرسين طالعين معاهم.

فاضل بقله حيله :

- ياريت تقنعه ، وتقوله الكلام ده ، يمكن يغير رأيه .

حسام متفهما : متقلقش حضرتك هقنعه ، وهيوافق ان شاء الله.

فاضل بإمتنان : شكرا يا أبني ، بعد إذنك .

حسام بابتسامه : أتفضل حضرتك .

_________

: ايه يعني مش هتيجي الرحله .

قالتها ساره بضيق وهي تجلس بجانبها

نور بحزن : أيوه رفض خالص ، أنا كنت حاسه .

ملك بضيق : كده الرحله هتبقي وحشه من غيرك يا نور .

ساره مطمأنه : متقلقيش ، هخلي أبيه حسام يكلمه ، هما أصحاب وبيحبوا بعض جدا .

نور بعبوس : ما أظنش ، عمي بنفسه قاله ورفض .

ساره مهدئه اياها :

- أهدي كده ورقي ، وان شاء الله هايجي معانا .

________

دلف اليه كعادته وأردف بمرح : صباح الخير يا زينو .

زين بجمود : صباح النور .

حسام رافعا حاجبه : ايه يا عم مكشر كده ليه .

زين بضيق : والله يا حسام دماغي مش فيا .

حسام بتفهم : قصدك علي الرحله ، نظر له الأخير باستغراب فتابع قائلا:

- بس أحب اطمنك ، ساره أختي هتروح معاها، والرحله مش أي كلام ، فيها منظمين وناس مسئوله عنهم ، مش هيبقوا لوحدهم .

زين باستغراب : وانت عرفت منين اني رافض .

حسام بلا مبالاه :

- باباك قالي أقنعك ، وأنا شايف الموضوع مش مقلق يعني .

زين بتفكير : أنت شايف كده .

حسام بسخريه :

- اللي يسمعك رافض يقول بتغير عليها ، وبتموت فيها .

زين بتوتر : قصدك ايه ، دي مراتي ومسئوله مني .

حسام بعدم إقتناع : طيب ، قولت ايه بقي .

زين بنفاذ صبر :

- أوكيه ، خليها تروح تتفسح شويه .

حسام بمرح : أيوه كده إشطا عليك .

زين بضيق : إشطا ، بلدي قوي .

حسام : بمناسبه القشطه ، يلا علشان انا جعان .

زين : أوكيه ، يلا .

~~~~~~~

: أنا جعانه مش هناكل بقي .

قالتها ساندي وهي تنهض من علي مقعدها .

باسل مومأ رأسه : ايوه يلا ، وجه حديثه لمريم قائلا :

- يلا يا مريم .

مريم بابتسامه : اوكيه يلا بينا ، انا كمان جعانه .

دلفوا الي الخارج ، متجهين الي مطعم الشركه .

دلف مع صديقه أيضا ، فتفاجأ بوجوها أيضا ، تقابلت اعينهم ، نظرت له بلا مبالاه وأشاحت بوجهها بعيدا ، زفر في ضيق من معاملتها الفظه معه .

أردف زين متسائلا : هتاكل ايه يا حس .

حسام بلا مبالاه : عادي أي حاجه.

زين : طيب هطلبلك زيي .

أومأ برأسه قائلا : أوكيه ، ماشي .

زين بتعجب : انت كويس ، ملاحظك متضايق .

حسام بضيق : ما فيش متضايق شويه .

زين بتفهم : انا كلمت معتز ، وهنتقابل يوم الجمعه .

حسام بفرحه : وهوه عامل ايه ، وحشني الحيوان ده .

زين بضحك : أد*ك هتشوفو ، ونجدد الماضي .

~~~~~

في الناحيه الأخري أردف باسل متسائلا :

- تاكلوا ايه يا جماعه .

ساندي : انا عايزه مكرونه وبانيه .

مريم : وأنا زيها .

باسل : خلاص ، هنجيب كلنا زي بعض .

ساندي : اوك.

وجه بصره تجاهها وأخذ يختلس اليها النظرات ، خدعتها عينيها هي الأخري في النظر اليه ، وجدته ينظر اليها ، حدجته بلا مبالاه ، استغربت ساندي ووجهت بصرها تلقائيا الي حيث تنظر ، فوجدتهم يتبادلون النظرات ، ضيقت عينيها بخبث وأردفت في نفسها:

-لأ، دا الموضوع كبر، بقي الحكاية كده، ماشي.......

______________

__________

_____