CHAPTER 6
Nash's POV
Tila sinampal ako ng paulit-ulit nang marinig ko ang sinabi niyang iyon. Bakit hindi ko iyon naisip? Bakit hinayaan ko ang sarili kong magpakain sa galit at isiping ayos lang ang ginagawa ko?
Napaupo ako nang makaramdam ako ng pag-init ng katawan ko. Para akong inilagay sa mainit na silid, kumakalat ang init na iyon sa buong katawan ko. Habang nakakaramdam ako nito, sumulyap ako sa lalaking nakaaway ko. Wala pa rin siyang malay, ganoon nga siguro kalala ang nagawa ko.
"Ayos ka lang, Nash?" usisa ni Bash sa akin.
"H-hindi...ah—!"
Hanggang sa napahiga na ako dahil sa sobrang init ng pakiramdam ko. Hindi ko na alam ang mga sumunod na nangyari.
Sa huling pagkakataon, narinig ko ang tawag sa akin ni Bash, "Hoy, p're!"
Pero pagkatapos n'on, naging blanko na ang lahat
