CHAPTER 17
"Ikaw pala si Caliyah?" Napatingala ako sa babaeng nagsalita.
Nakatayo siya sa harapan ko ilang metro lang ang layo. Tumayo ako hinarap siya.
"Ako nga, bakit?" seryoso kong tanong.
Wala akong panahong makipagplastikan sa mga babaeng ito lalo na rito sa humaharot kay Asher. Pasimple pa siya alam ko naman na nagpapansin lang siya.
"Kaibigan ka pa pala niya. Ako ng pala si Felicia taga-diyan ako sa kabilang baryo. Ngayon lang kita nakita sa lugar na ito. Bago ka lang ba rito?"
"Oo, bago lang," tipid kong sagot.
May tumawag kay Asher na may edad ng lalake kaya nagpaalam muna siya saglit sa amin. Nang makalayo si Asher ay nagbago ang ekspresyon ng kaniyang mukha maging ang kaniyang aura. Mula sa kaninang babaeng mahinhin at animoy isang anghel na nagsasalita ay nagmistula
