DUMATING si Ricky sa court kinahapunan at naabutan niyang naroon si Rommel na nagpa-practice ng shooting. Alas-tres pa lamang ng hapon noon at wala pang gasinong estudyante na naroon. Tapos na rin ang klase niya kaya dito siya dumiretso. Nakabihis na rin siya ng kanyang panlaro at inilapag niya ang kanyang gamit sa tila dala naman ni Rommel na nasa itaas ng stage.
Nang bitawan ni Rommel ang bola para sa isang jumpshot ay doon na tumakbo si Ricky. Sumablay ang tirang iyon at isang hindi kalakasang hangin ang naramdaman ni Alfante nang lampasan siya ni Mendez. Sa pagtalsik ng bola paloob ay siya namang pagtalon ni Ricky para sa isang rebound. Umalingawngaw sa loob ng court ang pagtatagpo ng paladi niya at ng bola. Lumapag siya at mabilis na nilingon si Rommel na seryosong nakatingin sa k
