Tahimik ang buong farm house. Tapos na ang maingay na hapunan at kanya-kanyang pahinga na ang mga kamag-anak. Pero si Sophia, gising pa rin. Nakahiga siya sa kama, nakatingin sa kisame, hindi mapakali. Bumabalik-balik sa isip niya ang mga sinabi nina Krista at Clarisse.
Narinig niya ang pagbukas ng pinto. Si Laddicus iyon, bitbit ang isang baso ng gatas. Nakasuot lang ito ng simpleng t-shirt at shorts, pero kahit ganoon ay parang ang hirap hindi mapatingin.
“Hindi ka pa rin makatulog?” tanong nito. Nakangiti habang malumanay ang boses.
Umiling namannsi Sophi at pumikit saglit.
“Medyo… ang dami kong iniisip. Ang dami kasing sinabi ng pinsan mo at ni Clarisse.”
Umupo si Laddicus sa gilid ng kama, inabot ang gatas sa kanya.
“Inumin mo muna. Pampa-relax.”
Tinanggap niya iyon, dahan-daha
