العاصي

الفصل الثالث

وقفنا لما كنت قاعد انا والشله فى الكافيه فى مول العرب

يمنى : بس بصراحه يوم تحفه

باسم : هو اه يوم تحفه بس محدش يقولى على خروجه تانى قبل الشهر اللى جاى

انا : ليه كده ياعم

باسم : ياعم انا صرفت كتير النهارده ويادوب الفلوس الباقيه معايا تقضينى لاخر الشهر

انا : وحياتك وانا كمان كل اللى باقى معايا فى الفيزا بتاع 1500 جنيه

ابراهيم : ياعم لو محتاج فلوس قولى .... انا سداد

انا : تسلم ياهيما

ابراهيم : ياعم دى سلفه وهاخدها منك تانى

انا : لا ياعم شكرا

جيمى : فاضل كتير على الفيلم

راما : لسه نص ساعه

واحنا قاعدين بنرغى دخلت علينا اخر واحده ممكن اتوقعها ... لانى نسيتها بجد وانا ماخدتش بالى منها غير لما دخلت تسلم عليا ... كانت ندى اللى كنت مرتبط بيها أيام ثانوى

ندى : ازايك يا دياب اخبارك ايه

انا : انا تمام الحمدلله ازيك انتى

ندى : كويسه الحمدلله ايه اللى جابك هنا

انا : عادى النهارده اجازه من الجامعه وقولنا نقضى اليوم هنا

ندى : انت دخلت كلية أيه

انا : هندسه فى mti وانتى عملتى ايه

ندى : انا كمان دخلت هندسه بس هنا فى أكتوبر

انا : طب كويس

ندى : فرصه سعيده .... اتمنى اشوفك تانى

انا : اكيد

ندى : رقم تليفونك زى ماهو ولا اتغير

انا : لا زى ماهو متغيرش

ندى : خلاص هبقى اكلمك علشان رقمى اتغير

انا : خلاص تمام

بعد ندى ما مشيت قعدت تانى على الطرابيزه

يمنى : مين البنت دى

انا : دى جارتى فى البلد

يمنى : بس واضح انها بتكلمك بعشم شويه ... واضح أن العلاقه اكتر من جيران

انا : اه كنا مرتبطين ببعض وهنتخطب بس ماكملناش

يمنى : وليه ماكملتوش

انا : هى اللى سابتنى

يمنى : ولما هى اللى سابتك جايه تكلمك ليه دلوقتى ولسه عاوزه تتصل بيك

انا : انا معرفش هى عاوزه ايه

يمنى : هى ليه سابتك

انا : ارجوكى يا يمنى مش عاوز اتكلم فى الموضوع ده انا ماصدقت نسيته

يمنى : للدرجه دى كنت بتحبها

انا : لا مش قصدى كده

يمنى : امال قصدك ايه

انا : قصدى على الظروف اللى سابتنى فيها مش عاوز افتكرها

مصطفى : خلاص ياجماعه بلاش كلام كتير فى الموضوع ده علشان مش ناقصه خناقه ويلا بينا علشان الفيلم هيبدأ

انا : يلا بينا

• ودخلنا السينما بس طول الوقت سرحان ومش مركز فى الفيلم وعدى عليا شريط حياتى كلها وانا قاعد فى السينما من اول ما كنت عايش مع ابويا وامى لحد ما امى اتوفت لسفرى امريكا وعشت مع ابويا احلى سنين هو عوضنى عن غياب امى وانا عوضته الى حد ما عن غيابها لايام المذاكره وال**ندوتشات اللى كان بيعملهالى ابويا وانا بذاكر ده غير طبق الكبده والطحينه اللى كان بيعملها ... لحد ما نزلت البلد وعشت اسوء ايام عمرى فى بيت خالى بس اللى كان مهون عليا الايام دى ندى لحد ما والدى اتوفى وكل الناس سابتنى وفوق ده كله مستقبلى كان فى خطر لحد ما مشكلتى اتحلت ....وفجأه وانا قاعد سرحان

يمنى : ايه يابنى يلا الفيلم خلص

انا : معلش كنت سرحان وما اخدتش بالى .... يلا بينا

يمنى : ايه سرحان فى أيه

انا : لا مفيش ... يلا بينا انا تعبان

يمنى : ماشى يلا بينا

ومشينا كلنا وبعد يومين فى الجامعه كنا قاعدين كلنا مع بعض

ياسمين : ممكن يا دياب تيجى معايا عاوزاك فى كلمتين

انا : خير فى ايه

ياسمين : تعالى بس نتمشى شويه

انا : ماشى يلا بينا

واخدت ياسمين واتمشينا

انا : خير يا ياسمين فى ايه

ياسمين : مالك فى ايه متغير بقالك كام يوم كده

انا : لا مفيش حاجه بس يمكن علشان ضغط المذاكره لان الامتحانات قربت

ياسمين : لا مظنش انا حاساك متغير من ساعة ما قابلت خطيبتك القديمه فى المول

انا : ياستى و الله ما فى اى حاجه بينى وبينها ده موضوع وخلاص اتقفل

ياسمين : انا عارفه انه موضوع واتقفل بس برضه انت متغير من ساعتها

انا : اصلها فكرتنى با اوحش ايام قضيتها فى حياتى

ياسمين : ليه كده

انا : اصل الظروف اللى سابتنى فيها كانت صعبه عليا .... وحكيتلها كل حاجه بس من غير ما اجيب سيرة الوديعه اللى فى البنك والج*سيه

ياسمين: ياه انت حياتك كانت صعبه

انا : عادى انا اتعودت على كده

ياسمين : طب فى حاجه عاوزه اخد رائيك فيها

انا : خير ياستى

ياسمين : مصطفى عاوز يرتبط بيا

انا : طب وانا ايه علاقتى بحاجه زى دى ... دى حياتك وانتى حره فيها

ياسمين : يابنى انا عارفه الكلام ده بس برضه عاوزه رائيك

انا : بصراحه مقدرش افيدك فى الموضوع ده لانى معرفش مصطفى كويس انا يدوب اعرفه من شهر واحد لكن انتى ومصطفى وابراهيم جيران وتعرفوا بعض كويس يعنى ابراهيم هيفيدك اكتر منى

ياسمين : عندك حق فى دى .... طب فى حاجه تانيه عاوزه اقولك عليها

انا : خير

ياسمين : يمنى بتحبك

انا : عارف .... وانا كمان بحبها بس مينفعش

ياسمين : ليه مينفعش

انا : الاسباب كتير جدا

ياسمين : ايه الاسباب دى

انا : الفرق الكبير اللى بينى وبينها ده ميخلنيش افكر فيها لان وقتها الناس هتقول انى خطبتها علشان طمعان فيها .... ولنفرض انى طنشت كلام الناس وروحت اتقدملها هاخد مين معايا علشان يخطبهالى .... انا واحد عيلة ابوه مقطعاه لاسباب هو ملهوش أى ذنب فيها وعيلة امى مفيهاش غير خالى وده بيكرهنى معرفش ليه والباقى مليش علاقه اوووى بيهم يبقى قوليلى كده اتقدم ليمنى بأى وش

ياسمين : يعنى انت مش هتتجوز

انا : لا اكيد هتجوز .... بس يوم ما اتجوز هختار واحده من مستوايا انا وهى نبقى زى بعض مش اتجوز واحده تيجى فى يوم لو حصلت بينا مشكله تعايرنى وتقولى انت مكنتش تطول تتجوز واحده زيي

ياسمين : ايه يابنى جو رد قلبى اللى انت عايش فيه انت محسسنى انك على ابن عم عبدالواحد الجناينى وهى انجى بنت الباشا

انا : يمكن علشان انا واقعى شويه ومليش فى جو الاحلام الورديه

ياسمين : ياعم فكر فى كلامى ومتحسبهاش بالطريقه دى

انا : سيبك من الموضوع ده ويلا بينا نرجع للجماعه علشان المحاضره خلاص هتبدأ

ياسمين : ماشى بس الكلام بينا لسه ماخلصش

انا : ماشى يلا بينا

نفس اليوم بالليل كنت قاعد سهران مع نفسى وتليفونى رن وكان رقم غريب ورن اكتر من مره لحد ما رديت

انا : الووووووو مين معايا

الشخص : انا ندى يا دياب

انا : اه ازيك يا ندى اخبارك ايه

ندى : تمام كويسه .... ايه رنيت عليك كتير مش بترد

انا : معلش اصل الرقم غريب وانا مش برد على ارقام غريبه

ندى : ماشى يا سيدى ده رقمى الجديد سجله عندك

انا : حاضر يا ستى هسجله

ندى : المهم انت اخبارك ايه

انا : تمام الحمدلله. ماشى الحال ..... وانتى

ندى : كويسه الحمدلله ايه اخبار الجامعه عندك

انا : عادى

ندى : مين اللى كانوا معاك فى المول

انا : دول اصحابى فى الجامعه

ندى : ممكن يا دياب نتقابل

انا : ليه فى حاجه

ندى : عاوزه اتكلم معاك فى موضوع مهم مش هينفع فى التليفون

انا : بخصوص ايه الموضوع ده

ندى : لما اقابلك هتعرف

انا : خلاص شوفى عاوزه نتقابل امتى وفين وانا اجيلك

ندى : ممكن بكره بالليل فى مول العرب

انا : اوك ان شاءالله هكلمك بكره واكد عليكى

ندى : تمام

تانى يوم فى المول قاعد مع ندى

انا : خير .... موضوع ايه المهم اللى عاوزانى فيه

ندى : انا عارفه انى غلطت معاك ومفيش اى كلمة اعتذار هتوفى

انا : ملهوش لازمه الكلام ده يا ندى ... خلاص موضوع وخلص

ندى : انت لما تعرف ظروفى هتقدرنى .... ماما عرفت علاقتى بيك وساعتها ض*بتنى جامد وقالتلى لو مبعدتش عنك هتقول لبابا

انا : بصى يا ندى انا هجبهالك من الاخر .... انا قررت انى مفكرش فى خطوبه او ارتباط من اى نوع فى الوقت الحالى .... انا دلوقتى مهتم بدراستى بس .... لو عاوزه ان انا نفضل اصحاب من غير ارتباط مفيش مشكله .... لكن لو بتفكرى فى حب وارتباط انا اسف مش هينفع

ندى : وانا موافقه ان احنا نفضل اصحاب

انا : اذا كان كده ماشى

وقعدنا اكتر من ساعه مع بعض بنرغى وبعد كدة وصلتها شقتها وانا رجعت المقطم

تانى يوم فى الجامعه خلصت محاضرات بدرى بس قبل ما امشى افتكرت ان فى شوية ورق مع فريده عاوزه اتصلت بيها قالتلى انها فى كافتريا كلية صيدله وطلبت منى اروحلها هناك ... روحتلها لقيتها قاعده مع واحده انا حاسس انى اعرفها دخلت سلمت عليهم وبعد كده :

انا : فين يابنتى الورق اللى قولتلك عليه

فريده : ياعم موجود معايا .... طب اقعد اشربلك حاجه الاول

انا : معلش مستعجل عاوز انام انا مطبق من امبارح

فريده : طب وغلاوتى عندك اقعد شويه

انا : ماشى ياستى هقعد علشان اثبتلك انك غاليه عندى

فريده : ده العشم يا ديبو .... اعرفك ريهام صاحبتى فى اولى صيدله

انا : اهلا وسهلا يا ريهام

ريهام : اهلا بيك يا دياب

انا : هو احنا اتقابلنا قبل كده

ريهام : لا ليه

انا : مش عارف حاسس انى شوفتك قبل كده بس مش فاكر فين

ريهام : ممكن يكون هنا فى الجامعه .... اصل انا بقعد فى كافيتريا هندسه كتير

انا : ممكن والله بس انا حاسس انى شوفتك فى حته بره الجامعه

فريده : يعنى هتكون شوفتها فين

انا : مش عارف والله يلا مش مشكله

فريده : المهم انت كنت سهران فين امبارح

انا : كنت بقفل موضوع اتفتح

فريده : والموضوع ده لازم يتقفل فى مول العرب

انا : وانتى عرفتى من فين انى كنت فى مول العرب

فريده : ابدا ، انا كنت هناك مع بنت عمى وشوفتك بس مرضيتش ارخم عليك

انا : ماشى ياستى ... بس فعلا كنت بقفل الموضوع

فريده : على العموم انت كده صح

انا : الظاهر كده الماضى بتاعى هيفضل يطاردنى طول عمرى .... وشكلى كده مش هعرف اهرب منه

ريهام : ليه بتقول كده

انا : لا متاخديش فى بالك ده موضوع طويل

فريده : على العموم انا عاوزه احذرك من موضوع مول العرب

انا : تحذرينى ازاى

فريده : انت عارف ان اخويا هناك فى الكليه

انا : ايوه

فريده : انا سالته فى الموضوع ده وهو قالى ان الموضوع شمال

انا : انتى متاكده

فريده : عيب عليك تسالنى فى حاجه زى دى

انا : على العموم شكرا ياستى .... فين بقى الورق عاوز امشى

فريده : خد يا سيدى الورق

وسبتهم ومشيت ..... بعد ما مشيت

فريده : ادينى عملت اللى انتى عاوزاه وهو محسش باى حاجه

ريهام : انتى كده حبيبتى

فريده : نفسى افهم ايه فى دماغك وليه بقالك فتره حاطه عينك على دياب

ريهام : بعدين هتعرفى

فريده : انا خايفه لو حد حس باللى انتى بتعمليه ده ممكن ياذيكى

ريهام : قصدك ايه يعنى

فريده : قصدى ان ابوكى او اى حد من اخواتك لو حسوا انك مثلا حاطه عينك على دياب او بتحبيه ممكن يخلصوا عليكى .... انا عارفاهم كويس هما اه حلوين ودمهم خفيف ومدلعينك بس لو فكرتى فى حاجه زى دى اظن انتى عارفه ممكن ايه اللى يحصل

ريهام : خلاص اقفلى على الموضوع ده

فريده : ماشى اهربى زى ما انتى عاوزه بس مسيرك هترجعيلى

من ناحيه تانيه ابراهيم واسامه قاعدين مع بعض

ابراهيم : ايه اخبارك مع راما

اسامه : مش عارف اعمل اى حاجه

ابراهيم : ازاى يعنى

اسامه : ببقى محضر فى دماغى كلام كتير لكن اول ما بقعد معاها بقلب بطه بلدى ومش عارف اتكلم كلمتين على بعض

ابراهيم : ليه كده يابنى .... ده حتى اللى اعرفه عنك ان ل**نك حلو مع البنات

اسامه : ل**نى حلو مع اى واحده وبعرف اقول احلى كلا لكن عند راما مش بعرف اقول كلمتين على بعض

ابراهيم : يمكن علشان بتحبها وخايف تخسرها

اسامه : جايز .... المهم خلينا فيك انت

ابراهيم : وانا مالى ياعم

اسامه : ايه مفيش واحده كده ولا كده

ابراهيم : لا خالص .... وبعدين الموضوع ده مش فى دماغى

اسامه : امال ايه اللى فى دماغك

ابراهيم : انا دماغى كلها فى الدراسه .... عاوز انجح واجيب تقدير

اسامه : كلنا بنذاكر ومركزين فى الجامعه وعاوزين نجيب تقدير بس فى نفس الوقت بنحب

ابراهيم : صاحب بالين كداب .... انا كل همى دلوقتى الجامعه .... بعد ما اخلص الجامعه واضمن مستقبلى ابقى افكر فى الحب والجواز

اسامه : غريبه .... مع انك بتقعد مع بنات كتير

ابراهيم : وفيها ايه دى .... دول مجرد زمايل لكن مفيش بينى وبين اى واحده فيهم اى حاجه لكن انا مش بفكر فى الارتباط نهائى

اسامه : جايز .... عارف ايه اللى انا خايف منه بجد

ابراهيم : ايه ؟

اسامه : خايف موضوع دياب ويمنى يتطور

ابراهيم : ياعم متشغلش بالك .... ده لعب عيال ومسيره هينتهى

اسامه : ولو اتطور .... ايه الحل ساعتها

ابراهيم : ساعتها انا هتصرف

اسامه : انا خايف يكون الوقت فات

ابراهيم : متخافش انا مركز معاهم كويس .... ودياب مطنش يمنى

اسامه : ياريت يفضل على كده على طول ..... لان الموضوع لو اتطور عن كده انا ممكن اهد المعبد على دماغ الكل واخربها

ابراهيم : اهدى بس كده ومتتعصبش ..... هو فى حاجه جديده حصلت انا معرفهاش

اسامه : من ناحية دياب مفيش حاجه ..... لكن من ناحية يمنى فى تطورات كتير

ابراهيم : تطورات ازاى يعنى

اسامه : مش مهم دلوقتى تطوات ازاى .... المهم ان احنا نمنع الموضوع باى شكل

ابراهيم : خلاص انا هقعد مع امنيه وافهم منها ايه اللى حصل بالظبط

اسامه : ياعم امنيه دى بنت هبله ومش فاهمه حاجه

ابراهيم : متخافش انا ليا طريقه معاها بعرف منها اللى انا عاوزه

اسامه : انت حر

من ناحيه تانيه عند يمنى فى الفيلا قاعده مع والدتها

ماجده : ايه اخبار دياب يا يمنى

يمنى : كويس

ماجده : مالك كده شكلك متدايقه

يمنى : مفيش حاجه

ماجده : ابوكى عاوز يشوفه

يمنى : حاضر

ماجده : اعزميه على الغداء بعد يومين

بمنى : حاضر

نرجع عندى انا فى يوم كنت قاعد فى الجامعه فى الكافتريا ودخلت عليا يمنى

يمنى : ازايك يا ديبو

انا : ازايك يا يمنى

يمنى : فاضى بكره

انا : ولو مش فاضى افضالك مخصوص

يمنى : طب اعمل حسابك انت معزوم عندنا بكره

انا : ياه انتى لسه فاكره .... ده انا نسيت العزومه دى خالص

يمنى : معلش يا ديبو بابا لسه راجع من السفر من يومين

انا : حمدلله على السلامه ياستى

يمنى : الله يسلمك يا ديبو

انا : طيب المعاد الساعه كام

يمنى : بكره بعد الجامعه انت هتيجى معايا

انا : لا ياستى انتى اسبقينى وانا هحصلك بس ابعتيلى اللوكيشن على الواتساب

يمنى : وليه يابنى كده

انا : انتى ناسيه ان بكره علينا ورش

يمنى : وفيها ايه دى

انا : يعنى هدومى هتتوسخ .... المفروض ارجع شقتى اخد شاور واغير هدومى وبعدها اجيلك البيت

يمنى : على العموم زى ماتحب ... بس انا كنت عاوزه اريحك

انا : متشغليش بالك انا كده مرتاح

*/########