Chapter 36
Rick
Pagsara ng pinto matapos lumabas ni Aira, parang may isang bagay na tuluyang nabunot sa dibdib ko.
Nanatili akong nakaupo sa kama, hindi gumagalaw, nakatitig lang sa pintuang ilang sandali lang ang nakalipas ay siya ang nasa harapan ko—durog, nanginginig, pilit tumatayo kahit halatang wasak na wasak na. Ang babaeng minsan kong tinawag na akin. Ang babaeng ginamit ko. At ang babaeng, sa kabila ng lahat, ayaw pa ring tumigil na sumagi sa isip ko.
“Rick?” mahinang tawag ni Beverly, habang nakaharap sa akin.
Lumapit siya at hinawakan ang braso ko, marahan, parang takot akong mabasag. Mainit pa ang haplos niya. Galing siya sa biyahe kanina, galing sa airport galing sa ibang bansa.
Kaninang madaling-araw ko lang siya sinundo. Pagod, pero masigla. Buong-buo. Hindi tulad ng b
