Chapter 62
Rick
Hindi ako mapakali.
Ilang oras na akong nakaupo sa opisina pero parang wala akong nagagawa. Bukas ang laptop ko, naka-display ang mga reports na dapat sana’y pinag-aaralan ko, pero ni isa roon wala akong tunay na nababasa. Dumadausdos lang ang mga mata ko sa screen, habang paulit-ulit na bumabalik sa isip ko ang isang pangungusap na parang kutsilyong paulit-ulit na isinusuksok sa dibdib ko.
'Oo, may asawa na ako.' Boses ni Aira ang umaalingawngaw sa pandinig ko. Deretso ang tingin niya sa akin. At walang pag-aalinlangan niyang sinabi iyon.
Ano pa ba ang aasahan ko? Na pagkatapos ko siyang ipahiya at hindi siputin sa kasal namin, yayakapin niya pa rin ako at mamahalin?
Parang hinugot ang puso ko noong marinig ko na may asawa na siya. Tama nga ang sinabi ni Raydin ang
