Napaawang ang kanyang mga labi sa kanyang narinig galing kay Clinton at hindi siya makapaniwala.
Nanaginip lang ba siya? Nabibingi lang ba siya? Nag-a-assume lang ba siya? Bakit ganito ang kanyang nadarama? Magkahalo ang damdamin na bigla na lamang sumibol sa kanyang puso.
"Mahal na mahal kita, Steph," muling sabi ni Clinton at this time malinaw na malinaw na talaga sa kanya na hindi siya nanaginip. Totoo ang narinig niya. Mahal siya ni Clinton!
"Nagbibiro ka lang, di ba?" mangiyak-ngiyak niyang tanong.
Napangiti ang binata saka nito ikinulong ng dalawa nitong naglalakihang mga palad ang mukha niya saka siya pinagmasdan sa mga mata.
"I'm telling you the truth," sabi ni Clinton saka niya dinampian ng halik ang mga labi ni Stephanie.
"Mahal na mahal kita," muli pa niyang sabi at hindi
