"Clinton, wake up," pukaw ni Feliza sa mahimbing na natutulog na anak habang nakadapa ito sa ibabaw ng kama nito.
"Just a minute, Ma. I'm still sleepy," anito sa boses na talagang inaantok pa.
Napabuntong hininga naman ang ginang saka ito lumabas ng kanyang kwarto.
Nang marinig ni Clinton ang muling pagsara ng pinto ng kanyang kwarto ay bumalik siya sa pagkalatulog pero makalipas lang ang ilang sandali ay nagising siya nang may kakaiba siyang napansin.
May kung anong maliit na bagay ang kasalukuyang dumadampi sa kanyang pisngi at nagbibigay iyon ng konting kiliti sa kanya.
Bigla niya itong tinampal dahil sa pag-aakalang baka langaw lang iyon kung anong insektong nakapasok sa kanyang kwarto pero hindi niya iyon tinamaan.
Pagkatapos ay muli siyang natulog pero hindi niya magawa dahil
