Chapter 19
Gift
"Huh? Akala ko ba, interesado ka sa pag-a-apply na SA?"
Kitang-kita ko ang malalim na kunot sa noo ni Jason. Katatapos lang ng klase namin sa isang major subject at nilapitan niya ako upang itanong kung tutuloy pa ako sa pag-apply bilang Student Assistant. Sinagot ko siya na hindi na. At hindi ako nagulat na ganito ang magiging reaksyon niya.
"Hindi na talaga, Jason," tugon ko.
"Bakit naman?" lumalim pa ang kunot sa kaniyang noo.
Will I tell him the truth? Of course, not! Baka, masaktan lang siya kapag sinabi ko na nalaman ko na mabagal ang pagkuha ng sahod doon. Kailangan ko rin kasi agad ng pera, eh. Talagang magigipit ako nito kapag wala akong nailuwal.
"M-may naitabi pa pala akong sobrang pera." Nakagat ko ang labi ko dala ng pagsisinungaling. "At saka, tinawagan
