NAPANGITI si Ancia nang marinig ang malakas na tawa nina James at Phillip mula sa ilog. Nasa mausoleum siya habang sina Phillip at James ay nasa may malapit na ilog. Natutuwa marahil ang bata sa mga isdang nakikita nito sa malinaw na ilog. Kanina ay kasama niya ang dalawa sa loob ng mausoleum. Binigyan siya ng mga ito ng pribadong oras pagkalipas ng ilang minuto.
“Ngayon ko lang uli nakitang ganyan kasaya ang apo mo, Andoy,” pagkausap niya sa kanyang asawa. “Masaya akong makita na masigla at masaya siyang muli. Alam kong marami pa silang kinakaharap na problema, pero alam kong kaya ng apo mo `yan. Kakayanin niya para sa mag-ina. Alam ko ring hindi siya pababayaan ng Panginoon. Mangingibabaw ang hustisya. Mananagot ang mga may sala. Sana ay maging maayos ang lahat sa lalong madaling panaho
