PAGBALIK ni Sassa sa silid ni James ay nadatnan niyang binabantayan ni Phillip ang natutulog na anak nila. Nakaupo ito sa isang silya malapit sa kama. Naramdaman nito ang pagpasok niya ngunit hindi nito inalis ang mga mata nito sa bata.
“He’s mine,” he stated. “He’s my kid.”
Hindi na siya gaanong nagulat na alam na nito ang bagay na iyon. Hindi ito tanga upang hindi maintindihan ang mga ipinahiwatig ni Benito at Pilita nang nagdaang gabi. Hindi niya alam na alam ng mga ito ang totoo. Masyado niyang minaliit ang nalalaman ng mga ito. O masyado siyang naging kampante na safe ang lihim niya.
Umupo siya sa isang couch. “Yes. He’s yours.”
“Bakit hindi mo sinabi?” puno ng hinanakit na tanong nito.
“Iniwan mo `ko. Hindi ko alam kung paano kita makakausap. Nabalitaan kong umalis ka ng bansa.
