ANNALOU
TANGING si Attorney lang ang naging witness ng kasal namin ni Steven dito sa munisipyo. Isang judge lang ang nagkasal sa amin. Aware naman ang judge sa sitwasyon namin kaya kaunting seremonyas lang ang kanyang mga binanggit. Wala rin ang 'you may now kiss the bride' na ina-announce pagkatapos ng kasal. Ni wala nga rin kaming singsing na dalawa. Basta nagpirmahan lang kami doon katunayan na tunay ang kasal naming dalawa.
Pagkatapos naming pumirma ay umuwi rin kami kaagad kasama si Attorney. Nang makarating sa bahay ay nasurpresa kami ni Steven dahil may salo-salong hinanda sina Manang Cecil at nang iba pang katulong.
Kumain kami ng sabay-sabay. Isa-isa rin silang nag-congratulate sa amin ni Steven. Tunatanguan lang naman sila ni Steven at ako naman ay tipid na ngumingiti sa kanil
