ANNALOU
HINDI tuloy ako makatingin ng diretso kay Steven habang magkaharap kami ng upo dito sa sala. Ayaw ko namang aminin sa kanya na totoo ang hinala niya na iniisip ko kanina. Sobrang nakakahiya.
Dumating na si Attorney para alamin ang desisyon naming dalawa. Bago pa siya dumating ay nakagawa na ako ng rules ko para kay Steven. Kailangan niya itong pirmahan bago kami ikasal mamaya. Yes, mamaya na agad dahil kailangan masaksihan ni Attorney ang kasal na magaganap. Pagkatapos kasi ng kasal ay saka niya pa lang ipapa-asikaso ang pag-transfer ng mga ari-arian na iniwan nina Mama Sandara at Papa Benedict kay Steven. Kailangan niya ring masiguro na tunay ang kasal. Masyadong segurista si Attorney.
Sobrang bilis nito sa ordinaryong kasalan, pero hindi naman kami nagmamahalan at arrangement
