العوده من الموت ( كامله)

#العوده من الموت بارت١&٢ البارت ١ كالعاده تستيقظ ندا صباحا لتحضير طعام الافطار لها ولابنتها سلا ذات الاربع اعوام .. ندا : سلا قومي ادخلي الحمام عشان نلحق نزور جدك في المستشفي واروح الشغل سلا : حاضر يا مامتي سلا دخلت الحمام وخرجت ندا لبستها وقاعدو يفطرو مع بعض .. سلا : هو جدو هيخرج امتي من المستشفي ندا : ادعيلو ربنا يشفيه . سلا : يارب يا جدو يشفيك ويخليك ليا . مامتي ينفع اسالك سؤال واحد ندا : اسالي هو انتي بتبطلي اسئله سلا: هو بابا فين ندا في سرها : باباكي مات وانا كنت لسه حامل فيكي . سلا : يا مامتي ردي عليا ندا : باباكي عند ربنا . سلا : هيجي امتي . انا مش عندي بابا. كل البنات في الحضانه عندهم وانا لا ندا عينيها دمعت وبصتلها : يا حبيبتي انتي عندك ماما وعندك جدو . قولي الحمد لله سلا : الحمد لله . انا شبعت هقوم اغسل ايدي وننزل نزور جدو ندا : قومي .. ندا اتن*دت وابتدت تلم الاطباق وتغسلهم وبعدين خدت شنطتها وبنتها سلا ونزلت ركبت تا**ي وراحت مستشفي ال**** ندا : سلا احنا هندخل لاوضه و مش عايزه شقاوه ومتجريش في المستشفي . عشان اجبلك حاجات حلوه سلا : حاضر يا مامتي هسمع الكلام ندا : شطوره حبيبتي .? نزلو من التا**ي وندا وسلا دخلو المستشفي . ودخلو لاوضه ابوندا عبد الحميد ندا : صباح الخير يا بابا عبدالحميد : صباح النور يا عيون بابا . سلا: جدو حبيبي واحشتني عبدالحميد : وانتي كمان يا قلب جدو سلا : بلاش قلبك عشان قلبك تعبان عبدالحميد ضحك .. ندا : بنت انا قولت ايه . بطلي لامضه عبدالحميد : بس يا ندا سبيها . ما انتي كنتي كده وانتي صغيره سلا : شوفتي يعني انا طالعه لمين يعني ندا : ماشي يا زفته اما نروح عبدالحميد : بس بطلو خناق . عاملين ايه ندا : الحمد لله عبدالحميد : الدكتور كان بيسال عليكي الصبح . ندا : هروح اشوفه عايز ايه وارجعلك سلا : هاجي معاكي ندا : تعالي يا هانم خرجت ندا مع بنتها سلا وراحت لاوضه دكتور القلب اللي بيتابع حاله بابها ندا خبطت ودخلت : السلام عليكم الدكتور : وعليكم السلام اتفضلي يا مدام ندا .. ندا قاعدت ومعاها بنتها .. الدكتور : حاله استاذ عبدالحميد بتتحسن الحمد لله والجلطه اللي علي القلب ابتدت تروح . ندا : الحمد لله . هو ممكن يخرج امتي الدكتور : الاحسن انه يفضل معانا اسبوع كمان ندا : ماشي يا دكتور . وشكرا ليك جدا علي تعبك مع بابا الدكتور : لا شكر علي واجب . ندا خرجت وهي فرحانه لان بابها هو كل عايلتها وهو السند ليها سلا خرجت قدمها تجري وندا بتلحقها .. سلا بتستخبي و فتحت باب اوضه ودخلت فيها هو قام من ع السرير : بنتي حبيبتي انتي جيتي سلا لفت و بصتله كتير راح حضنها وشالها وفضل يبوس في وشها وكفوف ايديها ويبكي جامد . سلا : انا بنتك هو : اه انتي نسيتي سلا : يعني انتي بابتي هو بدموع : اه انا بابا سلا حضنته . وهو بيحضنها اوي وبيعيط جامد ندا فضلت تفتح بابان الاوض عشان تلاقي بنتها والممرضات معاها بيسعدوها ندا فتحت الباب واتصدمت من المنظر ? دخلت بكل غضب وهي بتصرخ : ابعد عن البنت هو : مش هبعد دي بنتي حبيبتي . مش هخليكي تخديها مني ندا : ابعد عنها بقولك فين الدكاتره اللي هنا الممرضين دخلو وهما مصدوين . والدكاتره والكل ابتدي يتجمع علي صريخ ندا والراجل سلا خافت وابتدت تبكي جامد من الصوت العالي هو بغضب وعيونه ابتدت تحمر وعروقه برزت من كتر الغضب وبصوت قوي : اسكتي ووطي صوتك . ندا خافت وسكتت والدموع اتجمعت في عينيها .? هو بص لسلا : حبيبه بابا متخفيش . يا نور عيوني محدش هيقدر يأذيكي ولا يخدك مني مره تاني ندا بصتله بغل . وهو بدلها النظره بتحدي سلا: بابا انا خايفه هو : من ايه في حد يخاف وبابا معاه سلا : من الناس دي هو بصلهم : لو سمحتم اطلعو بره البنت خايفه الناس بيبصو لبعض ومش فاهمين في ايه ندا : تعالي لماما يا سلا سلا ماسكه في هدومه : لا انا عايزه بابا هو : حبيبه بابا . قعد علي السرير وقعدها علي رجبه وفضل يبوس في ايديها . هو : حبيبتي انتي واحشتيني خالص سلا : وانت كمان يا بابا ندا واقفه مصدومه ...الدكتور جري علي الاوضه بعد اما الممرضين ادوله خبر. الدكتور : فهد بيه انت كويس فهد : اطلع بره وفضي الاوضه دي من الناس بدل ما اقوم انا اتصرف الدكتور : حاضر حاضر الدكتور ابتدي يخرج الكل . وبص لندا اللي واقفه مصدومه ندا : سلا يلا نمشي فهد بصلها بغضب .. سلا ماسكه في هدوم فهد : همشي مع بابا ندا بصت للدكتور اللي شاورها تطلع بره . بس هي واقفه وخايفه تتحرك الدكتور فهم صدمتها مسكها من ايديها وبيحاول يخرجها . ندا : مش هخرج الدكتور : تعالي معايا بس فهد قام بغضب وبص للدكتور وبص لايده اللي علي ايد ندا فهد بشر : نزل ايدك لا**رها ندا بصتله باستغراب هو ليه بيدافع عنها الدكتور خاف منه ونزل ايده : انا بس عايز اتكلم معاها فهد لندا : عايزه تتكلمي معاه ندا بصت لفهد في عينه وبصت للدكتور : اخرج انت وانا هجي وراك الدكتور خرج ووقف بره خوفا من فهد فهد : لو ضايقك قوليلي ندا : ليه فهد : هو ايه اللي ليه . مراتي ولازم اخلي بالي منك ندا : مراتك فهد : عارف انك زعلانه من اللي حصل واني بعدت عنك بس كان غصب عني ندا بصت لفهد : غصب عنك ازاي فهد بص لسلا اللي شيلها علي ايده وهي مرميه في حضنه فهد : هنتكلم اما نكون لوحدنا ندا بصتله كتير . وبصت لبنتها اللي مش خايفه وماسكه فيها خرجت للدكتور اللي واقف بره الدكتور : تعالي معايا وانا هجاوبك علي كل اسئلتك . ومتخفيش علي بنتك ندا راحت معاه علي مكتبه وهي ماشيه وعقلها وقلبها في الاوضه مع بنتها ندا عبدالحميد : محاميه عندها ٢٧سنه .محجبه . عبدالحميد الدالي : محامي مشهور عنده٦٠سنه . صاحب مكتب محاماه كبير #العوده من الموت البارت ٢ ندا دخلت مع الدكتور في مكتبه وهي متوتره وقلقانه عقلها وقلبها مع بنتها وخايفه عليها الدكتور : عارف انك خايفه . بس اقعدي واهدي وانا افهمك . فهد مش هيأذيها ندا : وايه اللي يضمن انه مش هياذيها الدكتور : انا اضمنلك ندا : ده واحد مجنون مختل عقليا الدكتور : اهدي . فهد صحبي من واحنا صغيرين وانا اعرفه . ومش مجنون . ندا : لا والله . كل اللي عمله وبيعمله ده مش جنون الدكتور : اهدي عشان بنتك . انتي شوفتيها ازاي اتعلقت في رقابته ندا اقعدت : هي ليه اصلا عملت كده . دي اول مره تشوفه الدكتور : احب اعرفك بنفسي الاول . انا دكتور اسلام الناظر دكتور مخ واعصاب ندا : اهلا . انا ندا عبدالحميد الدالي محاميه دكتور اسلام : اهلا وسهلا .. انا هحكيلك عن فهد اسمه فهد احمد المختار كان ظابط في قسم مكافحه الم**رات . . فهد كانت حياته عاديه جدا . ليه عايله متجوز من ريم . وعنده بنت اسمها نغم في عمر بنتك بظبط و المعجزه انها شبهها جدا ندا : شبهها ازاي دكتور اسلام طلع صوره لفهد وريم مراته وبنته نغم اللي فعلا شبه بنتها سلا جدا اكنهم تؤام ندا باصه لصوره ومش مصدقه : وبعدين فين عايلته اسلام : فهد قبض علي تاجر م**رات كبير . وابن التاجر طلب منه انه يخرج ابوه من القضيه ياما هينتقم منه فهد طبعا كان ظابط كبير ومعروف عنه انه قلبه ميت ومبيخفش من حد .. جاله تهديدات كتيره انهم هيقتلوه وهو كان بيكمل التحريات وبيكمل شغله لحد اما في مره بعت تهديد انهم هيقتلو عايلته فهد رجع لبيته وحكي لمراته وطلب منها انها تلم هدومها وتبعد عن البيت عشان ميعرفوش طريقها لحد اما القضيه تخلص ريم مراته خدت بنتها نغم ومشيت من البيت عدي يومين بالظبط والتالت كانو قتلو بنته ومراته وبعته راسهم في علبتين علي مكتبه فهد فتح العلب واتفاجا براس مراته وراس بنته جتله صدمه عصبيه ومصدقش . نزل زي الاسد وراح لبيت التاجر ومعاه اسلحه وقنابل وفجر البيت كله وقتل كل اللي فيه ورجع علي التاجر وساله علي بنته ومراته التاجر ضحك وقاله انهم اتقتلو فعلا . وان ابنه قطع رقابتهم فهد طلع سكينه وقطع رقبه التاجر وفضل يض*ب فيه بالنار لحد اما الظباط والعساكر بعدوه عنه بالعافيه .هو بعد كل ده دخل في غيبوبه وعقله الباطن رفض يصدق الحقيقه ان بنته ومراته اتقتلو بالشكل ده ندا : وهو فاق امتي من الغيبوبه اسلام : من شهر فاق بس كان مش بيتكلم وله بيتحرك . حولت معاه كذا مره اني اخرجه من اللي هو فيه واخليه ينطق بس مفيش فايده . بنتك هي اللي رجعته من الموت لانه فعلا كان بيموت نفسه بالبطئ لا بياكل وله بيتحرك . ندا : سلا بنتي اتعلقت بيه كده ليه دي اول مره تشوفه اسلام : الجواب علي السؤال ده عندك . هو فين والد سلا؟ ندا : ابو سلا مات. انا مكنتش معاه وقت موته .اهله هما اللي قالولي انه مات بساكته قلبيه وانا جالي انهيار عصبي ومكنتش مصدقه وتعبت جدا. اهله رفضو اني اخد صور ليه او اي حق . وعشان كده سلا مش عارفه شكل بابها اسلام : انتي المفروض محاميه مرفعتيش قضيه وطلبتي بحقك ليه ندا : اولا بعد موت جوزي انا كنت تعبانه ومنهاره وبابا خدني وسفرنا . واما رجعت كانو اخواته باعو كل حاجه واختفو. تقريبا سفرو .. وبعدين انا الحمد لله مديا مرتاحه مش محتاجه حاجه منهم. اسلام : معنديش تفسير للمشهد اللي شوفتيه من شويه غير ان بنتك اتعلقت بفهد علي اساس انه بابها لان بيقولها بنتي وهي محتاجه ده . اما فهد اتعلق بيها لانها طوق النجاه . وشبه بنته . تخيلي واحد بيغرق وبيلاقي طوق النجاه اللي هينقذه من الموت لازم يمسك فيه ندا : طيب هو ممكن ياذيها اسلام : انتي شوفتي هو كان خايف عليها ازاي . مش هياذيها متخفيش ندا : انا عايزه اخد بنتي وارجع بيتي . اسلام : اللي هطلبه منك ده طلب انساني . لو سمحتي خلي سلا مع فهد هما محتاجين لبعض. ندا : انت بتقول ايه . فهد ده حياته خطر. ودي بنتي الوحيده اسلام : فهد ساب الشرطه من بعد الحادثه لانه دخل في غيبوبه. وبعدين ملهوش اعداء حاليا . ندا : مش عارفه طلبك غريب جدا . فين اهله اسلام : للاسف اهل فهد اما صدقو انه يدخل في غيبوبه رفعو عليه قضيه وخدو كل الفلوس ليهم والشركات بتاعت بابه . واحنا بنعالجه بالمعاش بتاعه ندا : مش عارفه .. انا هقوم اشوف بنتي اسلام : فكري في طلبي وصدقيني هتنقذي حياه بنتك وفهد كمان ندا سكتت . اسلام : انا جي معاكي راحت ندا مع دكتور اسلام . دخلو الاوضه كان فهد قاعد بيلعب مع سلا وبيضحكو بصوت عالي . اسلام : صدقيني بنتك محتاجه لفهد اكتر. ندا اتن*دت وقربت لسلا : حبببتي يلا نروح البيت سلا : لا انا عايزه العب مع بابا فهد ابتسم وحضنها . ندا : وبعدين فهد : وبعدين معاكي انتي . سبيها تلعب معايا هي واحشاني وانتي كمان خليكي قاعده ندا بصت لاسلام واسلام ابتسم ليها فهد : انت واقف كده ليه انت كمان اسلام: انت مش فاكرني يا فهد فهد : فاكرك انت اسلام دكتور المجانين . اسلام ضحك وندا كمان .. اسلام : انا هخرج ولو عايز حاجه قول للممرضه فهد : تمام فهد قعد يلعب مع سلا . لحد اما سلا تعبت ونامت في حضنه . وندا قاعده متابعهم وساكته فهد نيم سلا علي السرير ووقف ندا وقفت : انا هاخدها ونروح بكره هنجيلك فهد قرب من ندا وبصلها جامد . ندا اتوترت:بتبص كده ليه فهد : اصل انتي واحشتيني ندا : وحشتك فهد بيقرب وهي بترجع لوراه لحد اما خبطت في الحيطه فهد : انتي لسه. زعلانه مني ندا متوتره :لا فهد حضنها وهي بتزق فيه : اوعي كده نزل ايد*ك فهد : يبقي زعلانه ندا : اه انا زعلانه . ابعد بقي.. فهد مسك كف ايديها بايده : ليك حق تزعلي انا بعدتكم عني . علشان كنت خايف عليكم ندا متوتره.. فهد قاعدها وقعد جنبها : انا كنت ماسك قضيه لناس تجار م**رات وهما هددوني بيكم وانا خفت عليكم . عشان كده طلبت منك تمشي . فهمتيني بقي ندا : فهمت. انا همشي فهد : رايحه فين ندا : راجعه البيت . فهد : هنرجع مع بعض بيتنا ونعيش زي الاول واحسن ندا بعد تفكير: فهد انت هنا في المستشفي عارف ليه فهد : لا ندا : عشان انت اتصبت ولازم تفضل هنا لحد اما تخف . وانا هاخد البنت وبكره نيجي نقعد معاك فهد بص لسلا اللي نايمه بحب : لا خليها معايا . انتي هتبعديها تاني ندا : لا مش هبعدها فهد : اوعديني انك هترجعي ندا : اوعدك فهد : خلي بالك من نفسك ومنها. استني فهد خرج للممرضه .الممرضه : نعم فهد : عايز دكتور اسلام الممرضه : حاضر ... الممرضه راحت تنادي لاسلام وهو رجع اسلام خبط ودخل : نعم يا فهد فهد : هو انا مينفعش ارجع البيت ندا لحقيته : مينفعش لانك مصاب اسلام فهم : هتقعد معانا لحد اما تخف وبعدين ترجع بيتك فهد بص لبنته اللي نايمه: مش عايز ابعد عنها تاني اسلام بص لسلا : متقلقش هي مش هتقدر تبعد عنك . انت شوفتها اتعلقت بيك ازاي فهد بعد ما اقتنع بكلام اسلام راح شال سلا وحضنها جامد وفضل يبوس في ايديها ووشها ورجلها ويبكي ندا دموعها نزلت علي شكله وصعب عليها قلب دق : فهد الوقت اتاخر . وانا كمان اتاخرت فهد قام شال سلا وادها لندا وبعدين قرب عليهم ودموعه نزلت وبيتامل في وشهم ندا حاجه جواها اتأثرت ومش فاهمه ليه : هنرجع تاني فهد : لا إله إلا الله ندا : محمد رسول الله خرجت ندا وفهد قعد علي السرير وابتدي يبكي بحرقه وجسمه كله يحصله تشنجات. اسلام جاب حقنه مهدئ وحقنه بيها عشان جسمه يهدي.. اعصابه ابتدت تترخي وبعدين نام اسلام : انتي اللي هتشفيه يا ندا مش هسيبك بسهوله . اما صدقت عرفت علاجه اما ندا فخرجت تجري وركبت تا**ي ورجعت لبيتهاوهي متوتره وقلقانه وخايفه ترجع تاني للمستشفي . مع ان حاجه من جواها بتقولها تساعده . بس هي قررت انها تبعد سلا ومتروحش هناك طول الليل بتحلم انها بتجري في غابه وناس بيجرو وراها . وواحد بيجي ينقذها منهم . بس مش شايفه شكله .. كل اما تقوم من النوم . ترجع تنام ونفس الحلم بيتكرر تاني سلا صحيت الصبح وهي فرحانه وبتطنط وصحت ندا سلا : يلا قومي بلاش **ل ندا :بنت عيب .احترمي نفسك سلا : مامتي يلا بقي ندا : يلا ايه سلا : نروح لبابتي واحشني ندا قلبها اتقبض : مش هنروح سلا قاعده : لا مليش دعوه انا عايزه بابا ندا : سلا حبيبتي ده مش بابا سلا بدموع : لا بابا . انا عايزه بابا . انا بحبه هو وعايزه اقعد معاه ندا حضنتها : افهمي بس سلا بتبكي جامد وبتصرخ ومش عايزه تهدا . ندا حاولت معاها كذا مره وجبتلها حلويات . بس هي مش بتاكول وله بتهدا. وابتدت شفايفها تزرق وتتقيا ندا لبست هدومها بسرعه وخدت بنتها عشان توديها للدكتور . بس لقت نفسها بتقول لسواق التا**ي علي عنوان المستشفي نزلت من التا** بعد اما دفعت الحساب تجري علي المستشفي ودخلت علي عياده اسلام . اول اما شافها اتخض وبص لسلا اللي ابتدي جسمها كله يتشنج اسلام : مالها ايه اللي حصل ندا حكتلها علي الحوار اللي بينهم اسلام شالها وجري بيها علي اوضه فهد اللي نايم علي السرير وباصص للسقف اسلام : فهد فهد سرحان مش بيرد .. اسلام قرب ونيم سلا جنبه. وهو انتبه وبص لاسلام جامد وبعدين بص لبنته وابتسم فهد اتعدل من نومته اكن روحه رجعتله تاني شال فهد وهو شايل بنته : بنتي حبيبتي . مالك يا نور عيون سلا ابتدت تتنفس بانتظام وفتحت عينيها : بابا فهد بدموع : قلب بابا . مالك سلا حضنته جامد .. وهو كمان .. اما ندا مش فاهمه حاجه هي كانت جايه للاسلام يشوف ايه سبب التشنجات اللي حصلتلها ايه اللي حصل اسلام بعد اما اطمن عليهم خرج بره .. وندا جريت وراه ندا : دكتور اسلام . ايه اللي حصل . اسلام : بنتك محتاجه لفهد هو علاجه . هي عندها حاله نفسيه . ولو مش مصدقاني انتي شوفتي بنفسك شكلها كان عامل ازاي واول اما سمعت صوته الروح ردت فيها . تعرفي ان فهد عنده نفس الحاله ندا : ازاي اسلام : بعد اما مشيتو امبارح. جسمه كله اتشنج ومكنش عارف يتنفس واضريت اديلو مهدأ عشان ينام ندا : غريبه هو وسلا عندهم نفس الحاله اسلام : متقلقيش علاجهم سهل خليهم مع بعض ندا : اخليهم مع بعض ازاي . انت فاهم بتطلب ايه مني . دي بنتي وهو راجل غريب عني اسلام : اتجوزو ندا : نتجوز ايه في ايه يا دكتور . انا من وقت اما جوزي مات وانا شايله موضوع الجواز ده من دماغي فالاخر اتجوز واحد مجنون اسلام : فهد مش مجنون . ده عنده صدمه عصبيه.. فقدان لجزء مؤلم من زاكرته . وبعدين انا مقولتش تتجوزيه لغرض الجواز او المتعه . اتجوزيه عشان بنتك بدل ما تضيع من بين ايد*ك ندا سابته ورجعت لغرفه فهد وقعدت قدمه وهو حاضن سلا وبيكلمها وهي مندمجه معاه ندا : حبيبتي مش هتاكلي سلا : لا فهد : كده انا هزعل . ازاي بنوتي الحلوه متكولش . انتي عايزه تتضعفي . انا بنتي لازم تكون قويه زي كده سلا : وانت قوي فهد : اه طبعا . بصي العضلات . مش عجبك كل ده سلا ضحكت : مش عجبني دقنك الطويله دي . قصرها شويه . فهد : وايه تاني سلا : شعرك حلو وناعم بس عايز يقص شويه . ومش عجبني المستشفي هنا . انا عايزه اخرج . فهد : بس كده . كل طلبات اميرتي مجابه . بس الاول تأكلي سلا : ماشي ندا : هقوم اجيب فطار من الكافتيريا وهطلعلكم فهد : متنسيش لبن لاميرتي ندا : طبعا وقهوتك كمان فهد : بالظبط كده ندا تنحت واستغربت من كلامها : قهوه ايه انا شكلي اتجننت زيهم ندا نزلت الكافتيريا وطلبت سندوتشات واتنين قهوه ليها ولفهد وكوبايه لبن لبنتها طلعت ودخلت الاوضه . ندا : يلا عشان نفطر فهد قرب من الترابيزه و ايتدي ياكل سلا ويهزر معاه فهد : قطمه سندوتيش وبوق لبن .. برافو سلا سمعت الكلام وخلصت السندوتش وشربت اللبن فهد : شطوره حبيبه بابا سلا: انا كمان هاكلك . يلا افتح بوقك. فهد فتح بوقه وهي اكلته وهما الاتنين بيضحكو وندا قاعده قدمهم مبتسمه