روايه قطار العمر

البارت الرابع

يارب الروايه تعجبكم

روايه ( قطار العمر ) البارت الرابع

بقلم ✍️ ملك فريد لطفى.

مريم انت هتقلبي المواجع بس ليه ماانت كنت فرفوشه من شويه وعماله تهزري.

ولاء انا هقوم اشوف الواد حليم اختفي كده مش باينله حس من بدري.

سلمي دخلت راحه فين يا لولو.

ولاء بشوف اخوكي راح فين.

سلمي ده دخل نام اليوم انهارده كان طويل اوي علينا كلنا.

ولاء طيب لو تعبانه ياحبيبتي ادخلي نامي وانا هقعد مع مريم متقلقيش انا هنام هنا معاها.

سلمي ياخالتو مااوضه سليم فاضيه تنامي هنا ليه.

ولاء احنا مابنصدق نتجمع يوم ونعيد يوم من ايام زمان الحلوه،

فاكره يامريم ايام رمضان لما كنا نتجمع عند ماما ونعمل الكحك والبسكوت.

مريم كانوا احلا ايام في السنه كلها ونعملها الشقه ونروح نعمل شققنا كان في صحه والفرحه كانت مليانه نشاط دلوقتى العيال مافيهمش صحه ولاحيويه عاوزين كل حاجه جاهزه مش عاوزين يشتغلوا حاجه بأيديهم خالص.

ولاء اه والله ده حتى الاكل بقوا يجبوه دليفري.

مريم الحاجات دي مافيهاش بركه.

سلمي ياماما الدنيا دلوقتي غير زمان الحياه بقت سريعه وكلنا بقينا مشغولين حتي الي مابيروحوش شغل بقوا بيشتغلوا عن طريق النت.

ولاء علي رأيك بقي البيع والشرا كله علي النت اكل ولبس وشرب حاجه بقت غريبه والناس بقوا عندهم هوس.

مريم ربنا يحفظ الاجيال الجايه.

سلمي يارب يا ماما.

ولاء الا قولولي سليم اخباره ايه الواد ده بقاله كتير ماشوفتوش.

مريم والله مقطع قلبي وحليم محتاس من غيره في الورشه انت عارفه سليم ايده ورجله.

اه صح نسيت اعرفكم ان حليم عنده مركز صيانه عربيات وهو وسليم المسؤلين.

ولاء انتي مش ناويه تخطبيله.

مريم والله هو بيحب بنت جارتهم عند الورشه وانا شايفه ان اهلها ناس محترمين ويعتبر زينا في مستوانا هخلي سلمي تعزمها يوم السبوع شوفيها وابقي قوليلي رأيك فيها

ولاء الواد ده اطيب عيالك بس عيبه الوحيد عصبي زي أبوه بس قلبه زي البفته البيضه..

مريم شوفتي عصبي بس قلبه زي اللبن الحليب مابيشلش من حد ولو مضايق من حد بيبان عليه مش خبيث.

ولاء هههههههه ماشي علشان قولتك عصبي زي ابوه

سلمي ماما انا هنزل مع محمد بكره نجيب السبوع علشان نكون مجهزين كل حاجه وابقي فاضيه مع بابا الخميس علشان ال*قيقه بتاعت عمار.

مريم ماشي يا حبيبتي بس ماتجيبوش حاجات غاليه علشان محمد متقليش عليه ماشي.

سلمي ماما انت وعمار مايجلكوش الا الغالي دي أقل حاجه نجبهالك ياحبيبتي.

مريم شوفتي ياولاء هتروح تجيب حاجات غاليه وكله هيتوزع ومافيش حد بيتراضا.

ولاء سلمي اعقلي ولمي علي جوزك كل اللعب دي هتتفرق علي اطفال وفي الاخر الناس مابتترضاش زي ماامك بتقولك هاتي المعقول.

مريم انزلي معاهم باولاء.

ولاء لاء ده انا هخلي خالتها وفاء هي الي تنزل معاها علشان تقدر عليهم.

سلمي يعني هو انا صغيره.

ولاء اه صغيره ولغايت ماتبقي جده هتفضلي صغيره في عنينا.

سلمي حبيبتي يا لولو اضحكي عليا بكلامك.

انا دخل انام لحسن خلاص جبت اخري

وتاني يوم نزلت سلمي ومحمد ومعاهم خالتها وفاء يجيبوا السبوع.

سلمي ايه رأيك ياخالتو في الحاجات دي.

وفاء يا بنتي دي حاجات اطفال.

سلمي تبص لمحمد انها مضايقه.

محمد يبص لسلمي ويضحك شوريلي علي الي عجبك.

سلمي هي دي.

محمد هاتلها واحده لوسمحت.

وفاء يعني خلاص مش مستحمل ترفضلها طلب يابنتي اكبري شويه.

محمد والله يا خالتو الي عجبني فيها طفولتها.

وفاء يا سلام يا خويا انت كمان.

محمد يلا بينا علشان منتأخرش.

وفاء يلا بينا ودخلت محل ايه رأيك ياسلمي في اللعب دي قيمه وسعرها حلو امك موصياني علشان اوفرلك.

سلمي فعلا ياخالتو حلويين اوي.

وفاء شوفتي بقي انا كان قصدي متستعجليش السوق مليان

سلمي حبيبتي يا خالتو.

وفاء حضنتها عقبال ماجبلك في سبوعك ياقلب خالتك.

محمد العدد كده تمام ولانزود ياخالتو.

وفاء لاء ياحبيبي تمام تعالوا بقي نجيب الشوكلاتات واللملبس وبقين لوازم السبوع.

روح محمد وسلمي ومعاهم وفاء.

وفاء اتف*جوا وقولولي رأيكم.

ولاء انت ذوقك معروف يافوفا.

وفاء طبعاً اتف*جوا

مريم ايه الجمال ده كله ربنا يخليكم ليا انا مكنتش اتخيل اصلا اني اعمل سبوع في العمر ده.

ولاء ماله سنك ياروحي ده انت لسه في عز شبابك.

سلمي ده انت القمر كله ياماما.

وفاء خلاص ماتقوللهاش ياماما قوليلها ياميمي.

مريم ياه ياوفاء فكرتيني بدلع بابا ليه الله يرحمه فاكرين يابنات كان بيدلعنا ازاي.

ولاء اه والله كان بيحبنا اوي كان معانا حاجه ومع احمد وحسن حاجه تانيه خالص.

وفاء بس حسن مالحقهوش احمد الي اخد الشديه كلها.

مريم بس احمد الي شال بابا في تعبه ومرضه وبابا ميت وهو بيدعيله.

وفاء الله يرحمهم جميعا اهم حاجه انهم خالونا نحب بعض ومرتبطين ببعض.

مريم بابا دايما كان مخليني شايله المسؤليه عنكم كلكم.

وفاء اه والله فاكره لما كنتي توصلينا المدرسه وانت مروحه من مدرستك تعدي علينا وتاخدينا تلمينا زي الكتاكيت في ايد*كي بصراحه كلنا كنا معتمدين عليكي وطول عمرنا بندلع عليكي.

مريم حبيبي ربنا يباركلي فيكم يارب انا حسيت بالمسؤولية من يوم أمكم الله يرحمها.

ولاء اه فعلا طول عمرنا وبالذات اننا كنا لوحدنا ومحدش بيسأل علينا.

مريم الحمد لله ربنا يخليكوا ليه ونفضل مع بعض وياريت ياسلمي تلمي اخواتك زي انا وخالاتك وخلانك كده.

سلمي ماتقلقيش علينا ياماما وربنا يياركلنا فيكي يارب.

مريم بصي يابنتي محدش عارف الاعمار بيد الله بس انت الي هتلمي العيله دي من بعدي.

ولاء مالك يا مريم قالبتيها غم كده.

وفاء ربنا يباركلك فيهم وتفرحي بيهم كلهم والصغنن الحلو ده وبعدين هتسيبي ابنك الكبير حليم ده لمين.

ولاء اه والله ده محدش يستحمله غيرك ده يضيع من بعدك.

حليم السلام عليكم متجمعين عند النبي.

وفاء انت فين من بدري تعالي اتف*ج علي السبوع بتاع عموره.

حليم ماشاء الله ايه ده كله انتوا جبتوا السوق كله ولا ايه.

سلمي ده كله علشان عموري حبيب قلبي.

حليم الله عليك يا عمار انت هتشوف دلع محدش شافه في العيله دي قبل كده.

ولاء انت طول عمرك مدلعهم وهو حد ادلع اكتر من عيالك.

حليم ربنا يخليهم ليه وادلعهم وهو انا ليا غيرهم.

محمد دخل ربنا يخليك لينا ياعمي.

حليم ابو حميد انت والله تعبت نفسك والسبوع كتير اوي وانتوا جايبين حاجات غاليه اوي.

وفاء ده كانوا عاوزين يجبوا حاجات اغلي كمان.

ولاء كويس ياوفاء انك نزلتي معاهم.

حليم الخرفان جايه باليل.

حليم الصغير بجد يابابا.

حليم اه ياحبيب بابا عاوز تقف معانا واحنا بندبح كان نفسي سليم يبقي معانا.

مريم ان شاء الله ربنا يرجعه بالسلامة ويجي يفرح بأخوه.

ولاء يارب يا حبيبتي.

وفاء عاوزين نتصل علي حبيبه مرات احمد البت دي أروبه علشان نعبي السبوع علشان تفرح وسطينا.

مريم هي كلمتني انهارده وهتغدي احمد وهتيجي علي هنا.

ولاء ربنا يراضيها وان شاء الله نتجمع عندها نعملها السبوع بتاعها.

مريم يارب دي امنيه حياتي احمد غلبان وانا عارفه ان ربنا هيراضيه.

حليم بأذن الله طيب بقولكم ايه في دكتور كويس اوي وعامل عمليات حقن مجهري وعالج واحد زميلي كانت حالته ميؤس منها وربنا كرمه بتوأم ايه رأيكم نقوله عليه.

مريم انا الي هقوله علشان مايحسش بضيقه اويت**ف.

حليم خلاص تمام كلميه انتي وانا هحجزلهم.

سلمي يلا ياجماعه ماجعوتوش.

وفاء والله انا جعانه ومستنيه حد فيكم بعبرني ولو بسندوتش.

ولاء يلا يامفجوعه ده انا عمللكم الاكل بأيديا وحيات عنيا.

وفاء ربنا يستر وميجلناش تلبك معوي قومي يامريم وشدي حيلك اخرتها هناكل من ايد لولو دلوعه العيله.

مريم كأنكم مولودين فوق راس بعض............ وباااااااااااااااااااس

‏اتمنى البارت يكون عجبكم وعايزه توقعاتكم فى البرتات الجايه وتعليقات كتير علشان انزل البارت الخامس وشكرا لكل واحد شجعنى دومتم سالمين .??

‏ ‏ ‏ ‏ ‏يتبع بقلم #ملك_فريد