سجن بلا اااسوار

عاجزة عن البوح

هواي ضغط علية طالب عمود اگلة حجاية حلوة وافرحة بيهة بس مجنت كادرة احجي ولاكلمة....

طالب: ولج نغم رح اروح اني دااحجيلج كلمة ريحيني بيهة..

اتصبر واني بعيد عنج..

نغم:شتريد طالب سلام وسلمنا واجيت وكعدنا وشردت من البيت عمود اجي اشوفك بعد شتريد..

طالب؛ نغم.. والله گلبي يوجعني وانتي زيدتي الوجع..

نغم؛ خيرة كلبك انت مريض.. كلبك بي شي..

طالب: ولج نغم.. رح تموتيني كلبي يوجعني من وراج..

نغم: ليش شمر بلاك علية جايني مريض وتشكى..

طالب: اويلي على هذا ا****ن الي يشمر يمين يسار..

ولج خايبة احبج اموت بيج..

وانتي العوبة.. ويقلد حجي ويعيدة.. لاشمر بلاك علية..

ولج اذا صار بية شي اهلي ياخذون منكم فصل اني الجبير..

نغم: انت شنو جاي تخطب لو تحارب..

طالب: غير حجيج انتي موتيني صار ساعة اريد كلمة احبك ماطلعت من حلگج..

نغم: واني يمتة عرفتك عمود احبك هو انت جيت اولت البارحة ثاني يوم جبت اهلك خطبتني شوكت لحكت احبك واعشكنك..

طالب: شو گومي.. گومي ولج الكعدة وياج تگصر العمر انتي شنو بلوة.. سلام عليكم...

نغم: انتو الرجولة عدكم توگعون البنية وتشردون هي هاي حميتكم..

جان ماشي ووگف وابتسم..

زين حسيتي الحمدلله...

نغم:بشنو حسيت...

مو هسة تگولين شسمة توگعون الوحدة وتشردون يعني انتي حبيتيني وكعتي يعني..

نغم؛ لا.. طبعا ميلك هالحجي.. اني كلت توكعونة مو احبنك..

طالب: يارب منك الصبر الهمني.. والله خوش ولد ليش وگعتني بوحدة ماتخاف الله بية..

نغم:شوي وطلعني من ديني انت.. اني شحجيت..

طالب:هو هنا مربط الفرس.. انتي مدا تحجين صار 3اشهر سوا وانتي مانطقتي كلمة..

نغم: تريدني احجيلك الصدك لو اجذب عليك..

طالب:لا.. طبعا اريدج تحجين الصِدگ..

نغم:اني اذا حبيت احد مااحب غيرة واذا كرهتة مااتقبلة لو يموتوني..

وانت تريد بيومين اگلك رح اموت بلاك..

مااگدر اجذب.. مااگدر هذا طبعي الي بگلبي ع ل**ني.. واذا كتلك احبك مستحيل اكون كذابة..

طالب: يعني انتي ماتحبيني.. مو رايدتني..

نغم:اني ماكارهتك.. طالب كل شي صار بساع بس انطيني فرصة واني حااااسة...

طالب: اي.. گولي شنو الحاستة تجاهي تلاقت عيونة وقرب ايدة يريد يلزم ايدي خزرتةبس حاوطها..

اريد اعرف شنو الحاستة.. نزلت راسي..

نغم :قبل لايجون اهلك وتخطبوني كان موضوع الزواج عندي كابوس مااريد افكر بي..

وبعد ماالتقينا ورجعتلي الگلادة بدون ماتگول ولد عمي فرحت واك شعور جواية تولد محسيتة قبل ولمن خطبتني هذا الشعور كبر ورفضي للفكرة اختفى.. حاسة ب*عور غريب جسمي كلة يدغدغني حتة كلبي احسة فرحان وطول الليل يتكلب ميخليني انام وكل ماكالو اجو خطار اتخيلك انت وافرح..

ظل صافن بوجهي ويبتسم عمري مشفت رجال مثل جمال ابتسامتة.. وروحة الحلوة وشكلة هيبة ويترس العين..

نغم: شكلك سارح ودتفكر بموضوع اني اعوفك هسة وبعدين نتشاوف يلا تاخرت باي مع السلامة..

طالب: هههههه.. نغغغغغم..

انداريت علي.. وهو يصيح اسمي..

انتي تحبيني.. عرفت تحبيني..

طالب: رجعت بيت اهلي.. فرحان رغم نغم ماريحت گلبي بكلمة بس گالت كلام عوضني عن كل كلام الحب بالعالم.. حسيت بحبهة وارتباكها..

غالب: هاااا... طالب حمدالله ع سلامتك..

بعد نضيعك نلكيك يم بيت زيدان..

طالب: هو غير يصير الي بالي عمود ارتاح..

غالب: هم ليش تاخرو بالرد..

طالب؛ ابن عم ابوهة متوفي ولازم تطلع سنتة يلة عود يفتحون موضوع الخطبة والفرح.. وبنت عمهة هم واكفة زواجتها ع ها السالفة..

طالب: غير تخلص المهلة ولو اني احس ابن عمهة رعد الة ايد بالموضوع..

منو هذا رعد..

رعد ابن عمهة نغم الجبير وشكلة متحكم بالعائلة كلها بس اعرف شون احصل الحجاية منة دبارة يمي..

شلون يعني..؟؟؟

ربة ومعبودة الفلوس والمركز عسى مايصعد ع راس اخو.. واني ذولة الناس اكرههم ومااحترمهم ابد..

وشرح تسويلة.. تنطي فلوس..

طالب: خل تخلص المهلة واذا طلعو حجة ثانية ادخل بس لازم اخذهة للبنية اخذهة..

غالب:متكلي شسوتلك هاي البنية مو البنات مسطرات واخت سمية هم موجودة..

طالب: سمية شنو رافعة خشمهة مااعرف ع شنو.. تكولبس هي جاية من بغداد..

انت مشايف اخوك وگع.. وگعة.. بس الله يدري بيهة..

وحدة گمر نازل من السما لا وامهة انكليزية وعندك الحساب..

وعدهة مجموعة اشياء خبلتني..

لا انت واكع ومحد مسمي عليك..

يوم الالك غالب.. وتلكى بنت الحلال التستاهلك..

ياهي الترضى بية واني هيج....

طالب؛ لاتگول هيج.. بس اشر واني اجيبلك احسن وحدة..

غالب : بعد هالعمر منو ترضى بية نفرح بجهالكم انتو... البركة بيكم..

يلة خوية الله ينولك الي بالك.

امين.. غالب.. امين..

اكثر شخص احبة واعزة هو اخوية غالب.. وهو اخوية ش*يقي من ابوية وامي.. كلبة ماكو اطيب منة.. بس للاسف بنهاية حرب الثمانين.. ض*بة القطار وصار عندة فطر بالجمجمة.. ولان الناس خافت تنقلة لان بلبسة العسكري صار عندة مضاعفات وشكل عندة صرع بسبب ال**ر الصار بالجمجمة ولازم ميتاذى ولايتعب ولا ينض*ب لان ممكن يروح بيهة لهذا ابوية سلمة شغل الادارة وهو يوزع اجور العمال ويراعي امور البيت لان ابوية عندة زوجة ثانية.. وعندي اخ اسمة عمار واختي الصغيرة بزر الكعده شهلة.. علاقتي بعمار مو قوية مثل شهلة طبعا بسبب رسمية مرة ابوية الي دايما تحاول تزرع الف*نة بينة لان هو ابنهة الجبير.. وغالبمو منافس بالع** جنت احسه تعدلة ايام ع بالهة تورثة بت فخري.. استغفر الله..

وهو الوحيد بينا متزوج وعندة بنات اثنين.. اموت عليهم.. واعتبرهم اكثر من بناتي..

عمار.. عندة شوي زينات بشخصيتة بس للاسف امرة بيد مرتة وامه..

ربى وجنى... هلو عمو.. شونك اشتاقينالك شجبتنا..

يمة فديت رواح حبيباتي.. مشتاقلكم كومة.. كومة حبيباتي..

ياملاعين بس همكم شجبتلكم هسةابدل واشوفكم..

سمية: طالب كم مرة كتلك لاتحضن البنات وتوك جاي من الشارع.. غسل وبدل وبعدين احضنهم ع كيفك..

طال؛ هلا.. بمرة اخوية.. ليش شايف*ني لابس ملابس شغل... جاي ملابس الكلية..

ولو هدومك كلها جراثيم وميكروبات وهسة ينقلن للبنات حقك مادرست الدراسة درستها عمود تعرف..

....

طالب: احجي بگلبي اليسمعج يكول مخلصة طب ميعرف مخلصة زراعة..

ام الدراسة..

سمية:سمعت عيني.. ميفيد واللع خل عمار يحجي وياك..

طالب؛ يحجي بشنو.. جهال اخوية وركضو يحضنوني.. اكللهم انتظرو.. اغسل وابدل عمود احضنكم..

والله شنو يتمرضون..

يابةخل يتمرضون هيج ولايصيبهم غير مرض..

سمية؛ شنو قصدك؟؟

طالب؛ تجاهلتهة لان تحب تسوي مشاكل سبحان الله وارثة طبع خالتهة رسمية...

رسمية: هااا.. خير جيت طالب وجبت المشاكل..

طالب:استغفر الله ربي...

عفتهم ورحت غرفتي.. نمت وكل بالي يم نغم هي هم تفكر بية مثل ماافكر بيهة..

اووف ربي عجل ف*جك..

رسمية؛ هذا شبي ابن فطيم..

سمية؛ خالة خبلني يجي من الدوام يحضن الجهال يجي زرع ياخذهم ويا..

ترة اني حيل ضايجة انتي شون ساكتة

متحجين.. كاعده انتي وضرتج نفس البيت لو مكانج فلا اقبل..

رسمية: مو بكيفج ولا كيفي..

ابو طالب رجال قافل ومن زوجني گالي هذا الوضع تقبلين تقبلين ماتقبلين ماعوف اهلي وماعوف لحمي.. وتحلفت الهم.. بس افوت البيت اكلبة صارت مشاكل وبدون فائدة.. كعدت وسكتت..

عمار؛ احسن شي سويتي يمة..

رسمية؛ هلا يوم الله يساعدك..

عمار؛ اليوم تعبت هواي.. يعني هذا البيت كلة براسي ابوية اصعب الأشياء شامرهة برگبتي..

سمية؛ وغيرك گاعد ومرتاح وكاعد يعيش قصص حب..

عمار: يوووم كليلة لاابوية يخف علية شوي ترة اني مو عامل عندة ابنة اني.

رسمية؛ اي يمة حگك لازم ابوك ينطيك امتيازات.. ع تعبك..

ابو طالب؛ ع شنو انطي امتيازات ع خيبتة..

عمار؛ اجة ابوية..

رسمية؛اشرت لاابوية يسكت ميرزلني كدام سمية..

ابو طالب؛ امتي لاتاشريلي خل يسمع هو ومرتة حاطاتة بنصجن وكاعدات دفعن بي وهو س بيكم ماكدر يصرف محصول طماطا التعبان ابو الامتيازات..

اني صوجي ادفعلك بدل ع شنو مااعوفك تتمرغل بالجيش بلكي صير رجال..

عمااار؛ ياااابة... اشر اخف عمود مرتة..

َوانتي سمية دفعي رجلج اكو رجال فلاح يكعد ب10

وكاعة عايفيهة للشغيلة..

سمية؛ عمو زوجي مو فلاح.. اني زو..

ابو طالب؛ لا فلاح وابن فلاح ولاتعوجن حلوگجن انتي وخالتج...

محد جبرجن تجن عالفلح جان اخذتن من ثوبجن موو...

رسمية؛ عيني ابو طالب شلازمة هالحجي الولد تعبان وديشكيلي اني وزوجتة..

وع شنو هو حريمة يشكيلجن مايستحي..

عمار؛ اني رايح انام...

ابو طالب؛ عفية دير وجهك وروح نام مستقبلك سايق مخدة.. ولك خايب مالك اذا ماتحرص علي يطير يخلص..

سمية راحت ورا رجلهة..

ورسمية بدت تلوم ابو طالب وهو يوبخ ابنة..

انت تتقصد تهين ابني.. كدامي وتقلل من شأنة..

ابو طالب؛ خبلني ابنج خبلني لادراسة نافع ولا عسكرية ولاشغل هذا شون رح يدير حلالة اذا نايم 24ساعة..

رسمية: شتريد من الولد 24ساعة تضغط علي. عوفة ليش تفرق جهالكهذاك طالب كاعدلي يفرفر بيت صديقة مكتلة شغل..

ابو طالب؛ انتي ظلي حطي بالة اخوتة عمود يكرهم..

ولج طالب بوكفة منا العمال تخلص شغل والمحصول ينباع..

ويدرس ويركض لعمومتة ومداري بنات اخوه.. كافي انتي تزرعين براس ابنج هاي الافكار باجر اذا متت هذا يخلص فليساتة ويگعد يجدي من اخوانة..

رسمية؛ انت گلتهة.. يجدي من اخوانة عمار فقير ومسكين..

اكتبلة الكاع واخوانة شطار يدبرون امورهم..

ابو طالب: معاذ الله.. اسكتي يامرة تريدين تالي عمري افرق بين ولدي.. هو هذا حلج للامور.. اعرف ولدي اسباع بس مو اني الي اخالف شرع الله كل واحد ياخذ نصيبة.. هاي اذا متت اني..

فطيم: **الله عليك ابو غالب ان شاء الله عدوينك...

ابو طالب؛ هلا ام غالب شونج طالب رجع..

اي رجع.. وصعد ينام يگول تعبان..

ابوطالب؛ كليلة يخفف زياراته لبيت ال زيدان ميصير هيج.. لازك يمهم هيج يكبرون علي..

ام طالب؛ شنسوي ياابو طالب ترة حجي بينة طالب هو هاوي البنية ويريدهة..

والفائدة شنو رايح جاي وهم يكبرون علينة.. خ يعوفهم.. لحد مايردون خبر..

هذا الحجي كولة لاابنك اني مالي دخل..

رسمية: ليش ابنج ناوي يخطب.. منو هاي بت اختج..

فطيم: لا وانتي الصادكة بنية حبها ورايدها..

رسمية؛ ليشابنج منو تاخذة..

فطيم؛ ماارد عليج اخاف من الحسد.. باجر اذا جتي جنتي وتشوفيهة الة تموتين قهر..

رسمية: ليش عيني.. شونهةجنتج..

فطيم؛ اول شغلة البنية امهة انگليزية.

وهي وارثة جمال امهة بياض ع عيون زرك وشعز اسود طويل وسرح..

ياااا.. هاي وين لگاها..

فطيم؛ نيتة الطيبة هي الجابتهة.. بنت ناس اوادم ومن ثوبنا..

ابو طالب:رح تظلن تتناگرن روحن حضرن الغدا.. يعني يكلك الواحد يزوج وحدة يرتاح ويستقر.. اني مزوج اثنين ماشفت راحة..

طالب: شونك حجي.. لازم ناوي ع زواجة ثالثة.. گول عمود نسوي العرس نفس اليوم...

ههههههه.. شونك يابة منو مضوجك..

ابو طالب؛ هلا بوية حمدالله ع سلامتك.. استلمت نتيجتك..

اي يابة الحمدلله تخرجنا.. والحمد لله..

ابو طالب : عالخير يابة شايف كل الخير..

اريدك تتفرغلي لكاع حميدان..

اعتبرهة كاعك..

تسلم يابة الله يخليك النا.. ويطول بعمرك راسك ابوسة..

سمية : هيج الحجي طالب ماكل عقل الشايب المخرف وطالب يكوش عالخير كلة وذاك المطفي نايم اروح الحگ علة هالمصيبة..

عمار.. عمااار... اكعد عمار.. اكعد الحگ عالمصيبة الجايتنة..

عمار؛ عوفيني سمية عوفيني بحالي..

تعبان خليني نايم..

ولك يانوم.. اكعد ولك شوف ابوك شيريد يسوي..

عمار؛ شكو.. شسامعة..

سمية؛ ابوك رح يسجل الكاع بااسم طالب..

كعدت فاااز.. شنو.. شمدريج.. مين سمعتي..

ابوك كال لطالب.. سمعتة بأذني التاكلهة الدود..

عمار: مستحيل ابوية ميسويهة..

سمية؛ ليش ميسويهة هو من زمان يفرق بينك وبين طالب هو ابنة المفضلة ع الكل...

عمار: خرب بالحظ بس لو اعرف مين يجيب الحظ هذا طالب..

سمية؛ عوفك من هالحجي.. عمار لازم متسكت هاي فلوسك وفلوس جهالنا..

عمار؛ ياجهال.. ياسمية بناتي اولهم وتاليهم يروحن لرجالهن فلوس ابوية تروح للنسيب خ تروح لااخوية احسن..

سمية؛ عمار.. جوز من فطاريتك هاي طالب رح يزوج والي رح تجي رح تاكل عقلة ومتخلي لايشوف حق ولاباطل..

عمار؛ طالب رح يزوج منو..

سمية؛ مااعرف وحدة من العرب يكول اخت صديقة..

عمار؛ خلص ليش خايفة هي رح تجي مثل خالتي فطيم وحدة ع نياتها وجبيرهة طبخ وفلاحة.. شكو مكبرة الموضوع..

سمية؛ رح تخبلني انت.. كافي برودك اذا بقيت هيج ياعمار اخذ بناتي واروح..

واني حذرتك بعد..

عمار؛ اهووو .... جكد دورين مشاكل.. مو يزي عاد يومية زعلانةرضيانة.. ميصير هيج... ميصير..

سمية؛ كوم سويلك حل اني حامل هسة يجيك ولد ويشيل اسمك ولازم تحضرلة حياة قبل لايجي اذا ابوك ناوي يسجل كاع خل يسجل واحد من المشاتل بااسمك هيج تضمن حقك والباقي عود يتوزع بعد ما...

اوگفي حدك تفاولين ع ابوية كدامي ان شاء الله ابوج.. بنت....

سمية: تغلط ع ابوية يلي ماعندك شخصية والمي يمشي من جواك باجر عگبة طالب يشغلك عامل عندة..

عمار: ماحسيت ع روحي شون ض*بتهة..

سمية؛ تض*بني.. والله ماابقالك بالبيت وخل ابوية يشوفك شغلك..

ياابن...

تغلطين ع ابوية.. بنت... زين ملفيج اني ياكلبة....

ابو طالب؛ خير.. شكو هاي صوت اخوك ومرتة..

طالب؛ والله يايابة الله يساعدة علي عندة..

وين امك وعمتك...

هااا.. هذا عمار...

ابو طالب؛ شبيك يابة ليش صواتكم طالعة...

عمار: يااابة متعوفني بحالي..

طالب.. روح اطلع ورا اخوك شوف شبي..

فطيم رسمية.. تعالو شوفو شكو صار..

رسمية: خير شبي ابني ومرتة عين وصابتهم والله..

فطيم؛ متخلص مشاكل سمية ابد..

روحي شوفيهة..

فطيم؛ خلي خالتهة تحجي وياها مو ناقصة طول ل**نها هسة تشوف الشغلة تافهة مثلها..

طالب: عمااار.. عمار انتظر.. وين رايح..

عمار :جهنم.. تاخذني وتخلصني منكم..

تعال اصعد ويايا..

مااااريد...

تعال اصعد.. خ نروح نرتاح مكان واحجيلي شبيك..

يلة اصعد...

حااااضر...

رسمية؛ شبيج ياسمية شبيج.. توكم كل شي مابيكم شجاكم ليش تعاركتو.

سمية: ابدا.. خالة جنت دا اكلة احجي ويا ابوك.. ليش يسجل كاع بااسم طالب وانت لا.. لو لان يفرق بينك وبين اخوك..

رسمية: حسين يريد يسجلالكاع بااسم طالب توة يكول حرام مااسوي وافرق بين جهالي..

شون انتي متوهمة..

والله خالة سمعتة بااذني يكلة طالب دام تخرجت الكاع الك ملكك..

رسمية؛ اني الة..

خالة اني رح اروح لااهلي عمار هاني وض*بني..

رسمية؛ دقيقة بس..

ابو طالب... ابو طالب..

فطيم :جتي شعيلة الثانية.. تقرا براس الحجي..

حسين صدك ناوي سجل الكاع بااسم طالب وابني مالة شي توك تگول استحرم.. شو هسة تغير الحجي اعرف... فطيم وابنهة مو سهلين وتالي نصفى بالشارع..

ابوطالب: ولج ياكاع ياصخام شكالتلج هاي..

الكاع الي كلت لطالب تسجلهة بااسمة..

ابوطالب:استغفر الله.. كوليلهة بنت اختج خ تبطل عادة التصنت عالابواب..

وتفهم السالفةعدل..

رسمية؛ وشنو السالفة بلة فهمني..

ولج كاع حميدان تعرفيهة..

رسمية:اي.. هاي الكاع البور اخذتوهة..

اي هي.. صار ثلاث ثلاث سنين نزرعها جت وعلف للح*****ت وهالسنة رح نزرعها ولازم رجال يراعيها ويوكف فوك راس الفلح لهذا اختاريت طالب اعرفة حريص وكدهة..

رسمية: صدك هالحجي يعني..

قابلاجذب عليج اني ماافرق بين ولدي لو ع كص رگبتي..

ووكت مااموت عود خ يقسمون ع كيفهم..

فطيم؛ لاتگول هيج ابو طالب عمرك طويل..

ابو طالب: تعبت فطيم من المشاكل هاي صار كم سنة نفس المشاكل مااتغيرت..

وكاعد تزيد..

بس الغيب مو بالنسوان العتب عالزلم هذا عمار لو رجال جان وكف مرتة ولزمهة حدهة.. بس وسفة عالزلم..

فطيم؛ قابل شيسوي يا حسين.. الولد هم خطية تعب منهة والله ورطتو بهالزواجة..

هسة دتحجين فطيم عندة بنتين والثالث جاي بالطريق..

طالب؛ يلة تعال ننزل بالقهوة..

عمار: مالي خلگ.. طالب فكني دخيلك..

طالب: شصاير شكو بينك وبين مرتك..

الصاير مو مرتي الصاير اني تعبت.. تعبت ابوية كايم كاعد يعيرني ييك شوف طالب سبع طالب هاي مدبرهة انت صيح طالب طالب ميخسر طالب ميرسب وتالي خسرت حياتي واني اريد اقنع ابوية يغير رأية ماكو فايدة..

طالب: يوو.. انت شايل بگلبك ولك ليش يااخوية هذا الربح والخسارة النا كلنا..

وانت الله يسلمك ماشي ورا النسوان..

عوفهم ذني يهجمن بيوت..

لاتسمع الهن اطيهم الاذن الطرشة.. بعدك بااولك تتعلم الشغل وتصير احسن مني..

عمار؛ حلم خوية حلم.. دامك موجود اني ولاشي ابوية رح يظل يفضلك علية..

والكاع الي سجلها بااسمك كافية..

ولك ياگاع..

.........

نغم: يوووو.. طالب.. حياتكم مو اسهل من حياتنا..

طالب؛ قهرني نغم.. كاني حسيتة يگولي اتمنى لو تموت دااخذ مكانك..

نغم: **الله عليك طالب لاتگول هيج..

وتالي شون صافيتو..

طالب؛ مااتزاعلنا.. بس كلماتة ظلت تدك بكلبي..

نغم؛ انسى طالب اكيد جان عصبي وحجاها.. وتالي مرة اخوك رجعت لو بعدهة زعلانة..

جانت ولادتها قريبة ودزو علينا..

ورحنا..

نغم: ياااا.. جاكم طفل..

لا والله جتي طفلة..

يعني عمار صار عندة 3بنات..

نغم :خطية مسكين..

ليش مسكين..

يعني البناتكثرتهم مامرغوبة.. والي دا اشوفة اني وخواتي حياتنا صعبة..

طالب: ليش اكو شي..

نغم؛ طالب تاخرت وهسة رعد يدور حجج من ساعة ما جدي انطاكم جواب..

انتي ليش حاسبتلة حساب الي لازم يدخل هم اخوانج وهم راضين..

خير نغم احجيلي بعدنا عالبر خاف انتي مجبورة علية ورايدتة ل....

نغم: انت جنت واگف وسمعت الي گلتة الة..

طالب: شفتج.. انتي انطيتي وعد..

نغم: ياوعد.. احنا من جنا صغار والناس والاقارب يگولون فردوس لرعد.. وعبالنا يجي يخطبهة بس هو.. وااااحد...

طالب؛ اني اعرف هو يشتغل مخبر..

نغم؛ تعرف..

اني خايفة سكتة وراها مصيبة..

وعيونج مايگدر يسوي شي اني دزيت علي جماعة وسكتو ميكدر بعد يتنفس..

صدك طالب.. ريحتني..

طالب؛ يابعد روحي ارتاحي دام بية نفس محد يگدر يطخج..

لارعد.. ولاغيرة..

ان شاء الله اسبوع الجاي نعقد عقد شيخ وتصيرين مرتي وراها بسرعة تصيرين مرتي واشبع..

نغم؛ طاااالب... اني رايحة شكلك رح تدخل..

جرني من ايدي..

صح اني بيني وبين رب العالمين عادج مرتي بس مو من عادتي امد ايدي الا على حلالي..

يلا امشي اوصلج قريب.. واروح..

نغم: طالب هسة يشوفونة..

طالب: والله اكدر امشي وافوتج بيتكم بس احترام لااهلج مااسويها بس ورا مصيرين مرتي اشيلج واكللهم مرتي محد الة علاقة..

نغم: جان هذا الاسبوع اطول اسبوع وبيوم ال*قد.. الي سوينا قبل عقد المحكمة..

جنت خايفة خووووف مو طبيعي خايفة من هدوء رعد.. وخابفة من تهور طالب.. الله يستر مابقى شي واتحرر من هالسجن..

فردوس: بعدج كاعدة يلة كومي..

نغم؛ لييييش..

فردوس؛ دنروح للصالون ام طالب كالت لازم تروح للصالون عمود يشوفنج نسوانهم..

نغم؛ شيشوفون.. اني رح البس فستاني واطلع..

فردوس؛ ولج عوبة مشتريلج بدلة سمائي تخبل..

ومصرة تروحين للصالون رح ياخذج رعد واني وام طالب..

نغم؛ رعد شكو بالموضوع.. اخوتي وينهم..

تعرفين اخوتج يتخبلون من هالسوالف..

ورعد عندة سيارة.. مقبل طالب يشوفج قبل ال*قد..

نغم؛ معلية مااروح ويا.. اني كارهتة كره ا***ى شنو يروح وياي..

فردوس؛ خلص حبيبتي خلص انتي خلصتي منة ورح تزوجين طالب..

يلة حضري روحج مبقى وقت وانسي هذا يومج..

نغم؛ فرررررردوس..

يلا ماما يلة لاتضيعين هذا اليوم بالخوف..

ام طالب: هااا.. نغومة حبيبتي ببعدج يلا دنلحك ع الصالون اريد تطلعين احلي عروسة خاف منكدر ناخذج من بيتكم.. عالاقل نفرح اهلج بهالمناسبة..

نغم؛ ماااشي خالة.. ماااشي..

اكثر مكان كرهتة هو الصالون كومولي كوووم مااشات ويجرون ب*عري.. ومكياج فردوس وصت ام الصالون ميكون طوخ عمود رعد ميحجي...

كملنا بعد ساعتين وام صالون تجر واني اعيط.. مامتعلمة..

اخر شي جابولي البدلة باوعت عليها عزة شنو هالفتحة..

ماالبسهة..

فردوس؛ انتي شطالع براسج.. اليوم كلة كاعد ترفضين..

نغم؛ شون البسهة واصعد بالسيارة وطالب يشوفني لااا عيب...

صاحت بنية بالصالون..

تستحين لايشوف فتحة ص*رج باجر عكبة يشوف كل شي..

عگدت حواجبي شنووو.. فردوس هاي شدا تحجي..

فردوس : معليج حبيبتي لبسي وهسة لبسج الجبة فوووك محد يشوف..

يلا ماما..

صعدت بالسيارة..

رعد: منورة بنت عمي.. طالعة گمر...

عصبني وهو يحجي هالكلمتين بس حاولت اضغط ع اعصابي من طلب من فردوس تحط الغراض بالصندوق عمود يختلي بية وام طالب تحاسب..

نغم: شكرا الك.. اعتقد طالب وصاك.. ع شي وانت نسيتة..

رعد: ماناسيه.. بس وعد مني ماتروحين بعيد مصيرج ترجعين لااحضاني بمزاجج غصبا عنج..

ترجعين..

مردت استفزة واحجي ظليت ساكتة.. اذكرت حجي طالب.. مااضوج دبارة يم طالب اهدي نغم.. اهدي..

فردوس: يلا.. خ نرووح...

رعد؛ يلا ماعدكم شي..

فردوس؛ لا.. ماكو..

وصلنا للبيت واني بالي هواي افكار هسة يخ*فنا يكتلنا.. بس مسوة شي.. جانو اهل طالب واصلين نزلت من السيارة للاستقبال وجان مليان ناس كلهة تهلهل حسيت برجفة بجسمي وخوف وجهي صار احمر خصوصا من وخرو الجبة وظهري وص*ري كلة طالع..

استحيت حيل...

ام طالب: يلا بنات سكتو هسة السيد رح يسالج من ورا الباب.. تتزوجين طالب كولي اي...

نغم؛ حسيت دموعي نزلو من الخوف وجسمي كام يرجف..

سالني ومااعرف شون جاوبت واني ارجف..

شوي رجعوني مكاني وهلهلو.. وفتحو الباب فات طالب.. لابس قاط اسود وقميص ابيض ورباط احمر.. حلو كلش مثل ماشفتة دائما..

اول ماابتسم وانصدم من شافني هاي اول مرة يشوفني بدون حجاب.. ومشلحة..

كعد بصفي ومد اصبعة ع ظهري من فوك لتحت كانو كهرباء انمدت لكل اجزاء جسمي وانتفض..

فشلت..

طالب: ع كيفج.. هاي لمسة صار بيج هيج.. وجسمج كلة يرجف لو تنامين بحضني شون..

فتحت عيوني وهو يهمس بااذني..

وضحك ورجع مكانة..

نغم: شاورتة... شايف.. اذا حجيت كلمة ثانية اعوفك واطلع..

ههههه.. متكدرين.. انتي صرتي ملكي.. هسة اجرج واخذج للبيت..

نغم؛ طالب.. اسويهة واهرب هسة..

وين تهربين.. ماكو مفر من احضاني لج انتي بدون متلبسين شش وشعلتي عشيرتي انوب مطلعة هذا وهذا..

نغم: گمت ع حيلي وگف طالب.. ها نغم وين..

صحت فردوس..

فردوس: هااا.. نغم شتردين..

نغم؛ اريد انزع هاي البدلة..

ولج ليش حلوة تخبل..

مااريدها ضايقتني.. اريد انزعها..

طالب: مستعجلة تنزعين انتظري شوية.. اني انزعج باايدي..

نغم: فررررردوس.. امشي.. اريدانزع..

طالب: جريتهة من ايدهة.. وين رايحة برة الزلم كلهة واگفة انتظري خ نلبس النيشان.. وبعدين اشوف فاتو يلة تبدلين..

نغم: لعد اسكت لا تحجي ولا كلمة..

طالب: خرب عشيرتج.. ولج جننتيني..

نغم؛ طااااالب...

يلا تعاي كعدي..

يممممة جيبي الذهب خ نلبس..

فطيم: حاضر يمة.. جبتة..

رسمية: باعي شهلة شوفي حظ اخوج.. لج هاي شون.. قبلت بي..

شهلة؛ ليش شبي اخوية قاصر.. فدوة العينة يخبل...

اكلج يمة اني رايحة للحمام..

شسالفة الحمام الي تتحججين كل شوي بي..

شهلة؛ شون يمة.. تحسبين علية روحة الحمام..

جانت شهلة تطب وتطلع عمود عزيز يشوفها متعرف عزيز يعشقها ويحبها بس مامعترف الهة..

عزيز: صحت واحد من الجهال كتبت رسالة ودزيتها شهلة مو گادر كل شوي اشوفها وهي تبادلني نظرات.. ومااتقدم خطوة...

هاك علاوي انطي لهاي البنية هاي الورقة

وشنو بيهة هالورقة..

انت شعليك ولك انطيهة ومالك علاقة..

معلية لعد مااروح..

انطيك 25دينار الخضرة ام الحصونة..

علاوي: انطينياها اول عمود اروح..

ماكو ثقة.. يلة هاك روح وديهم..

طالب: هاي الكلادة...

نغم ظل كل قطعة وهو يتغزل متت واني واكفة..

شهلة: اول التراجي..

طالب؛ اني رح اخ*فج ورا مااخلص.. ولج شطالعة والله بعد مااتحمل..

نغم: طالب.. شدسوي..

طالب؛ شسوي اخذ شوي من حقوقي..

نغم: عيب طالب.. عيب..

طالب؛ انعل ابو العيب..

يمة هاي رگبة لو مرمرة ولج باعي وين.. نز...

نغم: اسكت طالب كااافي رح اصيح..

شتريدين تكوليلهم رجلي يتغزل بية..

اني جكد غبي.. دخليهة زفة فد مرة ليش نطولها..

نغم؛ والله رح اوگع من وراك كافي كافي...

طالب؛ توكعين بحضني شفايتلي..

كملنا لبس الذهب راد يبوسني عفتة وطلعت..

لبست فستان وردي فاتح واكمام طويلة من اول ردت البسة.

و رجعت كعدت..

طالب؛ ارتاحيتي نزعتي..

بس شو اني اشتهيتج اكثر وانتي لابسة..

نغم:طاااالب كافي...

كافي خلصت العالم بدت تطلع..

اريد اخذ بوسة بس...

مااكدر، استحي ذولة نسوان عمامي والله يفضحوني..

طالب؛ وانتي شعليج بيهم انتي بنت ابو طالب هسة. شحدة يحجي وياج..

تذكرت حجي رعد وضجت بس ماحجيت.. مااريد صير مشاكل اني مرة طالب، وتهديدة عمود يخوفني..

طالب؛ اكلج نغم تعالي سلمي ع اخوتي وابوية واني هم اسلم ع اخوانج وعزيز..

نغم ماشي.. احط شال ع راسي..

طالب؛ مسحي المكياج اول..

فردوس؛ دعوفها ليش تبهذلها..

ابهذلهة هي احلى بلا مكياج.. يلا مسحي..

نغم افررراج اخيرا وجهي تعب خل امسحة..

حطيت جبة فوك فستاني ومسحت مكياجبي.. وفتت سلمت ع جدي وايوية واني مو منتبهة.. وطالب هم سلم ع اهلي، عمامي ووصل الدور لااخوانة

طالب: هذا غالب اخوج الجبير..

نغم؛ اكييييد..

غالب؛ الله يجازيج خير.. طالب حجالي عليج هواي..

تسلم شكرا..

طالب؛ هذا اخوية عمار..

حسيت بعيونة تعجب وحجي غير مفهوم كانها نظرة حسد..

ولاني اكثر شي اكرهة هو الحسدوالحقد..

كملت واستاذنت وطلعت. راحو بيت طالب واتفقو بين مايرتبون الغرفة نتزوج..

طالب؛ اكمل العشا ولحكيني لمكانة..

نغم: شدتحجي مااكدر.. كلهم موجودين..

طالب : طلعي من الشباك..

نغم : طالب مااكدر..

طالب: ينام الكل وتعالي مااكدر اروح اذا مااشوفج..

نغم؛ خلص احاول..

كان طالب انسان جامح ويحب ياخذ كل شي الةميخاف..

بيوم عرسنا.. جنت لابسة ابيض وشفت لهفة طالب وحجية علية.. وجان مستمر يحجي وياي وفرحان.. وبنص العرس باوعت ع رعد يضحك بهستيرية ورفع سلاااحة وكتل طالب.. وكع بين ادية..

للقصة بقية..

تحياتي...

نازك الملائكة