سجن بلا اااسوار

الكابوس

بقلمي نازك الملائكة

رعد لا.. لااا.. لااااللللللل.

فزيت من النوم ولازمة گلبي..

طالب: شبيج نغم شنو.. شفتي كابوس..

نغم؛ اني وين.. طالب انت..

حضنتة وبجيت.. خايفة..

شبيج نغم شنو شفتي.. شكو شبي رعد..

وياج..

باوعت حوالية الدنيا ليل واكو ضوة خافت جاي من ناحية بيتنا..

يمكن غفيت وطالب يمسد ع شعري..

كان كابوس بشع.. ظليت اخذ نفس واريد اطلعة من بالي.. مسحت دموعي..

طالب؛ نغم.. ممكن تفهميني.. حبيبتي شبيج.. انتي ليش خايفة ايدج باردة وجسمج يرجف شنو الصار..

نغم؛ طالب.. الله يخليك خلينا نتزوج بسرعة..

طالب: هلكد مستعجلة البارحة كلتي كل شي صار بسرعة..

نغم؛ طالب.. مااريد لاعرس ولازفة اخذني هيج خلينا نطلع منا.. اني خلص مو مو كادرة اتحمل ضغط..

طالب؛ اويلي يابة.. الحلو مستعجلل.. ولج انتي مرتي.. هسة ولازم اسويلج احلى عرس واكبر زفة اخلي العالم تحجي بي سنين.. عبالج اني گليل اني ابن حسين مسالم..

نغم: طالب.. انت ليش تعبني.. دا اكلك.. استعجل.. قبل لاااا...

طالب: شبيج نغم.. اني مشفتج هيج خايفة.. قبل شنو بس فهميني لاتحجين الغاز..

نغم: رعد يريد يخرب الزواجة.. هو گلي..

طالب؛ هو بيا حق يحجي وبعدين لو عندة شي مكالة من اول.. شبيج نغم خوفج ممبرر..

نغم: طالب.. انت متعرفة لرعد رعد مثل ال*قربة عمية متعرف شوكت تلدغك..

رعد: اذا حجة هسة كلهة تكب عليه بس ينتظر الوقت الي محد منتبه ويغدرك..

طالب اني خايفة عليك.. خايفة عليك من غدرة...

طالب: اويلي.. هيج الخوف يطلع الحب مرة وحدة..

خليج خايفة هيج.. احبج.. ولج.. باسني..

طاااالب.. مو وقت برودك وخرت ايدة الحاضنتني من ورا.. واني كاعدة ولافة ايدي حوالين رجلي من الخوف..

طالب: ولج هو شنو هذا تخافين منة.. والله لو مو اني اعرف الاصول جان مطلتة بطولة گدامج.. بس مو من شيمنا هيج..

بس دامج خايفة مااخليج..

رح ارجع بيتنا واتشاور ويا ابوية نسوي زفة وعرس عالسريع.. بس ارتاحي..

يلة فكي حبيبتي لاتخافين اني يمج.. اني زوجج سندج..

نغم: حضنتة خايفة يفارگني.. وسط الليل وظلمتة وصوات الليل المخيفة.. واصوات الارواح الي ماتت بهذا النهر حضنت طالب.. وانتظر شوكت تخلص هاي المدة واخلص من هالخوف كله..

طالب: يلا.. عدلي نفسج دا ارجعج..

نغم: طالب.. مو تتعارك ويا رعد هو يريدهة من الله..

دخيلك..

طالب؛ لا حبيبتي اني اعرف دبارة لرعد لاتخافين.. هسة اخلي مسوولة يشمرة مكان بعيد.. هيج خليج بالسليم...

نغم: فدوة لعينك طالب.. دير بالك ع نفسك..

يلا روحي دا اباوع عليج..

نغم: طااااالب..

هااا عيوونة..

رجعت حضنتة وبجيت خايفة مااشوفة..

وظل هو يضحك ومبتسم ولاكأنو سامع شي.. وطمني كعادتة..

همس بااذني.. يلة حبيبتي روحي.. ونامي واني حارسج بعين الله الي متنام انتي مرة طالب مو اي احد..

نغم؛ ماااشي..

دفعت الشباك وفتت لكيت فردوس تنتظرني.. ومتعصبة..

فردوس؛ لج.. وين جنتي بنصاص الليالي..

ابوية سال عليج كتلة نايمة..

ولج شون طلعين هيج متخافين واحد من ولد عمج يشوفوج وين جنتي..

نغم: ويااا طالب..

عزا العزاج.. نغم ولج تردين ت**رين وجهنا شعندج بنصاص الليالي ويا..

شبي وجهج بااااجية ولج..

سوووااالج شي.. احجي كولي..

نغم: يووووو.. فردوس طالب مسوالي شي.. بس..

بس شنو نغم ولج ميصير وين كاعدين وهو ابن عشاير ميعرف ميصير الديسوي..

عزا العزاج شافج احد...

لااا.. فردوس محد شافني جنت يم النهر.

يم نهر العار.. ولج ناوية ع خلاصج انتي.. شوفي نغم.. هاي اخر مرة اغطي عليج انتظري كلهة يومين تروحين بيت رجلج طلعي وانتي رافعة راس اهلج.. لات**رين وجوهنا..

نغم: مااااشي.. امر.. تردين شي ثاني..

شبيج ولج ليش تبجين دام طالب مسوالج شي وولد عمامج محد شافج شبيج.. شنو المكدرج.. حتة محسيت بفرحتج..

فردوووس.. اني رح احجيلج بس انتي لاتزعلين بس لازم تعرفين حقيقتة لرعد..

اعرف.. لاتحجيلي....

نغم؛ تعرفين..

اعرف.. بس شلج علاقة بعد صرتي مرة طالب ورعد ميگدر يحجي كلمة..

سمعت جدي.. يكول لاابويةطالب داز جماعة ع رعد عود اذا رافضينة عمود نحجي.. واذا هو عندة مانع هم يحجي..

ومنطيه فلوس..

وراجع للبيت كاتل سعدية كتلة مرتبة.. وكالب الدنيا..

اهل طالب مو سهلين..

نغم: انتي بعدج تحبي لرعد..

احبة.. هاي الكلمة معادت تناسبني خليت الحب الكم..

لاتخافين..

نغم: اني خايفة فردوس.. رعد اليوم هددني كالي متروحين بعيد شيقصد بحجية..

فردوس : اليوم شوكت هاي..

من صعدت بالسيارة وانتي دتحطين الغراض بالصندوگ...

فردوس؛ الحقير.. لاتهتمين هذا من حرگة گلبة هيج يحجي..

نغم: ليش هو هم عندة گلب هذا..

فردوس: جان عندة زمان.. بس كلمن عندة اسرار كلبت حياتة..

احنا لازم نتحضر ع زواج سعدية اليوم شافنج ماتن قهر.. وطلبت عنوان الصالون الوديناج علي..

عبالهن بالصالون ميعرفون القالب غالب..

نغم: فردوس.. انتي زعلانة مني..

فردوس: لا مزاعلانة..

نغم: لعد ليش حسيتج ضجتي مني وكرهتيني..

فردوس: اني جنت زعلانة ع روحي..

ع عمري الراح انتظر الي مايستاهل انتظاري..

زين سويتي ورح تزوجي طالب وتخلصين من هالبيت وشرورة..

نغم: فردوس.. نوميني ع ايدج مثل ايام زمان...

فردوس؛ يا رح تزوجين وبعدج فكر جاهلة..

نغم؛ اتمني لو ارجع صغيرة ومااكبر..

اتمنى ماافكر ولااخاف والعب ويا الجهال، واسوي مقالب بسعدية وهي تركض ورايا..

فردوس؛ اويلي يابة جگد حصلت كفخات من وراج..

نغم؛ بست ايدهة.. ربي ميحرمني منج سوسة..

فردوس؛ الله يسعدج ويفرحج بشبابج..

نغم؛ تسلميلي فردوسة طالب عندة اخ اكبر منة.. بعمرج تقريبا انتظري بس اختج تفوت ذاك البيت واجرج بسبعتي..

ونكوش ع بيت طالب..

فردوس؛ يومة.. منج بعد مادخلتي البيت وناوية تبديهة مشاكل وتكويش..

ههههه، يمعودة اني بوخة.. بلزمة من طالب نسيت كل شي..

عزا العزاج.. شسويتي ولج...

نغم؛ بس مثلنا كم لقطة من الافلام النشوفهة..

فردوس: شفتة هذا ولا يگعد راحة.. وكل شوية انتي كامزة..

نغم: باعي شسوة باايدي..

فردوس؛ الله يخزيكم.. غطيهة لايشوفوهة الولد...

حااااضر.. تأمريني امر.. ست الكل..

...........

مر اسبوع ع النيشان.. وراها اجة كتاب نقل رعد للكوت.. حسيت براحة مو طبيعية..

ونفذ طالب وعده الي..

وبدينا نجهز للعرس ولل*قد.. ونحصل موافقة لازم لان طالب ملابس عسكرية..

جان المفروض نزوج ويلتحق شهرين ويدفع البدل..

جانت اسعد ايام حياتي..

، وكل خطوة.. جنت اخطيها جنت احس اعتاب السعادة تلامس روحي وتحسسني بالامان.. الامان جان متمثل بشخص طالب.. جنت حاسة ويا كاني عصفورة طايرة بالهوا وماودي احط عالگاع مااخفي طباع طالب الخشنة وهو يعلمني الاصول واللازم علمني هواي اشياء مجنت اعرفها منحني الحب والحنان منحني القوة واني ويا احس روحي كبيرة.. حتة الزرع حجالي عنة وشنو يفكر ولازم.. حجالي كل شي عن حياتة.. من اجة للدنيا لحد ماشافني عمري ماحسيتة مضايق حتة لو مضايق مايبين.. خلصنا تجهيزات العرس تقريبا وطلعت الموافقة عمود نعقد محكمة..

وقبل يومين صاحني ابوية للديوان..

فردوس؛ نغم ابوية يريدج بالديوان..

نغم: شيريد ابوية عمرة مرادني بشغلة الا وجانت هالشغلة كتلة فدوة فردوس مابية حيل عگب باجر عقد المحكمة شااگلة لطالب..

ولج مامبين كتلة يريد يحجي وياج..

فردوس تعالي ويايا..

ولج شنو اجي وياج كبرتي وع وجه زواج.. يلا امشي..

اويلي يابة والله ممسوية شي..ليش يريدني..

السلام عليكم.. هااا يابة رايدني..

تعالي بابا.. تعالي اگعدي يمي..

حاضر يابة.. جيت.. خير ياربي..

هااا.. يابة هذا هو رح تروحين بيت رجلج..

هاااا.. يابة انتو الخير والبركة وانت تكول كلنا على هالدرب..

ابوعلي: اي يابة كلنا على هالدرب.. انتي فرحااانة.. مرتاحة..

نغم: هاااا.. يابة الحمدلله..

يعني طالب مقتنعة بي..

يابة بكيفك.. الي تشوفة..

عزا.. شدا احجي.. بلكي راد يخربها اموت والله..

ابو علي:يابة اني اعرف مقصر وياج.. ماشفتي مني شي.. واتاذيتي هواي.. ع عيني..

هسة.. رح تروحين واني مرح ا**ر بخاطرج الله يسعدج بوية..

واول مرة ابوية ياخذني بحضنة واحس بغصة ماعرفتهة بس.. وصاني ع نفسي ورجلي... وكالي خليج قوية..

حسيت وجع بص*ري.. كانو مرح يشوفني بعد..

فرحت حيل.. ابوية ورضا عني طالب وجهة حلو علية..

خلص ياربي غمضي عينج يا نغم عگب باجر اصير مرة طالب رسمي..

ثاني يوم الصبح طبكت سيارة شرطة كدام بيتنا واخذت ابوية واخواني اثنينهم الكبار..

حسيت بغصة بص*ري ذكرت تهديد رعد..

ساعتين رجعو اخواني.. وابوية لا...

خابرو ع رعد.. وكانو مصدوم طلب منهم اجازة ورجع..

الاتصالات وكتها جانت صعبة خصة الي ماعندة تلفون ارضي..

لليل اجة رعد.. وجايب جثة ابوية ويا..

واسمع صوت صيااااح...

من صدمتي طلعت.. وطلعو النسوان والرياجيل.. شفت ابوية شايلي اخواني..

ورعد مسوي روحة زعلان..

عفت كل شي وجلبت بخوانيكة..

كتلتة.. كتلتة يالنذل.. كتلت عمك ولك متخاف الله ماخفت الله رجال جبير تبهذلة بالمراكز.. الله ياخذك رعد.. ربي ينتقم منك ربي يطلع حوبتي وحوبة ابوية بيك..

مسوى اي ردة فعل وسوة روحة يبجي..

اجة اخوية علي ض*بني راجدي..

اسكتي.. ولج شتخربطين فضحتينا كدام العالم.. رعد مالة علاقة ابوية مات بسكتة قلبية..

سكتة قلبية.. لا مااصدك.. مااصدك ابوية مات مقتول..

ظليت اردد ويا روحي.. والطم ع راسي..

مرت ايام الحداد قاسية اقسى من برد الشتا.. شعور الذنب يقتلني اني التهيت ونسيت ابوية.. اخر مرة جان بل**نة حجي ماگدر يگولة..

طالب: انتي شعليج ياعمري هذا قضاء الله..

وليعلمج اني سالت ناس.. جانو ويا ابوج..

ابوج قبل التحقيق اغمي علي ونقلو مستشفى يعني قبل لايجي رعد..

نغم؛ كلكم لاتصدگوني گتلكم رعد عگربة متعرف شوكت تگرصك...

رح اموت.. طالب.. رح اموت كلة من ورايا راح ابوية..

كافي حبيبتي.. كافي.. الله يرحمة.. ادعيلة بالرحمة..

اخذني بحضنة ووگف وياي بااقسى ايام حياتي.. مرت اشهر ع وفاة ابوية.. حسيت رعد قوة اكثر وتجبر واخوتي كامو يخافون منة كانو يعرفون بس ساكتين خايفين ع روحهم وع جهالهم سعد هواي تغيرت تصرفاتة كام ميداوم مدرسة وانگلبت شخصيتة معاد هذا الشخص البريئ.. وكل شي يصيح ويتعصبميحترم طالب من يجي ويحاول يضايقة بكل الطرق..

مرت سنة تقريبا.. وصار لازم نحدد موعد جديد لل*قد رغم بعدني مقهورة والغصة بگلبي ع ابوية بس اختنكت ومعاد اكدر ابقى بهذا المكان..

بس اول ما فتحنا الموضوع ظل جدي واخواني يطلعون حجج.. مااعرف ليش احسهم كلهم تحت تاثير الابتزاز..

.......

اخر شي كالولة ماعدنا بنية للزواج ومثل مادخلنا بالمعروف نطلع بالمعروف..

طالب تصرف بحكمة ودز شيوخ ومعارف.. بس هم ظلو رافضين.. واني احس روحي مختنگة مو عارفة اخلص نفسي.. من هالسجن..

طالب: نغم.. اني نفسي خلص.. لازم نلكالنا حل.. انتي مرتي شنو ماكو زواج.. وروح بحالك..

ترة هم ميعرفون ويامن يتعاملون احنا بيت مسالم.. الي ياكل حگنا نسوي طشار..

شبيج نغم.. انتي ساكتة..

نغم: شتريدني اگلك ياطالب روح اكتل رعد ويرجعون اهل رعد يكتلون واحد منكم وصير دماية.. كافي الماتو دخيلك طالب..

طالب: يعني شنو نغم.. انتي راضية ع حجي اهلج..

نغم: ليش اني الي حق ارضى لو ازعل اني حالي حال هاي الدواب.. تاكل وتشرب ووكت ما يردون يذ*حوها ماياخذون رايها.. ياكلوها ويتحمدون ربهم عالنعمة...

طالب:نغم.. لااا.. مااريد تحجين هيج.. اني مااعوفج..

نغم: طااااالب..

نغم.. انتي تحبيني..؟؟؟؟؟

طالب.. روح بيتكم.. روح بداعة حبنا رووووح..

ولج وين اروح.. وحبي الج.. نسيتي.. نسيتي جكد حجينا وجكد سوينا هيج تكليلي روح شون تريدين اعوف گلبي واروح.. اي نغم گلبي يمج وماظني بيوم يرجعلي..

نغم؛ طالب.. بداعتي.. بداعتي طالب روح خليك عايش اني متت من زمان.. من ساعة مكلولي اعوفك مو بس انت.. الي دتتوجع اني دا اموت.. دا اموت طالب فدوة روح.. روح اذا تحبني روح..

ظليت ادفع بي.. ادفع بي واريدة يتحرك جان مثل الجبل مايهتز.. اخر شي جرني وحضني..

روووح.. روح بداعتي روح طالب يغدروك..

طالب: ولج.. ياهي اليغدرني اني جاي اخذ مرتي.. ياهو اليگدر غير اصفطهم هنا كلهم..

لج لو يظل اخر نفس بعمري اتنفسة وانتي زوجتي وع ذمتي مااعوفج لو يكصكصوني وصل.. ماااعوفج..

لو كان هذا الكلام بغير مكان وغير وقت وضرووف كنت رح اكون اسعد انسانة بالوجود.. لكن هذا الكلام لاوقتة ولامكانة وطالب فتح جبهة ويا رعد واهلي.. مالهة نهاية..

استمر الوضع شهرين.. مااتواجهت ويا رعد ولا مرة..

الا ليلة حرب 2003..جان نازل للحرب..

رعد: نغم.. دا اصيحج ليش متردين..

نغم: مالك علاقة بية رعد.. مالك علاقة..

رعد: اني رايح ماادري ارجع عايش لو ميت.. بس اريدج تعرفين شغلة..

اني الي الي عمرة ميصير لغيري.. واذا مصار معناها انسف المكان واللي بي..

وهذا درس تعلمتة من ابوج..

اي ابوج الرجال الفقير التقي..

نغم: لاتن** اسم ابوية بل**نك..

رعد: دايما الدنيا ماتبين غير الاسود.. ماتسالين نفسج ليش وصلت لهنا.. ليش اني هيج..

نغم: مااريد اعرف مو هامني..

رعد: لازم يهمج انتي رح صيرين مرتي..

نغم: بعيد عن عينك اموت ومااصير مرتك اني مرة طالب وبس.. وللموت رح اظل مرتو..

رعد: باجر نشوف يا بنت عمي.. تحبين نتراهن..

نغم: رووووح.. ان شاء الله روحة بلا ردة.. ان شاء الله مترجع..

رعد: رح امشيهة الج.. لااخر مرة.. وبعدهة رح تشوفين رعد ثاني.. وحبي الج ادوسة برجلية..

نغم: انت تحب.. انت عمرك ماحبيت غير نفسك.. مرات حتة اشك تحب روحك..

اكيد من جواك تكره نفسك كره العمى..

اكيد تحتقر نفسك.. وكو كادر تتحمل كوم الوساخة الشايلهة انت واحد خنت عائلتك.. هذا لبسك ووطنيتك المزيفة كلها من اجل هدف واحد المركز المقام نسيت مقامات الناس مو نجمة شايلهة ع جتافك خلي بالك باجر ينجر الكرسي من جواك..

رعد: والله صايرة تحجين حجي اكبر منج ولج اني محد يكدر يهزني اني جبل.. جبل ماينهز..

نغم: الله موجود.. والايام دول..

رعد: احتفظي بكلامج لروحج..

خلال ال22يوم الي جانت حرب وانقصفت اغلب الاماكن اهلي نزحو لمنطقة ثانية.. وضاع الاتصال نهائيا بيني وبين طالب..

وظليت اني بالي علي وهو بالة يمي الا ان اجة فد يوم ولگاني..

وجانو اهلي بوضع يرثي اليه..

تحولنا لاارضهم وحسيت الخلاف انتهى بين العائلتين.. هذا كان ظني.. وصرت قريبة لطالب.. وجنا ننهزم وكت مايخف القصف...

شوفني الارض الي ناوي يبني بيتنا بيها..

طالب؛ باعي نغم هاي كاع حميدان هاي ارضنا ارض عمار وغالب حتة بنات عمار باجر عكبة بس يصير عندي ولد ازوجهم بنات عمهم.. مااريد يروحون لغربةويبهذلوهم..

نغم؛ حيلك حيلك بنات عمار كبار.. شيلحكون عليهم..

طالب : العمر مو مشكلة سيدتنا خديجة كانت اكبر من الرسول بعشرين سنة.. وجانت اكثر زوجاتة يحبها.. ابني..علي رح يكمل بعدي ويزرع هاي الكاع ويكبرهة.. اوعديني نغم اذا متت..

نغم: انت ليش تحجي هيج.. ترة حيل اكره سيرة الموت..

طالب؛ هاي وصية زوجج اسمعيها زين..

اوعديني هاي الكاع تظل واكفة وولد ولدنا يراعوها..

نغم: منو ضامن عمرة طالب احتمال اني اسبقك.. وتبقى وحدك..

طالب؛ اروح ازوج وحدة ثانية شيرادلها..

نغم: يااااجذاب.. ض*بتة ع ص*رة.. هيج كبل تزوج..

الحي ابقى من الميت.. واني اريد ذرية مسالم تكبر وتطش..

نغم: اگوم احسن الي.. صوجي مارايدة روحي وطالعة وياك..

طالب: هههنهه.. زعلتي.. ولج تعالي.. ولج اوكفي..

عوفني مالك علاقة بية..

تعاي ولج شنو مالي علاقة بيج..

ترة كاعنا بيها واوية هواي هسة يطفر عليج واحد..

نغم: يمممممة..

طالب: اي.. تعالي لحضن ابوج..

نغم؛ عوفني.. طالب.. عوفني..

طالب: ولج اني طالب.. وطالب الگرب منج..

نغم: لا طالب.. فدوة.. وين ماخذني..

طالب: اخذ حقي.. منج.. صار سنة انتظر..

نغم: لاتسوي بية شي.. والله مااسامحك..

اكو بيت داخل الارض... كعدني بحضنة.. وكعد يشم بية..

ولج اني ماااذيج اكو واحد ياذي روحة..

راح تفوتين من ذاك الباب معززة مكرمة ورح يض*بون طلقات.. فرحانين بجبيرهم الي نزف ع مرتة..

نغم: طالب.. انت شنو.. شسويت بية..

شسويت.. مسويت شي لاتتبلين علية..

طاااااااالب..

هااا.. عيونة..

اني احبك.. هواااي.. احبك اكثر من روحي وحياتي.. ربي مايحرمني منك.. ولامن صوتك.. ولا شوفتك..

طالب؛ ولايحرمني منج يااحلي واطيب بنت شفتها بحياتي..

ليش كم وحدة شايف انت..

يوووووو... هواي..

ياجذاب.. ياخاين... تعرف غيري..

ظليت اض*ب بص*رة وادفع بي وهو يضحك ومتمسك بية اكثر.. كانت هاي اخر لحظاتنا السعيدة مكنا نعرف شنو ظامنا المستقبل ولا شنو رح ياخذ منا..

صح المثل الي يگول لحظات السعادة تمر مرور البرق ويبقى الحزن هو المعشش ع گلوبنا.. انتهت الحرب وبغداد احتلت من الامريكان..

جنت فرحانة.. مو فرحانة لان بغداد سقطت، فرحت لان سلطة رعد سقطت جنت انتظر يومية هذا الباب ينفتح ويجون الامريكان يعتقلون رعد.. بس بالاخير انفتحت الباب واجة رعد كانة الفاتح وويا سيارات حماية وهو القائد وهو الي ضحى وجاهد من اجل الحرية..

يالة سخرية القدر مشكورة يادنيا مشكورة.. ع كل الوجع الدنشوفة وانتي تضحكين علينة بسكتة..

للقصة بقية...

?????????

لاتنسوني من فضل تعليقاتكم بليس عمود توصل لااكبر عدد شوفوني همتكم..

تحياتي..

#نازك_الملائكة