Kahit nanlalata ang buong katawan ay pumihit pa rin si Selena patalikod sa nakadudurog pusong senario.
"Selena!"
Mabilis siyang naglakad paalis. Halos magkandabali ang buto niya sa mga paa dahil sa walang ingat na paglalakad. May kataasan pa naman ang kaniyang suot na sandals.
Napakapit sa pader si Selena na nasa hallway ng hotel. Pakiramdam niya ay mabubuwal ang katawan niya kung walang mahahawakan para siya ay alalayan.
Walang hinto ang pag-agos ng kaniyang mga luha. Hinahabol niya ang hiningang parang lubid na nagkakandabuhol.
"Selena!"
Dahil sa narinig ng dalagang pagtawag ay ipinagpatuloy niya ang paglalakad. Determinadong patungo sa elevator. Sinikap niyang maglakad, kung mayroon man siyang makakasalubong, aakalaing siya ay lasing.
Walang lakas ang mga tuhod ni Selena. Nanging
