Nagdadalawang isip akong bumaba habang nakatingin silang dalawa sa akin. Mahahalata sa mukha ni Trace na higit na sa gulat ang kaniyang nararamdaman samantalang si Chino ay tila estatwang hindi gumagalaw.
Tama ang kutob ko. Siya at ang kalandian ni Sir Arch ay iisa! Kaya pala sobrang pamilyar ng boses niya. Kung hindi pa niya sinabing ako ang sumagot noon sa isang phone call, baka matagal pa bago ko matanto ang lahat.
“A-ako po, miss…”
Namutla ang kaniyang labi. May bahid man ito ng pinahirang lipstick, prominente kung paano rin ito nawalan ng kulay. Nangangamba na siya at kinakabahan, at hindi na niya iyon kailangang sabihin. Alam kaya ni Chino na magkakilala si Trace at ang dati niyang amo? May ideya kaya siya na magka-fling ang mga `to gayong pinagbabawalan umano ito ng magulang na m
