"Acutus..."
Hindi mapalagay si Vis nang mga oras na iyon lalo pa at wala si Acutus sa bahay ni Cael. Iba ang nararamdaman niya at iyon ang bagay na hindi niya maipaliwanag. Nagtatakbo siya nang nagtatakbo hindi alam kung saan patutungo mahanap lang ang lalakeng kaniyang sinisinta. Nakarating siya sa kakahuyan ngunit wala pa rin ito roon. Sinubukan niya ring magpunta sa abandonadong bahay na minsan niyang pinag-iwan dito at wala rin ito roon.
"Hindi kaya?"
Kaagad siyang nagtungo sa lugar kung saan ipinipiit ang mga nahuhuling nagkasala sa bayang iyon. Nagbabakasakali siyang doon niya makikita si Acutus lalo pa at alam niyang hindi ito mapapalagay hanggang hindi naililigtas ang kanilang mga kasama. Nakaramdam siya bigla nang pagkirot sa kaniyang dibdib nang sumagi sa isip niya si Nitidus.
