Acutus' POV
"Ginoong Acutus, tara baka gusto mong maglibot."
Napatingin ako nang biglang magsalita si Cael mula sa aking likuran. Kasalukuyan akong tulala noon habang nakatingin sa pulseras ng Iustatio. Hanggang nang mga oras na iyon ay hindi ko pa rin kasi matukoy kung paano gumagana ang lakas ng pulseras. Maging si Vis ay wala naman ding sinabi sa akin tungkol doon. Napapaisip tuloy ako kung talagang kinikilala ba ako nito bilang tagapagmana ng aming angkan.
"Pero, paano--"
Hindi ko na nagawang ituloy ang sasabihin ko nang may biglang iitsa sa akin si Cael. Isang capillamentum at damit na siyang sinusuot ng mga naroon. Pinagsuot din ako nito ng maskara upang maitago ang aking mukha. Napakabuti talaga sa akin ni Cael. Naalala ko tuloy nang iligtas niya ako. Hindi man lang ako nagkaroo
