"Anong nangyari dito?" Nanlalaki ang mga mata at gulat na gulat sila Immitis habang pinagmamasdan ang banging tila gumuho mula sa malakas na pagsabog. "Posible kayang may kinalaman si Acutus sa nangyaring ito?"
"Maaari. Hindi nalalayo rito ang kwebang marahil ay kanilang pinanggalingan." Naupo si Lux at dumampot ng isang bato na wari'y sinusuri ito. "Bago pa lang nangyari ang mga ito."
"Sa tingin mo, Ginoong Lux, malapit lang dito ang kanilang kinaroroonan?" tanong ni Immitis habang pinagmamasdan ang malamig na bayan sa ibaba ng bangin.
"Posibleng naroon sila. Sa itsura ng gumuhong lupa, maaaring nahulog sila sa bangin na iyan at doon pansamantalang namalagi," tugon naman ni Lux.
Hindi pa man napag-uusapan ng lahat ang susunod na plano ay tumalon na mula sa bangin si Iudex at nagpadula
