Ipinatong niya ang kaniyang bag sa lamesa na nasa labas. Ganoon din ang ginawa ng kaniyang mga kasama. Nanatili siyang nakatayo sa labas habang ang mga kasama niya ay nagsimula nang kumilos.
Si Martin ay abala sa pag-aayos ng mga gamit sa pagluluto, at matapos iyon, ipinatong nito ang dala nilang water jug sa lamesa. Inilalagay naman ni Jenny ang mga pagkain nila sa maliit na lababo sa loob ng nipa house.
Ang asawa nito ay nag-aayos ng mga upuan at lamesa sa labas. Si Renzy naman ay may bitbit na buko na nabili nito sa murang halaga. Kanina sa entrance ng beach, may nakasalubong silang nagtitinda ng buko na hindi pa bukas. Anim ang binili nito kaya nahihirapan ito sa pagbubuhat dahil mabigat ito. Sa hula niya, apat na kilo o higit pa ang timbang ng pinagsama-samang buko.
Pinagmasdan niy
