Isang maliit na ngiti ang sumilay sa kaniyang mukha noong nakita niyang sumampa si Jenny sa likod ni Gerod. Tumakbo ang lalaki papunta sa dagat habang mahigpit na nakahawak sa hita ng asawa para hindi ito mahulog.
Hinabol ni Martin ang mag-asawa habang may dala itong salbabida. Sumigaw ito para kunin ang atensyon ng dalawa ngunit hindi nila nilingon ang lalaki.
Tumatawa na itinaas ni Jenny ang kamay at pagkatapos ay ipinakita nito ang gitnang daliri para asarin si Martin.
"Naiinip ka na ba?" tanong ni Renzy kaya napalingon siya sa gilid niya.
Napakunot ang noo niya. Ang bilis naman nitong maglakad papunta sa kaniya. Kanina kasi ay nasa tabihan ito ni Martin. Siguro noong nakatingin siya kina Jenny at Gerod, hindi niya na napansin na tumakbo na pala si Renzy pabalik sa kaniya.
"Hindi
