Lumipas ang siyam na buwan. Kay bilis ng panahon. Parang kahapon lang muna noong umalis si Renzy ngunit ngayon ay malapit na itong umuwi.
Walang nagbago sa set up nilang dalawa. Walang palya itong tumatawag sa kaniya sa araw-araw, at video call naman tuwing day off niya. Malayo man sila sa isa't isa ngunit sa siyam na buwan na iyon ay mas napalapit ang loob niya sa lalaki. Mas nakilala niya ito dahil sa mga bagay bagay na ikinuwento nito sa kaniya.
Hindi niya na inaasahan na darating 'yung oras na mahuhulog siya sa lalaki.
Lumapit si Jenny sa kaniya at pagkatapos ay masaya itong niyugyog ang kaniyang balikat. Maliit na ngiti ang kaniyang ginawa habang pinagmamasdan ito.
"Ngayong buwan na ang uwi ni Renzy. Excited ka na bang makita siya?" tanong nito sa kaniya. Kinikilig na naman ito, a
