Sino ang babaeng tinutukoy ng ina ni Renzy?
Napabalik siya sa realidad nang biglang nag-snap ng daliri si Renzy sa kaniyang harapan. Lumingon siya at napansin niya ang naguguluhan nitong mukha.
"Tulala ka na naman, Myla." Bumuntong hininga ito.
Napaiwas siya nang tingin kay Renzy at mas pinagtuunan niya ng atensyon ang driver ng jeep. Hindi niya gustong tinignan ang mukha nito. Ayaw niyang mabasa nito ang iniisip niya.
"Pasensya na. May sinasabi ka ba?" tanong niya kay Renzy.
Tumigil ang jeep, sunod sunod na pumasok ang mga highschool student. Napalapit sa kaniya si Renzy dahil nagsimula nang mapuno ang jeep.
Muling umandar ang jeep kasabay nang muli niyang pag-iisip.
Kagabi niya lang nakita ang ina ni Renzy ngunit alam niya nang hindi siya nito gusto. Sa tingin pa lang na ibinibiga
