Chapter 39
Sana nga ako na lang.
Ayaw kong pangunahan si Gelo sa mga bawat desisyon niya. Naging mabuti siya sa ‘kin pati na rin sa anak ko na si Bless. Ayaw ko na kami ang piliin niya dahil ‘yon ang gusto ko pero dahil ‘yon ang gusto niya.
Napatingin ako sa kanya. Pasimple lang akong napangiti habang tinitignan ang pagkunot ng noo niya dahil sa mga asaran ng nasa harap namin na walang sawang nag-iingay.
Kanina nang tanungin niya ako at sinabing may gusto siyang ligawan, ayaw ko mang ipahalata pero gusto ko na maging selfish pero ayaw ko—hindi pwede. Malaki ang utang na loob ko kay Gelo. Ayaw ko na malungkot siya at isa pa, ang sabi niya sa ’kin ay gusto niya ako dahil sa kapatid ang turing niya sa ’kin.
“Mga walang hiya. Hindi niyo talaga kami hinintay bago kayo kumain?” bungad na t
