Chapter 38
“Akala namin, nag-iba na kayo ng daan,” pairap na bungad ni Kitty sa ’min nang buksan niya ang condo unit ni JC.
Mukhang kompleto na sila.
“Pasensya na. Late nagpalabas ang prof namin,” nakangiti kong sabi bago dumiretso papasok sa loob.
Si Gelo ay nakasunod lang sa ’kin at sa pagpasok ko, tumambad na nga sila. Lahat sila ay kumakain na, hindi man lang kami nagawang hintayin.
“Ang sipag mo naman kasi masyadong mag-aral, Norie!” sita ni Miley na tumayo para lapitan ako at yakapin. “I missed you.”
Napangiti ako. “I missed you too, Miley. Saka gusto ko talaga maging lawyer, ‘no, kahit nakakatamad magbasa ng sobrang kapal na libro madalas,” natatawa kong sabi bago binaba ang bag ko na may lamang iilan na libro.
“Hay, nako. Puro ka na lang aral. Hindi pa ba sapat na accountan
