~ CHELSA ~
MAY HUMILA SA 'MIN ni Nate patungo sa lagusan sa likod ng bumabagsak na tubig ng ilog. Kinaladkad kami ng bagay na biglang pumulupot sa amin habang nahuhulog kami sa talon. Tubig din ang loob ng malawak na lagusan, nakalubog kami ni Nate habang hinihila kami ng bagay na hindi namin alam o kung ano mang nilalang. Kapwa kami halos hindi na makahinga, at nakikita kong nahihirapan na si Nate. Wala kaming magawa dahil halos buong katawan namin ay nababalot, at kapag ginamit ko ang aking kapangyarihan ay maaring madamay si Nate sa masaktan.
Pagdilat ko, nasa malapad na bato na kami at walang malay si Nate. Nakagapos pa rin kami. Nanlaki ang mga mata ko nang malaman ko kung ano ang nakatali sa halos buong katawan namin at kung anong nilalang ang may gawa noon. "Sirena?" Nilibot ko an
