MABILIS kong tinapos ang paglilinis sa isang room ng hotel nang magtext si Nanay na nasa lobby kasama si Angelo. Isinama kasi ni Nanay si Angelo nang magpunta sa grocery at naisipang dumaan dito. Hindi ako umuwi kagabi dahil nag stay ako kay Sir Cohen. Inabisuhan ko naman si Nanay kagabi na hindi uuwi dahil naextend ang trabaho ko at ngayon ay gusto raw ako makita ni Angelo dahil namiss raw ako.
Matapos kong malinisan ang buong kwarto ay dali-dali akong lumabas at tinungo ang elevator. Pagbaba ko sa ground floor ay dumiretso ako sa lobby at nakita roon si Nanay at Angelo na nakaupo sa couch.
"Ma!" Tumakbo papalapit sa akin si Angelo. Natuwa naman ako at kinarga siya.
"Hindi ka na ba uuwi, Mama?" Sabi niya nang kargahin ko siya. Nakunsensya naman ako bigla na hindi umuwi kagabi gayong ma
