“CONGRATULATIONS,” masuyong bati ni Benjamin kay Julliana. He was so proud of her. Nginitian siya nito bago nito hinagkan ang kanyang mga labi.
“Thank you.”
Binuksan niya ang pinto ng kanyang silid at pinapasok niya ito roon. Kauuwi lamang nila mula sa grand opening ng gallery nito. Tinandaan niya ang araw na iyon at siniguro niya na bakante siya buong araw upang makasama niya ito sa pinakamahalagang araw sa career nito bilang artist.
Tumuloy ito sa loob ng banyo at naglinis ng katawan. Hindi nito isinara ang pinto upang marinig niya ang mga sinasabi nito. Nakita niya kung paano nito hinubad ang mga damit nito. He knew she was not teasing him even if her moves were a little sensual. Alam niya na nais nitong makipagkuwentuhan sa kanya habang naglilinis ito ng katawan kaya hindi nito isin
