HINDI mapaniwalaan ni Julliana na nasa Paris siya kahit may problema siyang dapat ayusin sa Pilipinas. Kasama niya roon si Pablo. Naroon sila para ilaban ang mga obra nila sa isang prestihiyosong art competition. Masuwerte siya dahil nakatanggap siya ng imbitasyon na sumali roon. Hindi niya alam kung ano ang ginagawa niya roon; alam naman niyang hindi siya mananalo sa kompetisyong iyon. Si Pablo ay malaki ang tsansang manalo ngunit siya ay malabo.
Noon siya nagsisi. Dapat ay hindi na lang siya pumunta roon. Dapat ay inayos na lamang niya ang problema nila ni Benjamin. Gusot na hindi niya alam kung saan nanggaling. Bago siya umalis ng Pilipinas ay malamig pa rin ang pakikitungo nito sa kanya. May mga pagkakataon na tuliro ito. Minsan ay tila napakalalim ng iniisip nito. Hindi na naalis ang
