Nagising ako nang maramdaman kong may tumapik sa aking paa. Kaya agad akong dumilat nang marinig ko ang boses ni Mama.
"Bella, gising na!" marahan niyang tawag sa akin at sa tingin ko mukhang kanina pa niya ako ginigising dahil sa sunod-sunod niyang pag-tapik.
"Bakit po, Ma?" naalimpungatan kong tanong sa kanya.
Kumurap-kurap pa ako nang tumingin sa kanya dahil nanlalabo pa ang mga mata ko.
"Bumangon ka na nga riyan dahil nasa sala si Mark. Kanina ka pa daw niya tinatawagan sa cellphone mo at hindi mo raw siya sinasagot!" may bahid na inis niyang sabi sa akin.
Sumilip uli siya sa may sala kung saan naroon daw si Mark at naghihintay sa akin.
"Nag-alala na 'yong tao sa 'yo, tapos ang sarap pa ng tulog mo! Ni hindi mo man lang narinig ang mga tawag niya sa cellphone mo!" dugtong niya p
