"Babe, sino ang mga iyon? Ano raw ang kailangan nila sa'yo?" tanong ni Mark na nasa likuran ko lang.
Sa boses pa lang niya, alam kong naiinis na naman siya. Alam ko na 'to, nagseselos na naman siya kina Darwin at sa pinsan nitong si Gwapong Manyakis.
Huminga muna ako nang malalim bago humarap sa kanya. Ngumiti ako ng peke para itago ang inis ko.
"Naiwan ni Mama 'yong sukli sa tindahan, babe, kaya nag-mamagandang loob 'yong dalawa para ihatid dito sa bahay," pigil inis kong paliwanag sa kanyan at pinakita ang sukli na inabot ni Darwin para maniwala siya.
Tumingin ako sa mukha niya nang magsalubong pa ang mga kilay niya tingnan ang pera sa kamay ko.
Hindi ko mapigilan na hindi mainis sa kanya dahil sa pagiging seloso niya na wala naman sa lugar.
"Bakit--?"
"Tara na, babe, kumain na
