Maagang nagising si Rosana kinabukasan. Hindi siya halos nakatulog sa magdamag, iniisip kung tama ba ang desisyon niyang bumalik sa probinsya sa lugar kung saan nag-ugat ang lahat ng sakit at pagsubok sa buhay niya.
Tahimik niyang pinagmamasdan ang kanyang mga anak habang mahimbing na natutulog sa manipis nilang kutson. Hindi niya alam kung saan sila titira pagdating doon ang sabi ni Rudilyn puwede sila sa bahay ng Nanay nito. Doon muna sila pansamantala pero maghahanap siya ng bahay nilang mag-iina. Ang mahala makapasok muna siya sa kapitolyo.
Mamaya ang alis nila pero kailangan niya munang pumunta sa office at pormal na i-abot ang resignation letter sa superior. Kahit siguro evaluate pa siya papayagan naman siyang umalis dahil idadahilan niya ang kakulangan sa sahod.
Marami silang b
