"Gusto mo yata akong gawing baboy niyan," reklamo ni Romir habang sinasalinan ko siya ng pagkain sa kanyang pinggang nasa kanyang harapan.
"Hindi ka raw kumakain ng maayos kaya kailangan mong kumain ng marami para makabawi ka," sagot ko naman.
"Alam mo naman palang hindi ako kumakain ng maayos, ni hindi mo man lang ako nagawang puntahan," kunwaring nagtatampo niyang sabi na naka-pout pa ang kanyang mga labi.
"Hindi mo alam ang pagnanais kong puntahan ka," sabi ko naman saka ako umupo sa kanyang gilid kaharap si Manang at nasa tabi ko naman si Rovi.
"Kumain muna kayo bago kayo magdramahan diyan," sabad ni Manang.
"I always see Mama crying everynight," biglang singit ni Rovi na siyang muntik ko nang masumid sa aking kinakain.
Pasimpleng napatawa si Manang, "That is love, Rovi dahil
