Ilang araw nang hindi nagigising si Romir at sa pamamagitan ng mga kaibigan ko, nalalaman ko kung kumusta na ang kanyang kalagayan. Gusto ko siyang lapitan pero hindi ko magawa dahil natatakot ako kay Mama Cathy, baka magalit siya kung makikita niya ako. Kaya ang ginagawa ko lang ay ang silipin siya mula sa labas ng kwartong kinaroroonan niya. Sinisikap kong hindi ako makita ni Mama para wala nang gulo. Sapat na akin ang masilayan siya mula sa malayo dahil alam kong nakikilaban siya, alam kong nagsusumikap siyang magiging okay.
"Naglasing kasi siya dahil hindi niya talaga matanggap na iniwan niyo na siya," naalala kong sabi ni Joey sa akin nang gabing naaksidente si Romir at kasalukuyan nang nakaratay sa loob ng hospital.
"Pinipigilan nga namin, away naman magpaawat. Dumating pa nga siy
