الحلقة 2 عريس الغفلة

1388 Words

- قامت لينا وتركت الطعام ودخلت غرفتها ولا تعلم ماسبب انقباضها من فكرة الارتباط بهذه الطريقة ولكن لديها حلم الفارس الذي سيأتي ليغير حياتها ويجعلها تعيش مثل بطلات الافلام ولن تعيش هكذا الا إذا تزوجت رجل يرى أنها تستحق ذلك وبالتأكيد الرجال الذين يتزوجون بهذه الطريقة لن يتزوجوا من فتاة تفكر بطريقتها وإذا تزوج أحدهم بها سيقتل كل أحلامها الورديه . استيقظت لينا من نومها لتجد اختيها وأبنائهم موجودين حيث استدعتهم امها واعلنت حالة الطوارئ في البيت من تنظيف وطبيخ واعدادات لاستقبال ذلك العريس المزعوم . - ما تدخلي تستحمي كده وتغسلي خلقتك دي عشان تنزلي تروحي الكوافير - مش رايحه كوافيرات أنا هظبط نفسي في البيت - مش تسلمي علينا باللي تض*بي - هو امك مديياني فرصة مستلماني على الريق ياشريبن - ماتسمعي كلامها يالينا حد يطول يروح الكوافير - مالك يا انغام ماتهدي عليا - ياشيخه دانتي كئيبة - لوكل واحد يخليه في حاله - ياختي انتي حره - مالك يابت ماتتلمي أخواتك خايفين عليكي - حاضر يا ماما - حضرلك كل خير ياروح امك اخلصي بقى وروحي الكوافير ياله - حاضر حاضر - يا. تيتا خالتو حلوه من غير حاجة - حبيب خالتو يا بودي - خلينا نرغي طول اليوم بقى خرجت لينا من المطبخ متوجهه للحمام لتستحم وتنفذ كامل أوامر امها للاستعداد لاستقبال العريس وخرجت متوجهه للكوافير ثم عادت للبيت فعلت كل شيء وفكرت قليلا ربما تجد ضالتها ربما يكون هذا العريس مختلف ربما يحقق لها ولو جزء بسيط جدا من أحلامها ، حاولت أن تكون مختلفة هذه المرة وأن تتفاءل ربما تضحك لها الدنيا . دخل عشماوي إلى المطبخ يرقص ويغني - اعمليله حلة محشي يغرق فيها مايطلعشي - تغرق في المالح يابعيد - ليه كده انا غلطان اني بغنيلكوا هههه - مفيش حاجة تتآكل ولا كله للعريس - لا يازين كله للعريس - أنا قلت كده برضوا يا عشماوي ولا حتة مكرونه بشاميل - لازم هو اللي يفتتح التورته يابني عايز الصينيه شكلها يبقى وحش هههههه - هو ده اللي انتوا فالحين فيه ولا كأني مخلفه رجاله لو كنت ربيت دكر بط كان زماني دبحته - العريس جاي امتى خلينا نخلص من حالة الطوارئ دي - بت أنتي وهي احبسوا عيالكوا في أي أوضة مش عايزة دوشه وزحمه في المكان عشان مايبهدلوش اللي روقناه ورتبناه طول النهار - حاضر يا ماما - مفيش واحده فيكوا تخرج والعريس هنا - ليه يعني هيخ*فوه مش اعرف رأيهم فيه - اتنيلي اسكتي أنتي يالينا هانم خلي يومك يعدي على خير - حاضر يا ماما هتكتم مبسوطة كده - إياك لما يجي تبقى تتكتمي وتكشري زي عويدك وتطفشيه - هو انتوا دائما ظالمني كده نفذوا جميعا أوامر أمهم اختفت البنات وأولادهم في غرفة ولم يجلس لاستقبال العريس سوى عشماوي وزين ودخلت لينا مع اخوتها وأولادهم حتى يأتي العريس وتطلب امها منها الخروج ، سمعوا صوت طرقات الباب فذهب عشماوي ليفتحه وحين فتح وجد امرأه سمينه تسد كل منافذ الباب لم يظهر أحد سواها أتت ام لينا لترحب بضيوفها - اتفضلوا اهلا وسهلا دخلت السيدة بصعوبه من الباب ثم ظهرت أخرى نفس الحجم وأم لينا مستمرة في الترحيب وعشماوي ينظر إليهم مندهشا دون أن ينبس ببنت شفه - يا ألف خطوة عزيزة حلت البركة - تسلمي ربنا يبارك أن شاء الله دخلت السيدة السمينه الأخرى بصعوبه أيضا ثم ظهرت سيدة أخرى. أجمل و اصغر سنا وحجما كثيرا عن الأخريات فدخلت بسهولة وظهر خلفها رجلان أحدهم طويل اصلع عريض المنكبين بشرته خمريه ذو انف مستقيم والآخر أقل حجما ويبدو اصغر سنا و اوسم بعض الشئ ، قدموا هديتهم وجلسوا وذهبت ام لينا لتنادي العروس - ياله عشان تخرجي العصير - عصير ايه يا ماما اللي هخرجه دي موضة قديمه أووي - بلاش ياماما تخرجه هي لتدلقه عليهم وتفضحنا - امري لله ياست شيرين أخرجه أنا خرجت لينا وأمها بجوارها تحمل صينية تحمل عدد من الاكواب الممتلئة بالعصير وضعت الصينيه على المنضدده - اتفضلوا ، لينا بنتي العروسه اقعدي يالينا فجلست لينا ملامحها ثابته بها شئ من الشعور بعدم الراحه كعادتها ولكنها حاولت التغلب عليه سالتها السيدة السمينة التي دخلت أولا - وانتي بقى بتشتغلي ياحلوه - اه بشتغل ونظرت للشاب الأصغر حجما وسنا توجه له الكلام لانه يجلس قريب منها - وحضرتك بتشتغل ايه فقالت السيدة الأصغر حجما وسنا - ده جوزي على فكرة مش العريس - وحضرتك مين - أنا اخت العريس - تشرفنا - الشرف لينا ردت السيدة السمينة التي دخلت ثانيا - بيشتغل موظف أد الدنيا فردت ام لينا التي بدا عليها الضيق - ربنا يباركلك فيه ، بقول ايه اتفضلوا ندخل جوه مع بعض شويه ونسيب العروسه والعريس يمكن يتفاهموا احسن من وجودنا - فردت السيدة السمينة. التي دخلت أولا - ياريت وتف*جينا ع الشقة بالمرة هي كام اوضه ردت ام لينا بتهكم - ليه ناويه تشتريها ، اتفضلوا اتفضلوا ادخلتهم ام لينا في الغرفة الخالية وتركت بناتها وأولادهم حيث حبستهم في الغرفة الأخرى فقالت السيدة السمينة المتطفلة - ماقلتليش الشقة كام أوضه - اوضتين ياحبيبتي ومطبخ وحمام - فكرتيني والنبي من بدري عايزة ادخل الحمام - وماله ياحبيبتي اتفضلي بيتك ومطرحك أدخلتها ام لينا الحمام فيبدوا أن أحد احفادها دخل منذ قليل ولم ينظف مكانه جيدا فكتمت المرأة انفها ودخلت ثم خرجت تتجول في الشقة حيث المطبخ قريب من دورة المياه فوقفت تتلصص فرات المطبخ غير مرتب كما يجب حيث أكل الاولاد ولم يسع الوقت لغسل الصحون فاجاتها ام لينا - خرجتي من بدري وتهتي ولا ايه - ههههه لا أنا بس عجباني شقتك ، مش هتوريني الاوضه التانيه - وماله أوريكي يا ختي - طب ماتندهيلهم يتف*جوا معانا - وماله يا حبيبتي أندهيلهم واتوا جميعا ودخلوا الغرفة التي يجلس بها البنات وأولادهم فنظرت لهم المرأة المتطفلة وأشارت لاحداهن - دي بنتك - اه - مخرجتيهالناش ليه أشمعنى التانيه دي اللي خرجتيها - اسم الله عليكي سلامة الشوف دي متجوزه وحامل وولادها اللي بيتنططوا حواليكي دول هي والتانيه متجوزين وبعدين هي لينا وحشه أنا ماعنديش - أه عشان كده - أنا معنديش حاجة وحشه بناتي كلهم قمرات ،هو حضرتك والدة العريس - أنا اكتر من امه أنا اللي مربياه بين عيالي زيه زيهم بالضبط ردت السيدة الأخرى – أنا والدته يا حبيبتي دي الست ام حسن جارتنا وزي اختي تمام - أنعم وأكرم تشرفنا في نفس الوقت كانت لينا تجلس مع العريس في الصالة يتحدثون - مقلتليش أنتي بتشتغلي ايه - موظفة أمن في مول - أمن !؟ هو في أمن بنات ؟ - طبعا - أنا أعرف الامن ده لازم يكون رجاله - لا انت فاهم غلط أنا موظفة أمن مش بشتغل في مديرية الأمن - ههههه دمك خفيف فتمتمت – دمك يلطش - بتقولي حاجة - بقول حضرتك بتشتغل موظف في ايه بالضبط - كشاف نور - والله بجد كويس - عايزة حاجة من مصلحة الكهرباء - ههههه لا ابدا بقول شغلانه كويسه يعني مضمونه وم**بها كويس - مضمونه لكن م**بها مش كويس عشان كده بشتغل بعد الظهر - ربنا يقويك خرج عشماوي وزين وتركوا النساء قال عشماوي - مرحب يا عريس - تسلم يا ابو نسب - كان يبدوا أن العريس شعر بشئ من القبول ولكن خرجت ام العريس وجارت العريس واخته وزوجها يستعجلون العريس قالت ام العريس - أن شاءالله هنصلي استخارة ونرد عليكوا - مابدري قالت الجارة – بدري من عمرك - لسه متعشناش مع بعض - يدوم العز يا اختي - احنا كمان هنصلي استخارة ونرد عليكوا خرجوا جميعا وام لينا تكاد تنفجر من الغيظ ولكنها حاولت أن تتحكم في أعصابها لانهم مهما كان ضيوف في بيتها . قال زين – الست جارتهم دي قليلة الذوق قال عشماوي – أنا ساكت عشان هما في بيتنا ايه العريس اللي جايب عيلته وجيرانه أمال في الفرح هيجيب مين تاني - نقطنا بسكاتك - حاضر يا اما - طفشتي العييس يا خالتوا ولا لسه - بس يابت يا زيزي يا ام ل**ن طويل أنتي - حاضر يا ماما انتهى اليوم وذهب كل منهم يخلد للنوم ليستيقظ مبكرا لعمله ومرت الايام كما هي ولم يرد العريس ولا أهله بالرغم من كل ماحدث حزنت ام لينا على الحظ السئ الذي لم يكن في صالح زواج ابنتها حتى الآن ، جلست جلستها المفضله في البلكونه تسمع ام كلثوم ربما تسري عنها بعض الشئ فأتت لينا تغني مع ام كلثوم - يا حياتي يا اغلى من حياتي ليه ماجيتش بدري - هيجي بدري يهبب لك ايه ما انتي بتطفشيهم - ايه يا موزه بلاش اغني - اه بلاش ما تغنيش ، اللي بيغنوا دول اللي عايزين يتجوزوا - بزمتك يا شيخه اللي بيتحوزوا بيجيلهم نفس يغنوا - خليكي لما ما تنفعيش ولا يبقالك شكل ولا منظر تعجزي وانتي لوحدك - أنا أمشي احسن اقعد جوه دخل زين بعد أن سمع الحوار - ليه يا ماما كده دا نصيب وربنا هيديها احسن حاجة - حبيب أختك يازين - يعني أنا اكره يابن الها**ه أنت وهي

Free reading for new users

Scan code to download app

App Store Google Play

Facebookexpand_more