الحلقة 3يوم مش معمول حسابه

1202 Words

مرت الايام بطيئة ممله كعادتها ولكن في نفس الوقت تشعر لينا أن العمر يجري لا تعرف كيف يحدث الشئ وضده وكيف تشعر هكذا بالشعورين في نفس الوقت ولم يعد للحياة طعم أكثر مما كانت ولكن حياتهم عموما مستقرة حتى أتى يوم عاد عشماوي وزين مبكرا من عملهم طرقوا الباب فانزعجت امهم ف ص*رها منقبض منذ استيقظت من نومها فتحت الباب - خير يابني ايه اللي مرجعكوا من شغلكوا بدري - خلاص مفيش شغل - يعني ايه يا عشماوي - قفلوا المصنع وسرحوا العمال كلها - أنت بتقول ايه يا زين - يا اخي ماتحدفش الكلام في وشها كده - يعني ايه يا اولاد دا احنا ماشيين يادوب - هنعمل ايه بس غصب عننا ياأم عشماوي - هندور على شغل تاني ياماما - والشغل مالي الدنيا اووي - ربنا مابينساش حد - ونعم بالله وبدأت الدنيا تضيق في وجوههم جميعا وتغيرت أحوالهم يجلسون للطعام صامتين شاردين لا ينبس ايا منهم بحرف لم يعمل بالبيت غير لينا أصبح كل الاعتماد على راتبها ، المصروف الذي تأخذه من المرتب لم يعد متوفر تعد امها لها الطعام من البيت وحين تعود تسير على قدميها بدلا من التوكتوك وظل عشماوي وزين يبحثون عن عمل وينتقلون مابين العمل في سوبر ماركت والعمل في محلات الملابس ثم رأوا أن العمل على توكتوك افضل لهم ومرت الايام وهم يحاولون أن يعودوا لحالتهم المستقرة كما كانوا ولينا يتردد عليها العرسان ولا تتم لها أي خطبة وهي لا تندم على اي عريس ولا تشعر أنها خسرت احدهم ، أما امها فتشعر بخيبة أمل وخوف على مصير ابنتها فهي ترى أن العمر يجري بها وهي لا تشعر وذات يوم كانت لينا تقضي عطلتها في البيت فاستيقظت امها من النوم واعدت الافطار ثم نادت على اولادها - لينا عشماوي. زين. أصحوا يا اولاد أنا حضرت الفطار استمرت تنادي ولا مجيب - مش راضيه اصحيكوا من بدري الظهر قرب يأذن يا اولاد أستفاق زين وذهب إلى الحمام فأحس به عشماوي فاستفاق يجري إلى الحمام وظل يطرق الباب - برضوا قايمين تتخانقوا ع الحمام ، لولا صحيتكوا كنتوا هتغرقوا السراير - عملتلنا فطار ايه يا ست الحبايب - شاي بلبن وسندوتشات جبنه - كله حلو منك يا عسل اهو مسح زور خرج زين ودخل عشماوي الحمام - روح يازين صحي أختك لما نشوف اخرتها خرجت لينا من الغرفة - أنا صاحيه - مب**ك يا اختي روحي اغسلي وشك على حوض المطبخ خلينا نخلص جلسوا جميعا للإفطار وظل زين وعشماوي يغنون ست الحبايب يا حبيبه ويضحكون جميعا أثناء تناولهم الطعام وحين انتهوا قال عشماوي - هنزل اجيب فول وطعميه عشان نفطر ضحكت لينا - أمال احنا كنا بنعمل ايه - روح يابني هات خلينا نكمل اكل - هو بيتأخر في المطعم يا لينا على مايجي نكون جوعنا - ههههه ماشي يازين - روحي اعمليلنا شاي بقى عشان نحبس - أمال كنتي بتشربي ايه من شويه - ده شاي بلبن دلوقتي نشرب شاي ساده - هههههه ماشي يا ماما هعملك الشاي ذهبت لينا لتعد الشاي لامها وقدمته لها في البلكونه وهي تسمع ام كلثوم فجلست لينا بجوارها تردد مع الاغنيه - أنا حبيت في عينيك الدنيا كل الدنيا حتى عوازلي أو حسادي - اخرصي خالص ما تغنيش - ليه بس يا موزه - موزه في عينيك اللي بيغنوا دول بيبقوا عايزين يتجوزوا قلتلك قبل كده - لا معاكي حق خلاص مش هغني تاني - خليكي أن شاءالله ما غنيتي ولا اتجوزتي لما تكبري وانتي لوحدك هتعرفي أني كنت خايفه عليكي - يعني اللي بيتحوزوا مابيكبروش - بيكبروا وولادهم حواليهم. مفرحنهم ، يشيلوهم في كبرهم وفي مماتهم - هي الدنيا حلوة أووي عشان نخلف عيال نعذبهم فيها - واحنا كنا عذبناكي في ايه يا اختي - كفاية أن مش قادرة اعيش زي ما أنا عايزة مش قادرة اعمل اللي نفسي فيه عمري ما حسيت اني حرة - وحياة امك وايه يا ختي اللي نفسك فيه - نسيت - وحياة امك - والله العظيم نسيت نسيت كان نفسي في ايه ، نسيت كنت بحلم بأيه ، بس اللي فاكراه أن كان نفسي في حاجات كتيرة ما. حققتش منهم ولا حاجة - يا ختي احنا ناس جهلة ربناكوا زي ما عرفنه خلفوا انتوا وربوا بمعرفتكوا طلعوا عيالكوا احسن منكوا وخليكوا احسن مننا - الكلام ده لما تختاري أب مقتنع بكده بزمتك في واحد من اللي جم دول ينفع اب أصلا - كفاية أنتي تنفعي ام - لا ما انفعش عشان كده مش عايزة أبقى أم - يابنتي حرام عليكي ربنا يكتبها أتقي الله - ربنا ما. يرضاش اني أجيب طفل يعيش نفس الحياة اللي احنا عايشتها دي - يابنتي كل عيل بيجي برزقه - وربنا قال اعقلها وتوكل وانا عاقلاها صدقيني لو جبت عيل وحسيت أني مش هقدر أعيشه العيشه اللي يستاهلها هموت من الحصرة - ولما عمرك يجري وانتي لوحدك هتموتي بحسرتك لوحدك ما حدش هيحس بيكي وبكره تقولي امي قالت اغرورقت عيناها بالدموع وتركت امها وذهبت لحجرتها وأغلقت الباب والام حالتها لا تختلف كثيرا دخل زين لأمه بعد أن سمع كل ما حدث - ليه بس كده يا ماما مالوش لازمه الكلام ده - بقولك ايه غور من وشي ، بكرة تتجوز وتخلف وتنساها محدش هينفعها غير بيتها وولادها - تركها وذهب إلى لينا يطرق باب غرفتها ولكن دون استجابة لم ترد أو تغير .طرقاته أي اهتمام ، خيم النكد على البيت وحلت الكأبة على كل مكان عاد عشماوي بالافطار الثاني طرق الباب ففتح له زين وضع الفول والطعميه من يديه على الترابيزة قائلا - فين لينا عشان تحضر الفطار - أمك ولينا لسه متخانقين - ليه كده ما أنا سايبهم كويسين ايه اللي حصل - حكاية كل يوم وخناقة كل يوم - يووووه برضوا حوار الجواز والعرسان - أه هو في غيره دخل عشماوي لوالدته - ست الحبايب يا حبيبه يا اغلى من روحى ودمي يا حنينة وكلك طيبة - امشي ياواد غور من وشي - ليه بس كده ، يا حنينه وكلك طيبه يارب يخليكي يا امي يا رب يخليكي يا حبيبه وحبيبه - قلتلك ابعد عني يا عشماوي - طيب الفول والطعميه هيبردوا ولو قلت للشملوله بنتك تحضر الاكل هتموت لحد مايتلج - طيب يا اخويا هقوم احضره أصلك هتتشل لو حضرته - يعني اشتريه واحضره كمان هو ايه أصله ده ذهبت أمه لتحضير الطعام ووضعته على المنضده ذهب زين يطرق باب الغرفة بلا جدوى أو استجابه . وقفت ام لينا تحضر الفول والطعميه ووقف زين يغسل الجرجير والفجل والبصل ويجهزهم وانتهوا من تحضير الطعام وضعوا الصحون على المنضددة وذهبت ام لينا تطرق عليها الباب فلم ترد أيضا - افتحي لا**ر الباب ده على دماغك فتحت لينا الباب ثم عادت للسرير - قومي أفطري - أنتوا هتجنوني أمال كنا بنعمل ايه الصبح - اد*كي قولتيها يا عين امك الصبح ، بقالنا كام ساعة من ساعتها - أنا مش جعانه - قومي اطفحي خلي خلقتك تتعدل بدل ماأنتي عامله زي المرضى - يا ماما مش عايزة - أنا قلت تقومي يبقى تقومي كلمه واحده قامت لينا دخلت دورة المياه لغسل وجهها ويديها ثم عادت تجلس للطعام ناولها زين اعواد جرجير وفجل - خدي هيفتح نفسك على الاكل - دي عايزة ماطوه تفتح نفسها ضحك عشماوي وزين - ليه كده يا ماما - اتلهي أنت وهو وايه الخضره اللي جايبها دي كلها يا سي عشماوي لو حد دخل علينا يقول ايه معيز بتاكل - هههههه لا هيقول فراخ - فكرتني أبقى اطلع منهم للفرختين اللي مربياهم ع السطح - وهاتيلنا البيض اعمليلنا بشاميل - أنت مابتشبعش بشاميل يا عشماوي هتقلبظ ايه اكتر من كده - خليك انت وهي مسلوعين كده - ملاكش دعوه يا زين جبتلنا الكلام أنا وأنت - كلي زي الناس ياختي عمللنا رچيم ولا بتوفري

Free reading for new users

Scan code to download app

App Store Google Play

Facebookexpand_more