«عشق الرجال»

# الفصل الاول # عشق الرجال # اميره على «ميرو» * * * * * * * * * * * * .. انت بتقول اي ازاي ناوي تتجوز محمود : زي ما بقولك كده شرع ربنا اي هتعترضي شهد : لا طبعا شرع ربنا فوق راسي لكن ده لما يبقي ناقصك حاجه.. ها ي بيه تقدري تقولى اي اللى ناقصك نظر اليها نظره فاحصه من ثيابها القديمه الباليه الى شعرها المعقوص للخلف وهذا الوشاح تعقده فوق رأسها ووجهها الباهت.. ليست هذه من تزوجها وهو يهيم بها عشقا تغيرت كثيرا محمود : ايوه ناقصني ناقصني اني احس اني راجل اني ارجع البيت واكون مبسوط مش من اول ما ادخل من الباب الاقيكي مكشره في وشي وتقعدي تشتكي كل شويه من شغل البيت وتربيه البنت نفسي مره ارجع الاقيكي بتضحكي في وشي بدل البوز اللى ض*باه ال 24 ساعه ضحكت شهد باستهزاء وهي تقول: اديني بضحك اهو كده هترضي ومش هتتجوز محمود : انا نفسي افهم انتي اي اللى غيرك كده اول جوازنا كنا ديما مبسوطين وحياتنا كانت جميله جدا من وقت ما خلفتي ملك وكل حاجه فيكي متغيره شهد : اهو انت كل شوية تطلعني انا اللي غلطانه عشان تداري علي خيانتك ليا محمود بصدمه : خيانه اي شهد : هو انتا فاكرني عاميه كل شويه تقولى خارج مع اصحابي وديما بترجع متاخر ودلوقتي جاي تقولى هتجوز انت فاكرني هبله ومش فاهمه محمود بأحباط : انتي مفيش فايده فيكي بجد حتي لو بصيت بره وقررت اتجوز يبقي من. حقي مادام ابسط حقوقي مش لاقيها في بيتي شهد : قصدك اي محمود : قصدي حقوقي الزوجيه اللى حضرتك منعاني منها من. اكتر من. 3 شهور وكل ما اكلمك تتهربي وتقولي شويه تعبانه وشويه. عندي ظروف شهد : اي الحجج الفارغه اللى في دماغك دي هو الجواز بالنسبالك كده وبس محمود بحزن : لا ي شهد الجواز مش كده الجواز اني احس اني مرغوب من الست اللى معايا وديما تكون حابه اني اكون قريب منها مش ديما نافره مني بالطريقه دي.. تن*د بعمق واكمل قائلا: انا هتجوز في شقه تانيه وانتي هتفضلي هنا انتي وملك وكان سيتحرك في اتجاه الباب ولكنها اوقفته بقولها شهد: انت فاكر اني هفضل على ذمتك لو اتجوزت قبل ما تتجوز تطلقني وتسيب الشقه لانها من حقي والمؤخر وكل حقوقي تكون عندي والا انت عارف اهلى ممكن يعملوا فيك اي محمود بحزن ممزوج بصدمه : انا هسيبك اسبوع تفكري الاول وبعدين هعمل اللى انتي عوزاه شهد بصدمه فهي كانت تظن انها حين تطلب منه الطلاق سوف يترجاها لكي لا تتركه فهي تعلم جيدا مدي عشقه اليها وتعلم انه لن يستطيع الاستغناء عنها ولكن الان علمت انها قد خسرت كل شئ منزلها وزوجها وكل شئ ولكنها لم تخطئ بشئ معه فهي تقوم بكل اعمال المنزل يعود يوميا يجد طعامه وملابسه دائما نظيفه ومرتبه اذن اين الخطأ هذا هو ما وجدت عليه والدتها وما قالته لها والدتها ان زوجها ليس له حق عليها سوي ملابسه وطعامه ونظافه منزله تربت على هذا الشئ ولكن لماذا هو منزعج الآن * * * * * * * * * * * * ي شيخه بقي انا ق*فت منك ومن. برودك ده انتي اي جبله مش بتحسي نورا ببرود: مالك بس ي بيبي في اي معتز: انتي ازاي كده ابنك. تعبان من امبارح ومفكرتيش حتي تطلبي الدكتور ييجي يشوفه نورا بلا مبالاه: ما الداده ادتله دوا وهيخف معتز بصدمه: اي البرود اللى انتى فيه ده بقولك ابنك. حرارته فوق ال 40 وانتي تقوليلى الداده هو مين اللى امه نورا بأنزعاج: يوووه بقي ي معتز اوعي كده عشان اقوم البس عشان رايحه عند ماما شويه امسكها من يدها بقوه: امك اي وزفت اي دلوقتي اترزعي هنا لغايه ما الدكتور ييجي عشان يشوف مالك وبعدها ليا حساب تاني معاكي الظاهر اني اتساهلت معاكي كتير لكن توصل لغايه ابني اهو ده اللي مش هسكت عليه نهائي نورا بعصبيه: اد*ك قولت ابنك انت كويس انك. فاكر معتز: قصدك اي نورا: قصدي انه مش ابني عشان اخاف عليه معتز: انتي بتقولى اي بعد السنين دي بتقولي انه مش ابنك نورا ببرود: ايوه مش ابني هو ابنك انت وبس وانت تحمد. ربنا اني قبلت اربي ابنك بعد امه ما ماتت معتز: غوري من. وشي حالا ومشوفش وشك قدامي عشان معملش حاجه اندم عليها اتجهت نورا خارج المنزل وبعدها بفتره وجيزه جاء الطبيب وفحص مالك واخبر معتز انه ليس به شى خطير واعطي له خافض للحراره واوصي ان يتم عمل كمادات بارده له وسوف تنخفض حرارته تدريجيا وكتب له على عده ادويه واعطي الورقه الى معتز وبعدها غادر بمجرد ان غادر الطبيب اتجه معتز الى ابنه وطبع قبله على جبينه كاعتزار منه علي تركه هذه الايام * * * * * * * * * * * * * انت بتقول اي معقول عاوز تتجوز عليا .. ي حبيبتي صدقيني غصب عني انتي عارفه ابويا م**م اني لازم اتجوزها هي بدموع.. طب وانا ي حسام انت عارف اني مقدرش اشوفك مع واحده تانيه اخدها حسام في حضنه وقال.. على عيني ي ساره والله بس انتي عارفه محدش يقدر ي**ر كلمه الحاج ساره وهي تمسح دموعها.. مب**ك ي حسام تركته وغادرت من الغرفه لكي تستطيع ان تبكي بحريتها في تعلم انه لن يستطيع ان يعصي كلام والده ولابد له ان يستمع لكلامه ويتزوج من ابنه عمه * * * * * * * * * * في غرفه اخري سعاد.. مش شايف كده انك بتظلم ساره ي حاج محسن.. لا ي سعاد انا عارف ان ابني هيعدل ما بينهم وبعدين انا مقدرش اسيب بنت اخويا تعيش لوحدها بعد ما ابوها مات وكمان انتي عارفه ان امها سافرت من زمان ومحدش يعرف عنها حاجه سعاد.. طب ي حاج ما تيجي تعيش معانا ومن غير ما حسام يتجوزها. وبكره يجيلها ابن الحلال محسن بغضب.. لا انتي عارفه اني كنت متفق مع اخوي على جوازهم من زمان لولا ان ابنك حب ساره ووقتها بنت اخويا كانت لسه صغيره قولت يتجوزها عقبال ما البنت تكبر شويه ويبقي يتجوزها هي كمان سعاد... بس ابنك مش عاوزها ي حاج. وبعدين ساره الحق لله ونعم الزوجه والام وعمرها ما قصرت في حاجه محسن.. انا خلاص قولت اللى عندي حسام هيتجوز دعاء بنت اخويا وكتب الكتاب يوم الخميس الجاي * * * * * * * * * * * * دعاء.. اخيرا هتجوزه بعد السنين دي كلها مرفت صديقتها... فرحانه على اي انك هتتجوزي على ضره مش كنتي قولتي لعمك يخليه يطلق مراته وبعدين تتجوزيه دعاء... مينفعش ي بنتي مكنش هيوافق وبالذات عشان ولاده.. لكن وحياتك اول ما اتجوزه لأخليه يطردها هي وولادها وما هيبقي على ذمته غيري انا وبس مرفت.. طول عمرك داهيه ي بنتي دعاء: انتي عارفه اني بحبه من زمان لكن هو كل تفكيره في ست ساره لكن انا هقدر اخليه ينساها خالص ومش هيكون في قلبه وباله غير دعاء وبس * * * * * * * * * * # عشق الرجال # اميره على « ميرو »